സഹപ്രവര്ത്തകരെ കഠാരകൊണ്ട് കുത്തി പരിക്കേല്പ്പിച്ച കെ.എസ്.യു നേതാവ് എസ്.എഫ്.ഐ നേതാക്കളുടെ കത്തിക്കുത്തിനെതിരെ സെക്രട്ടറിയേറ്റിന് മുന്നില് നിരാഹാരം കിടക്കുന്നു!
സഹപ്രവര്ത്തകരെ കഠാരകൊണ്ട് കുത്തി പരിക്കേല്പ്പിച്ച കെ.എസ്.യു നേതാവ് എസ്.എഫ്.ഐ നേതാക്കളുടെ കത്തിക്കുത്തിനെതിരെ സെക്രട്ടറിയേറ്റിന് മുന്നില് നിരാഹാരം കിടക്കുന്നു! യു.ഡി.എഫിന്റെ പടയൊരുക്കം പരിപാടിയുടെ സമാപനത്തിനിടെ ചേരിതിരിഞ്ഞ് കോണ്ഗ്രസുകാര് തമ്മില് തല്ലിയതിനിടെയാണ് കെഎസ്യു സംസ്ഥാന ജനറല് സെക്രട്ടറി നബീല് സഹപ്രവര്ത്തകനെ കുത്തിയത്. തിരുവനന്തപുരം കല്ലമ്പലം സ്വദേശിയായ നബീല്, സുഹൈല്, ഫായിസ് എന്നിവരുടെ നേതൃത്വത്തിലുള്ള അഞ്ചംഗ സംഘമാണ് കെ.എസ്.യു തിരുവനന്തപുരം ജില്ലാ സെക്രട്ടറി ആദേഷ് സുധര്മന്, ആറ്റിങ്ങല് പാര്ലമെന്റ് മണ്ഡലം ഐ.ടി കോ-ഓഡിനേറ്റര് നജീം എന്നിവരെ കുത്തി പരിക്കേല്പ്പിച്ചത്. ഇതേ തുടര്ന്ന് ആദേഷ് കന്റോണ്മെന്റ് സ്റ്റേഷനില് കേസ് രജിസ്റ്റര് ചെയ്തിരുന്നു.
ആദേഷിന്റെ ഇടത് കൈയ്ക്കും കാലിനുമാണ് കുത്തേറ്റത്. നജീമിന്റെ തലയ്ക്കാണ് കുത്ത് കൊണ്ടത്. ഇയാളുടെ ക്യാമറയും തകര്ത്തു. എ ഗ്രൂപ്പുകാരനാണ് ആദേഷ്. സമാപന സമ്മേളനത്തിനിടയിലും തമ്മിലടിച്ചിരുന്നു. നേതാക്കള് പ്രസംഗിക്കാന് എത്തിയപ്പോള് ഗ്രൂപ്പ് തിരിഞ്ഞായിരുന്നു കയ്യടി. ഉമ്മന്ചാണ്ടി സംസാരിച്ച് തുടങ്ങിയപ്പോള് ഒരു ഭാഗത്ത് നിന്നും ചെന്നിത്തല പ്രസംഗിച്ചപ്പോള് മറുഭാഗത്ത് നിന്നും കയ്യടി തുടങ്ങി. പടയൊരുക്കം നയിച്ച രമേശ് ചെന്നിത്തലയുടെ പ്രസംഗത്തിന് കയ്യടി കുറഞ്ഞ് പോയത് ഐ ഗ്രൂപ്പുകാരെ ചൊടിപ്പിച്ചു.
പടയൊരുക്കം പരിപാടിയുടെ സമാപനം തിരുവനന്തപുരം നഗരത്തിലെ സെന്ട്രല് സ്റ്റേഡിയത്തിലായിരുന്നു. കോണ്ഗ്രസ് അധ്യക്ഷനായിരുന്ന രാഹുല് ഗാന്ധിയായിരുന്നു ഉദ്ഘാടകന്. പരിപാടികഴിഞ്ഞതും എ, ഐ, സുധീരന് ഗ്രൂപ്പുകാര് തമ്മില് ഏറ്റുമുട്ടുകയായിരുന്നു. സ്റ്റേഡിയത്തിന്റെ കവാടത്തിന് മുന്നിലായിരുന്നു അടി ആരംഭിച്ചത്. രാത്രി വൈകിയും സംഘട്ടനം തുടര്ന്നു. കൊട്ടിഘോഷിച്ച് നടത്തിയ പടയൊരുക്കം ഉമ്മന്ചാണ്ടിയെ 'വെട്ടി' ചെന്നിത്തലക്ക് ഭാവി മുഖ്യമന്ത്രിക്കസേര തരപ്പെടുത്താനാണെന്നാണ് എ ഗ്രൂപ്പ് ആരോപിച്ചിരുന്നത്. വല്ലാതെ കളിച്ചാല് ഐ ഗ്രൂപ്പ് നേതാക്കളും അടി മേടിക്കുമെന്നാണ് എ ഗ്രൂപ്പ് പ്രവര്ത്തകര് അന്ന് ആക്രോശിച്ചത്. മുന് കെ.പി.സി.സി പ്രസിഡന്റ് വി.എം സുധീരന് ചടങ്ങ് ബഹിഷ്കരിച്ചിരുന്നു.
യൂണിവേഴ്സിറ്റി കോളജില് എസ്.എഫ്.ഐക്കാര് തമ്മില് നടന്ന സംഘര്ഷത്തിനിടെ പ്രവര്ത്തകനായ അഖിലിനെ യൂണിറ്റ് ഭാരവാഹിയായിരുന്ന ശിവരഞ്ജിത്ത് കുത്തിയതും ശിവരഞ്ജിത്തിന്റെ വീട്ടില് നിന്ന് കേരളാ യൂണിവേഴ്സിറ്റി ഉത്തരക്കടലാസുകളും ഫിസിക്കല് എഡ്യൂക്കേഷന് വകുപ്പ് തലവന്റെ വ്യാജ സീല് കണ്ടെത്തിയതും വിവാദമായിരുന്നു. ഇക്കാര്യങ്ങള് അന്വേഷിച്ച് നടപടി സ്വീകരിക്കണമെന്ന് ആവശ്യപ്പെട്ടാണ് കെ.എസ്.യു സംസ്ഥാന പ്രസിഡന്റ് അഭിജിത്തിന്റെ നേതൃത്വത്തില് സെക്രട്ടറിയേറ്റിന് മുന്നില് നിരാഹാര സമരം നടത്തുന്നത്. അഭിജിത്തിനൊപ്പം കുത്ത് കേസ് പ്രതിയായ നബീലും ഉണ്ടെന്നതാണ് വിരോധാഭാസം.
https://www.facebook.com/Malayalivartha
