ഞെട്ടിപ്പിക്കുന്ന എഫ്ഐആര്... കേരളത്തിലെ സമരം കാരണം വളരെ ശ്രദ്ധിക്കപ്പെടാതെ പോയ ബിനോയ് കോടിയേരി വിഷയം വീണ്ടും സജീവമാകുന്നു; ഡിഎന്എ പരിശോധനയ്ക്ക് രക്ത സാമ്പിളുകള് നല്കണം; എഫ്ഐആര് റദ്ദ് ചെയ്യണമെന്നാവശ്യപ്പെട്ട് ബിനോയ് ഹൈക്കോടതിയില്
ലൈംഗിക പീഡന കേസില് ബിനോയ് കോടിയേരിയെ സംബന്ധിച്ച് നിര്ണായക ദിവസമാണിന്ന്. ലൈംഗിക പീഡനക്കേസില് ഡിഎന്എ പരിശോധനയ്ക്കായി ബിനോയിയുടെ രക്ത സാമ്പിള് മുംബൈ പോലീസ് ഇന്ന് ശേഖരിക്കും. ഇതിനായി ബിനോയി ഇന്ന് മുംബൈ ഓഷിവാര പോലീസ് സ്റ്റേഷനില് ഹാജരാകും.
കഴിഞ്ഞ തവണ ഹാജരായപ്പോള് ഡിഎന്എ പരിശോധനക്കായി രക്തം നല്കണമെന്ന് പോലീസ് ആവശ്യപ്പെട്ടിരുന്നു. എന്നാല് ആരോഗ്യ കാരണങ്ങള് ചൂണ്ടികാട്ടി ബിനോയ് രക്ത സാമ്പിള് നല്കിയിരുന്നില്ല. ശാരീരികമായ ബുദ്ധിമുട്ടുകള് കാരണം ഡിഎന്എ പരിശോധനക്ക് തന്റെ രക്ത സാമ്പിള് നല്കാന് സാധിക്കില്ലെന്നായിരുന്നു ബിനോയ് കോടിയേരി അന്ന് പറഞ്ഞത്.
ബിനോയിയുമായുള്ള ബന്ധത്തില് ഒരു കുട്ടിയുണ്ടെന്ന പരാതിക്കാരിയായ യുവതിയുടെ ആരോപണത്തെ തുടര്ന്നാണ് ഡിഎന്എ പരിശോധന നടത്തുന്നത്. പോലീസ് ആവശ്യപ്പെട്ടാല് ഡി.എന്.എ പരിശോധനയ്ക്ക് വിധേയമാകണമെന്ന് കോടതി നിര്ദ്ദേശം നല്കിയിരുന്നു. ഇതനുസരിച്ചാണ് രക്തസാമ്പിളുകള് നല്കാന് പോലീസ് ആവശ്യപ്പെട്ടത്. അതസമയം എഫ്ഐആര് പിന്വലിക്കണമെന്നാവശ്യപ്പെട്ട് ബിനോയ് ഇന്ന് ഹൈക്കോടതിയേയും സമീപിക്കും.
അതേസമയം തനിക്കെതിരെയുള്ള യുവതിയുടെ പീഡനപരാതി നിയമപരമായി നേരിടുമെന്ന് ബിനോയ് കോടിയേരി വ്യക്തമാക്കി. ഇപ്പോള് കോടതിയുടെ പരിഗണനയില് ഇരിക്കുന്ന ഒരു വിഷയത്തെ കുറിച്ച് കൂടുതല് സംസാരിക്കാന് തനിക്ക് ബുദ്ധിമുട്ടുണ്ടെന്നും ബിനോയ് കോടിയേരി പറഞ്ഞു.
പീഡനക്കേസില് ബിനോയ് കോടിയേരിക്ക് മുന്കൂര് ജാമ്യം ലഭിച്ചെങ്കിലും കേസില് ഇടപെടില്ലെന്ന മുന്നിലപാട് ആവര്ത്തിച്ച് സി.പി.എ സംസ്ഥാന സെക്രട്ടറി കോടിയേരി ബാലകൃഷ്ണനും രംഗത്തെത്തിയിരുന്നു. ബിനോയിയെ സംരക്ഷിക്കില്ലെന്നും നിലപാടില് ഉറച്ചുനില്ക്കുന്നതായും നിയമം നിയമത്തിന്റെ വഴിക്ക് പോകട്ടെയെന്നും അദ്ദേഹം കൊച്ചിയില് പറഞ്ഞു.
യുവതിയുടെ പീഡന പരാതിയില് ബിനോയ്യുടെ മുന്കൂര് ജാമ്യാപേക്ഷയില് കോടതി ഉപാധികളോടെ ജാമ്യം അനുവദിച്ചിരുന്നു. ഇതിന്റെ പശ്ചാത്തലത്തിലാണ് മുന് നിലപാട് കോടിയേരി ആവര്ത്തിച്ചത്. ബിനോയ്ക്കെതിരായ പീഡനപരാതി പുറത്തുവന്നപ്പോഴും കോടിയേരി ഇതേ നിലപാടായിരുന്നു സ്വീകരിച്ചത്. കുടുംബാംഗങ്ങള് ചെയ്ത തെറ്റുകളുടെ ഉത്തരവാദിത്വം തനിക്കോ പാര്ട്ടിക്കോ ഏറ്റെടുക്കാനാകില്ലെന്നും ബിനോയിയെ താനോ പാര്ട്ടിയോ സംരക്ഷിക്കില്ലെന്നും അദ്ദേഹം വ്യക്തമാക്കിയിരുന്നു.
അതേസമയം ബിനോയ്ക്കെതിരായി നിരവധി തെളിവുകളാണ് ദിനം തോറും യുവതി നിരത്തുന്നത്. ബിനോയി കോടിയേരിക്കെതിരായ മുംബൈയിലെ യുവതിയുടെ പരാതിയില് തെളിവായി പാസ്പോര്ട്ടും സമര്പ്പിച്ചിരുന്നു. 2015ല് പുതുക്കിയ പാസ്പോര്ട്ടില് ഭര്ത്താവിന്റെ പേരിന്റെ സ്ഥാനത്ത് ചേര്ത്തിരിക്കുന്നത് ബിനോയ് വിനോദിനി ബാലകൃഷ്ണന് എന്നാണ്. പുതുക്കിയ പാസ്പോര്ട്ടന്റെയും പഴയ പാസ്പോര്ട്ടിന്റെയും പകര്പ്പുകള് പുറത്താവുകയും ചെയ്തു.
ബിനോയ് കോടിയേരിക്കെതിരെ പരാതി ഉന്നയിച്ച യുവതി തെളിവായി പൊലീസില് നല്കിയ പരാതിക്കൊപ്പം ചേര്ത്തിട്ടുള്ള പ്രധാന രേഖകളിലൊന്നാണ് ഈ പാസ്പോര്ട്ട്. ഇതിന്റെ രണ്ടാം പേജില് Name of Spouse എന്ന ഭാഗത്താണ് ബിനോയ് വിനോദിനി ബാലകൃഷ്ണന് എന്ന പേരുള്ളത്. ഒപ്പം പരാതിക്കാരിയുടെ അച്ഛന്റെയും അമ്മയുടെയും പേരുകള് ഈ പേജിലുണ്ട്. ഇതിന്റെ ആദ്യ പേജില് യുവതിയുടെ വിശദാംശങ്ങള് ചേര്ത്തതിനൊപ്പം രണ്ടാം പേരായി ബിനോയ് എന്നുമുണ്ട്. മാതാ പിതാക്കളുടെ പേരുകളും താമസസ്ഥലവും ഫ്ളാറ്റ് നമ്പറും എല്ലാം പുതിയ പാസ്പോര്ട്ടിലേത് തന്നെ. ഇത് ശക്തമായ തെളിവായി മാറും.
https://www.facebook.com/Malayalivartha
