അമൃതാനന്ദമയി പ്രചാരണത്തിന് മമ്മൂട്ടിയെയും കൂട്ടി
കൈരളി ടി.വിയില്‍ തനിക്കെതിരെ വാര്‍ത്തകള്‍ വന്ന പശ്ചാത്തലത്തില്‍ മാതാ അമൃതാനന്ദമയി പ്രചരണത്തിന് ചാനല്‍ ചെയര്‍മാനും നടനുമായ മമ്മൂട്ടിയെ പ്രചാരണത്തിന് കൂട്ട് പിടിച്ചു. മമ്മൂട്ടിയും തന്റെ ഭക്തനാണെന്ന് വരുത്തിത്തീര്‍ക്കാനാണ് ഇത്തരത്തിലൊരു പരസ്യം ആശ്രമത്തിലെ പി.ആര്‍.ഒമാര്‍ ചെയ്തത്. മുമ്പെങ്ങോ നടന്ന ഏതോ ചടങ്ങില്‍ മമ്മൂട്ടി അമ്മയെ കുറിച്ച് പറഞ്ഞ വാക്കുകള്‍ അടര്‍ത്തിയെടുത്താണ് പരസ്യത്തില്‍ ഉള്‍പ്പെടുത്തിയിരിക്കുന്നത്. അമ്മമാരും മക്കളും തമ്മിലുള്ള ബന്ധം പൊക്കിള്‍ കൊടിയിലൂടെയാണെന്നും എന്നാല്‍ യാതൊരു ബന്ധവുമില്ലാത്ത ആയിരങ്ങള്‍ക്ക് ഈ അമ്മ ആശ്രയമാകുന്നെന്നും മമ്മൂട്ടി പറയുന്നതാണ് പരസ്യത്തില്‍ ചേര്‍ത്തിരിക്കുന്നത്.
ഈ മാസം 24, 25 തിയതികളില്‍ അമ്മ തലസ്ഥാനത്ത് എത്തുന്നതിന്റെ പ്രചരണത്തിന്റെ ഭാഗമായി തിയറ്ററുകളില്‍ നല്‍കിയിരിക്കുന്ന പരസ്യത്തിലാണ് മമ്മൂട്ടിയുടെ പ്രസംഗം ഉള്ളത്. അമ്മയുടെ മുന്‍ ശിഷ്യയായ വിദേശ വനിത മഠത്തിലെ കൊള്ളരുതായ്മകളെ കുറിച്ച് പുസ്തകം എഴുതിയിരുന്നു. തുടര്‍ന്ന് കൈരളി ചാനല്‍ എം.ഡി ജോണ്‍ബ്രിട്ടാസ് അമേരിക്കയില്‍ പോയി അവരെ ഇന്റര്‍വ്യു ചെയ്തിരുന്നു. അത് വലിയ വിവാദമായിരുന്നു. മമ്മൂട്ടി ഇടപെട്ടാണ് അഭിമുഖം നടത്തിയതെന്നായിരുന്നു അമ്മയുടെ അനുയായികളുടെ ആരോപണം. ![\"\"](\"/userfiles/e2532244f-1.jpg\")
അതിനിടെ യാതൊരു പ്രതിഫലവും കൈപ്പറ്റാതെ ഒരമ്മ അനാഥബാല്യങ്ങളെ സംരക്ഷിച്ചിരിക്കുന്നു എന്ന അടിക്കുറിപ്പോടെ മദര്‍തെരേസയുടെ പടം മമ്മൂട്ടി തന്റെ ഫെയിസ്ബുക്ക് പേജില്‍ ഇട്ടിരുന്നു. തുടര്‍ന്ന് അന്ന് റിലീസായ ഗ്യാംഗ്സ്റ്റര്‍ എന്ന മമ്മൂട്ടി ചിത്രം വലിയ പരാജയമാണെന്ന് അമൃത ചാനലിന്റെ പ്രധാന വാര്‍ത്തയില്‍ സംപ്രേക്ഷണം ചെയ്തു. അങ്ങനെ അമ്മ ഭക്തര്‍ മമ്മൂട്ടിയുമായി പ്രത്യക്ഷമായി ഏറ്റുമുട്ടിയിരുന്നു. അതിന് ശേഷമാണ് ഇത്തരത്തിലൊരു പരസ്യം പ്ലാന്‍ ചെയ്തത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
