ശിവരഞ്ജിത്തിന്റെ വീട്ടില് നിന്നും കണ്ടെത്തിയ ഉത്തരക്കടലാസ് വ്യാജമല്ലെന്ന് കണ്ടെത്തിയതിന് പിന്നാലെ ഉത്തരക്കടലാസ് പുറത്തുപോയ സംഭവം അന്വേഷിക്കാനൊരുങ്ങി സിന്ഡിക്കേറ്റ്
കേരള സര്വകലാശാലയുടെ ഉത്തരക്കടലാസ് പുറത്ത് പോയ സംഭവം അന്വേഷിക്കാന് സിന്ഡിക്കേറ്റ് യോഗ തീരുമാനം. ഡോ.കെ.ബി മനോജിന്റെ അധ്യക്ഷതയിലുള്ള ഉപസമിതിയാകും അന്വേഷിക്കുക. ശിവരഞ്ജിത്തിന്റെ വീട്ടില് നിന്നും ഉത്തരക്കടലാസും വ്യാജ സീലും കണ്ടെത്തിയ സംഭവത്തില് ക്രിമിനല് കേസെടുക്കാന് പൊലീസിനോട് ആവശ്യപ്പെടും. സര്വകലാശായില് വിജിലന്സ് വിംഗ് രൂപീകരിക്കാനും ഇന്ന് ചേര്ന്ന സിന്ഡിക്കേറ്റ് യോഗം തീരുമാനിച്ചു.
സര്വകാലാശാല കോളേജിന് നല്കിയ ക്രമനമ്ബറില് പെട്ടവയാണ് ശിവരഞ്ജിത്തിന്റെ വീട്ടില് നിന്നും കണ്ടെത്തിയ ഉത്തരക്കടലാസെന്ന് പരീക്ഷാ കണ്ട്രോളര് റിപ്പോര്ട്ട് നല്കി. കഴിഞ്ഞ രണ്ട് വര്ഷത്തെ ഉത്തരപ്പേപ്പറുകള് കാണാതായിട്ടുണ്ടെന്നും റിപ്പോര്ട്ടില് പറയുന്നു. ഇക്കാര്യത്തില് കോളേജ് അധികാരികള് സ്വീകരിച്ച നടപടിക്രമം, വളരെ ഉത്തരവാദിത്തപ്പെട്ട വിഷയം കൈകാര്യം ചെയ്യേണ്ട രീതിയില് ചെയ്തിട്ടില്ല. ഇക്കാര്യത്തില് വീഴ്ച വന്നിട്ടുണ്ട്.
സര്വകലാശാലയുടെ നിയമങ്ങള്ക്കും നടപടിക്രമങ്ങള്ക്കും വിരുദ്ധമായ രൂപത്തില് വരുന്ന കാര്യങ്ങള് അപ്പോഴപ്പോള് സര്വകലാശാല വൈസ് ചാന്സലര്ക്കും സിന്ഡിക്കേറ്റിനും റിപ്പോര്ട്ട് ചെയ്ത് അവശ്യമായ നടപടിക്രമങ്ങള് സ്വീകരിക്കുന്നതിന് വിജിലന്സ് വിങ്ങിന് രൂപം നല്കുവാനും സിന്ഡിക്കേറ്റ് തീരുമാനിച്ചു.
https://www.facebook.com/Malayalivartha
