കണ്ണ് നിറഞ്ഞ് ബിനോയ്.... യൂണിവേഴ്സിറ്റി കോളേജ് വിഷയത്തില് എസ്.എഫ്.ഐ. തകര്ന്ന് തരിപ്പണമായെങ്കിലും അതിന് നന്ദി മാത്രമേ കോടിയേരിക്കും മകന് ബിനോയ് കോടിയേരിക്കുമുള്ളൂ; ഒരു മാസക്കാലം ചാനലുകാര് തലങ്ങും വിലങ്ങുമിട്ട് അമ്മാനമായവര്ക്ക് ആശ്വസിക്കാന് ഇട നല്കിയതാകട്ടെ കുട്ടി സഖാക്കളും
കഴിഞ്ഞ ഒരു മാസക്കാലമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും മകന് ബിനോയ് കോടിയേരിയും ഉറങ്ങിയിട്ട്. മകന് പെണ്ണു കേസില് പിടിപിട്ടാ പുള്ളിയായി അലയുമ്പോള് ചാനലുകാര് വേട്ടയാടിയത് അച്ഛന് കോടിയേരി ബാലകൃഷ്ണനേയാണ്. കോടതിയില് നിന്നും ജാമ്യം കിട്ടിയില്ലായിരുന്നെങ്കില് മകന് അകത്തായേനെ. അതിനിടെ ബിനോയിക്ക് ജാമ്യം കിട്ടിയെങ്കിലും ചാനലുകാര് വിട്ടില്ല ഡിഎന്എ ടെസ്റ്റ് തുടങ്ങിയ പുതിയ കഥകള് ഗവേഷണം ചെയ്തുകൊണ്ടിരുന്നു. ചാനലുകാരുടെ പരാക്രമം കണ്ട് പലവട്ടം രാജിക്കായി ഒരുങ്ങിയതാണ് കോടിയേരി. എന്നാല് പിണറായി വിജയന് ഉള്പ്പെടെയുള്ള നേതാക്കളുടെ ശക്തമായ പിന്തുണ കോടിയേരിക്ക് ലഭിച്ചു. ഇങ്ങനെ ഉറങ്ങാന് കഴിയാത്ത രാത്രികള്ക്കിടയിലാണ് തിരുവനന്തപുരം യൂണിവേഴ്സിറ്റി കോളേജില് കുട്ടി സഖാക്കളുടെ പരാക്രമം വന്നത്.
ഒന്നിച്ച് നില്ക്കേണ്ട എസ്എഫ്ഐക്കാര് കുത്തി മരിക്കാന് ശ്രമിച്ചതോടെ ഏറ്റവുമധികം പ്രഷര് അനുഭവിച്ചയാളുമാണ് കോടിയേരി. പാര്ട്ടിക്കാരാണ് ഒത്താശ നല്കുന്നതെന്നും എകെജി സെന്ററാണ് വളം വയ്ക്കുന്നതെന്ന ആക്ഷേപവും വന്നു. മകന്റെ കേസിന് പിന്നാലെ കുട്ടിസഖാക്കളുടെ പ്രശ്നം കൂടി വന്നതോടെ കോടിയേരി കൂടുതല് അസ്വസ്ഥനായി. എന്നാല് പതുക്കെ യൂണിവേഴ്സിറ്റി കത്തി കയറിയപ്പോള് കോണ്ഗ്രസുകാരും ബിജെപിക്കാരും എന്തിന് ചാനലുകാരും ഏഷ്യാനെറ്റും മാതൃഭൂമിയും മനോരമയുമെല്ലാം കോടിയേരിയേയും മകനേയും മറന്നു. അതൊക്കെ എന്തോന്ന് എന്നായിരുന്നു അവരുടെ സ്റ്റൈല്. പുതിയ ഇരയെ കിട്ടി. എല്ലാവരും പിള്ളാരുടെ പുറകില് ആയതോടെ അപ്പനേയും മകനേയും എല്ലാവരേയും മറന്നു.
അല്ലെങ്കിലും മലയാളികള് അങ്ങനേയാണ്. എന്തെങ്കിലും പുതിയ സംഭവം വന്നാല് പിന്നെ അമ്ലേഷ്യമാണ്. പഴയ ഒരു കാര്യവും ഓര്മ്മയില് വരില്ല. എന്തായാലും ഇത് ഒരര്ത്ഥത്തില് കോടിയേരിയേയും മകനേയും രക്ഷിച്ചിരിക്കുകയാണ്. ദിവസവും ഈ വിഷയത്തില് ചാനല് ചര്ച്ചയും പുള് പേജും കണ്ടെത്തിയ ചാനലുകളിലും പത്രങ്ങളിലും മഷിയിട്ടു നോക്കിയാല് പോലും ബിനോയി കഥകള് കേള്ക്കാനില്ല. എല്ലായിടത്തും യൂണിവേഴ്സിറ്റിയും പിഎസ്.സി.യും മറ്റുമാണ്.
ഇതിനിടെയും ബിനോയ് കോടിയേരിക്കെതിരെ ലൈംഗിക പീഡന ആരോപണം ഉന്നയിച്ച യുവതിയും കുടുംബവും പുതിയ വെളിപ്പെടുത്തലുമായി രംഗത്ത് തന്നെയുണ്ടായിരുന്നു. തന്നെയും തന്റെ കുടുംബത്തെയും ബിനോയ് കോടിയേരി ഭീഷണിപ്പെടുത്തിയെന്ന് യുവതി പറഞ്ഞു. ഇതുമായി ബന്ധപ്പെട്ട് ഫോണ് കോള് റെക്കാഡുകള് കേസന്വേഷിക്കുന്ന മുംബയ് പൊലീസിന് കൈമാറിയിട്ടുണ്ട്. ബിനോയിയെ അറസ്റ്റ് ചെയ്തതിന് ശേഷം കൂടുതല് കാര്യങ്ങള് പ്രതികരിക്കുമെന്നും യുവതിയും കുടുംബവും വ്യക്തമാക്കി.
ബിനോയ് കോടിയേരി യുവതിയെ വിവാഹം കഴിക്കാമെന്നായിരുന്നു അറിയിച്ചിരുന്നത്. എന്നാല് ഇക്കാര്യം പറയുമ്പോള് ബിനോയ് കോടിയേരി ഭീഷണിപ്പെടുത്തുകയാണ് ചെയ്യുന്നത്. പ്രശ്നപരിഹാരത്തിന് കഴിഞ്ഞ ഒന്നര വര്ഷമായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനുമായി സംസാരിക്കുന്നു. എന്നാല് നിങ്ങള് എന്ത് വേണമെങ്കിലും ചെയ്തോളൂ വിഷയത്തില് ഞങ്ങള് ഇടപെടില്ലെന്നുമാണ് കോടിയേരി ബാലകൃഷ്ണന് പറഞ്ഞതെന്ന് കുടുംബം വെളിപ്പെടുത്തി. എന്നാല് ഇങ്ങനെയൊക്കെ യുവതി പറയുന്നെങ്കിലും കേരളത്തിലെ ചാനലുകാര്ക്ക് അതെല്ലാം വിഷയമല്ല. പിള്ളാരെ മതിയെന്നേ. മറ്റത് ക്ലച്ച് പിടിക്കാത്ത വണ്ടി. ഇതാകട്ടെ കത്തിക്കയറുന്നുമുണ്ട്.
നന്നായി... ശരിക്കും മോഹന്ലാലിന്റെ അയാള് കഥയെഴുതുകയാണ് എന്ന ചിത്രത്തില് ടി.പി. മാധവന് മോഹന് ലാലിനോട് പറയുന്ന ഒരു ഡയലോഗുണ്ട്. നന്ദി പ്രിന്സീ ഒരായിരം നന്ദി. അതേ അവസ്ഥയിലാണ് കോടിയേരിയും മകന് കോടിയേരിയും.
https://www.facebook.com/Malayalivartha