സംസ്ഥാനത്ത് ഇരുചക്രവാഹനങ്ങളിലുള്ള യാത്രയില് പിന്നിലിരിക്കുന്നവര്ക്കും ഹെല്മറ്റ് നിര്ബന്ധമാക്കി
സംസ്ഥാനത്ത് ഇരുചക്രവാഹനങ്ങളിലുള്ള യാത്രയില് പിന്നിലിരിക്കുന്നവര്ക്കും ഹെല്മെറ്റ് നിര്ബന്ധമാക്കി. ഇത് സംബന്ധിച്ച സുപ്രീം കോടതി വിധി സംസ്ഥാനത്ത് കര്ശനമായി നടപ്പാക്കണമെന്ന് ഗതാഗത സെക്രട്ടറി നിര്ദേശിച്ചു.
കാറിലെ എല്ലാ യാത്രക്കാര്ക്കും സീറ്റ് ബെല്റ്റ് നിര്ബന്ധമാണെന്നുള്ള കോടതി വിധിയിലെ നിര്ദേശം കൂടി ഓര്മിപ്പിച്ച് ഗതാഗത വകുപ്പ് പ്രിന്സിപ്പല് സെക്രട്ടറി കെ.ആര്.ജ്യോതിലാല് ഐഎഎസ് ഗതാഗത കമ്മീഷണര്ക്ക് കത്തയച്ചു. ഹെല്മറ്റും സീറ്റ് ബെല്റ്റും എല്ലാ ബൈക്ക് കാര് യാത്രക്കാരും ധരിക്കണമെന്ന് സുപ്രീംകോടതി നേരത്തെ തന്നെ വ്യക്തമാക്കിയിട്ടുണ്ടെന്നും എന്നാല് സംസ്ഥാനത്ത് ഈ നിയമം കാര്യക്ഷമമായി നടപ്പാക്കുന്നില്ലെന്നും അദ്ദേഹം വ്യക്തമാക്കി.
നേരത്തെ, ഋഷിരാജ് സിംഗ് ഗതാഗത കമ്മീഷണറായിരുന്ന സമയത്ത് കാര് യാത്രക്കാര്ക്കെല്ലാം സീറ്റ് ബെല്റ്റ് നിര്ബന്ധമാക്കിയിരുന്നു. എന്നാല്, പിന്നീട് ഗതാഗതമന്ത്രിയുടെ എതിര്പ്പിനെ തുടര്ന്ന് നിയമം കര്ശനമായി നടപ്പാക്കിയില്ല.
L
https://www.facebook.com/Malayalivartha
