ബാര്‍ കോഴവിഷയം കൊടുമ്പിരി കൊണ്ടിരിക്കേ വിവാദ പ്രസ്താവനയുമായി കോണ്‍ഗ്രസ് നേതാക്കള്‍. ബാര്‍ക്കോഴ വിവാദത്തില്‍പ്പെട്ട മന്ത്രി കെ.എം.മാണിയെ തള്ളി, മുഖ്യമന്ത്രി ഉമ്മന്‍ ചാണ്ടി ബഡ്ജറ്റ് അവതരിപ്പിക്കുന്നതാണ് നല്ലതെന്ന് പറഞ്ഞ കോണ്‍ഗ്രസ് നേതാവ് അജയ് തറയിലിന് മുന്നറിയിപ്പുമായി കെ.പി.സി.സി പ്രസിഡന്റ് വി.എം. സുധീരന്‍ രംഗത്ത്. പാര്‍ട്ടി വക്താക്കള്‍ വിവാദ പ്രസ്താവനകള്‍ നടത്തരുതെന്ന് സുധീരന്‍ പറഞ്ഞു. ബജറ്റ് ആര് അവതരിപ്പിക്കുമെന്ന് മുഖ്യമന്ത്രി വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു. ബജറ്റ് മാണി തന്നെ അവതരിപ്പിക്കുമെന്ന് കഴിഞ്ഞ ദിവസം മുഖ്യമന്ത്രി വ്യക്തമാക്കിയിരുന്നു.

കഴിഞ്ഞ ദിവസം ഒരു വാര്‍ത്താ ചാനലിന് നല്‍കിയ അഭിമുഖത്തിലാണ് അജയ് മുഖ്യമന്ത്രി ബഡ്ജറ്റ് അവതരിപ്പിക്കണമെന്ന് പറഞ്ഞത്. ഇക്കാര്യം അറിയിച്ച് താന്‍ മുഖ്യമന്ത്രിയ്ക്ക് കത്തയച്ചിട്ടുണ്ടെന്നും ഒരു കോണ്‍ഗ്രസ് പ്രവര്‍ത്തകന്റെ വികാരമാണ് താന്‍ അറിയിച്ചതെന്നുമാണ് അദ്ദേഹം പറഞ്ഞത്. ആര്‍. ബാലകൃഷ്ണപിള്ളയെ യു.ഡി.എഫില്‍ നിന്നും ഒഴിവാക്കരുതെന്നും പി.സി.ജോര്‍ജിനെതിരെ നടപടിയെടുത്തിട്ടു മതി അതെന്നും അജയ് പറഞ്ഞിരുന്നു.

അതേ സമയം ബാര്‍ വിഷയത്തില്‍ സുധീരന്‍ പ്രസ്താവന നടത്താത്തതിലും കോണ്‍ഗ്രസുകാര്‍ക്ക് അതൃപ്തിയുണ്ട്. കോഴ വിവാദം സര്‍ക്കാരിന്റെ പ്രതിഛായയെ കാര്യമായി ബാധിച്ചെന്നാണ് സാധാരണ കോണ്‍ഗ്രസ് പ്രവര്‍ത്തകരുടെ വികാരം. പ്രശ്‌നക്കാരെ പുറത്താക്കണം എന്നതാണ് അവരുടെ നിലപാട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha