കേരളം ചരിത്രത്തിലേക്ക് ഓടിക്കയറി...റണ് കേരള റണ് ഒരു ചരിത്ര വിജയം
കൂട്ടായ്മയുടെ ആവേശ ചരിത്രമെഴുതി റണ് കേരള റണ് കൂട്ടയോട്ടത്തിന് തുടക്കമായി. തിരുവനന്തപുരത്ത് ഗവര്ണര് പി സദാശിവം സത്യപ്രതിജ്ഞ ചൊല്ലിക്കൊടുത്ത് ഫ്ളാഗ് ഓഫ് ചെയ്തു റണ് കേരള റണ് കൂട്ടയോട്ടത്തിന് തുടക്കം കുറിച്ചു. തലസ്ഥാനത്തു സെക്രട്ടേറിയറ്റിനു മുന്പില് നടന്ന മെഗാ റണ്ണില് ക്രിക്കറ്റ് ഇതിഹാസം സച്ചിന് തെന്ഡുക്കര് കാണികള്ക്ക് ആവേശമായി. രാവിലെ 10.30ന് സംസ്ഥാനത്തെ പതിനായിരത്തോളം കേന്ദ്രങ്ങളിലായി കൂട്ടയോട്ടത്തിന് തുടക്കമായി. മുഖ്യമന്ത്രി ഉമ്മന്ചാണ്ടി, മന്ത്രിമാരായ തിരുവഞ്ചൂര് രാധാകൃഷ്ണന്, രമേശ് ചെന്നിത്തല, പി.കെ.കുഞ്ഞാലിക്കുട്ടി, വി എസ്.ശിവകുമാര്, അര്ജുന അവാര്ഡ് ജേതാക്കള്, ദേശീയ ഗെയിംസ് സിഇഒ: ജേക്കബ് പുന്നൂസ് , സ്പീക്കര് ജി.കാര്ത്തികേയനും അങ്ങനെ നിരവധി പേര് തിരുവനന്തപുരത്ത് പങ്കെടുത്തു.
കൊച്ചിയില് നടന് മോഹന്ലാല് ഫ്ളാഗ് ഓഫ് ചെയ്തു ഉദ്ഘാടനം നിര്വഹിച്ചു. കൊച്ചിയില് ദര്ബാര് ഹാളില് നിന്നുമാണ് കൂട്ടയോട്ടത്തിന് തുടക്കമായത്. മന്ത്രിമാരായ കെ. ബാബു, വി.കെ. ഇബ്രാഹിംകുഞ്ഞ്, അനൂപ് ജേക്കബ്, ഒളിംപ്യന്മാരായ ടി.സി. യോഹന്നാന്, മേഴ്സിക്കുട്ടന്, എം.ഡി.വല്സമ്മ, ഒ.രാധിക, സിനിമാതാരങ്ങളായ ലാല്, ശ്വേത മേനോന്, അമല പോള്, കവിയൂര് പൊന്നമ്മ, സിദ്ധിഖ്, ലാലു അലക്സ്, ജനാര്ദനന്, ദേവന്, അജ്മല് അമീര്, ടിനി ടോം, ഹരിശ്രീ അശോകന്, ബാബുരാജ്, രാജീവ് പിള്ള, അനന്യ, തെസ്നി ഖാന്, നാദിര്ഷാ, അന്സിബ ഹസന്, ഷൈന് ടോം ചാക്കോ, ചെസ് ഗ്രാന്ഡ് മാസ്റ്റര് ജി.എന്. ഗോപാല് തുടങ്ങി നിരവധി പേര് പങ്കെടുത്തു. കൂട്ടയോട്ടം നടക്കുന്ന സ്ഥലങ്ങളില് ഗതാഗത ക്രമീകരണം ഏര്പ്പെടുത്തിയിട്ടുണ്ട്. സംസ്ഥാനത്തെ മുഴുവന് വിദ്യാലയങ്ങളിലെയും കുട്ടികള് കൂട്ടയോട്ടത്തില് പങ്കാളികളായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
