പുതിയ റേഷന്‍ കാര്‍ഡ് അനുവദിക്കുന്നതിലുള്ള സങ്കീര്‍ണതകള്‍ ഇല്ലാതാക്കണമെന്നാവശ്യപ്പെട്ടുകൊണ്ട് ജനുവരി 27 ന് വില്ലേജ് ഓഫീസുകള്‍ക്കു മുന്നില്‍ ധര്‍ണ സംഘടിപ്പിക്കുമെന്ന് സിപിഐ സംസ്ഥാന സെക്രട്ടേറിയറ്റ് പ്രസ്താവനയില്‍ പറഞ്ഞു. പുതിയ റേഷന്‍ കാര്‍ഡിനുള്ള അപേക്ഷയില്‍ സങ്കീര്‍ണത നിരവധിയാണ്. ഇത് ഉണ്ടാക്കുന്ന പ്രശ്‌നങ്ങളെ സംബന്ധിച്ച് നിരവധി വിമര്‍ശനങ്ങള്‍ സമൂഹത്തിന്റെ വിവിധ ഭാഗങ്ങളില്‍നിന്ന് ഉയര്‍ന്നുവന്നിരുന്നു. എന്നാല്‍, അത് കണ്ടില്ലെന്ന് നടിക്കാനാണ് സംസ്ഥാന സര്‍ക്കാര്‍ ശ്രമിച്ചത്. ഇപ്പോള്‍ നിലനില്‍ക്കുന്ന സങ്കീര്‍ണകള്‍ പരിഹരിച്ചില്ലെങ്കില്‍ അര്‍ഹതയുള്ള വലിയൊരു വിഭാഗത്തിന് റേഷന്‍ കാര്‍ഡുകള്‍ ലഭിക്കാത്ത സാഹചര്യമുണ്ടാകും.
റേഷന്‍ കാര്‍ഡ് നിഷേധിക്കുന്നത് പൗരന്റെ അടിസ്ഥാനപരമായ അവകാശങ്ങള്‍ക്കു മേലുള്ള കടന്നുകയറ്റം കൂടിയാണ്. മാത്രമല്ല, ദരിദ്രകുടുംബങ്ങള്‍ക്ക് ബിപിഎല്‍ കാര്‍ഡ് തന്നെ ലഭിക്കാത്ത അവസ്ഥയും ഇതോടൊപ്പം സൃഷ്ടിക്കപ്പെടും. പുതിയ നിബന്ധനകള്‍ ബിപിഎല്‍ പരിധിയില്‍ നിന്ന് അര്‍ഹതപ്പെട്ടവരെ ഒഴിവാക്കാനുള്ള ശ്രമത്തിന്റെ ഭാഗമാണെന്നും സിപിഐ കുറ്റപ്പെടുത്തി.
ഈ സാഹചര്യത്തില്‍ സങ്കീര്‍ണതകള്‍ ഒഴിവാക്കി പുതിയ ഫോറങ്ങള്‍ ജനങ്ങള്‍ക്ക് നല്‍കുകയും അതിന്റെ അടിസ്ഥാനത്തില്‍ റേഷന്‍ കാര്‍ഡ് നല്‍കുന്നതിനുള്ള സംവിധാനം ഏര്‍പ്പെടുത്തുകയും വേണമെന്നും സിപിഐ സംസ്ഥാന സെക്രട്ടേറിയറ്റ് ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha