യൂണിവേഴ്സിറ്റി കോളജില് അഖില് ചന്ദ്രനെ എസ്എഫ്ഐ നേതാക്കള് കുത്തിയശേഷവും അക്രമം നടന്നുവെന്നു വ്യക്തമാക്കുന്ന ദൃശ്യങ്ങള് പുറത്ത്:- കുത്തേറ്റ അഖിലിനെ തടഞ്ഞുവച്ചു, മുറിവേറ്റിട്ടും കോളജിലൂടെ നടത്തിച്ചു...
യൂണിവേഴ്സിറ്റി കോളജില് അഖില് ചന്ദ്രനെ എസ്എഫ്ഐ നേതാക്കള് കുത്തിയശേഷവും അക്രമം നടന്നുവെന്നു വ്യക്തമാക്കുന്ന ദൃശ്യങ്ങള് പുറത്ത്. കുത്തേറ്റ അഖിലിനെ തടഞ്ഞുവയ്ക്കുന്നതും മുറിവേറ്റ അഖിലിനെ കോളജിലൂടെ നടത്തുന്നതും ദൃശ്യങ്ങളില് വ്യക്തമാണ്. മുപ്പതിലേറെ വിദ്യാര്ഥികള് അക്രമത്തില് ഉണ്ടായിരുന്നതായി തിരിച്ചറിഞ്ഞു. അതേസമയം സര്വകലാശാല പരീക്ഷയുടെ ഉത്തരക്കടലാസുകള് കോളജില് നിന്നും കടത്തിയിരുന്നുവെന്ന് പോലീസിനോട് വെളിപ്പെടുത്തി ശിവരഞ്ജിത്ത്. കോളജില് എത്തിച്ച ഉത്തരക്കടലാസുകള് ഇറക്കിവെച്ചപ്പോഴാണ് കടലാസുകള് എടുത്തത്. തെളിവെടുപ്പിനായി കോളജില് എത്തിച്ചപ്പോഴാണ് ശിവരഞ്ജിത്ത് ഈ വെളിപ്പെടുത്തല് നടത്തിയത്.
എവിടെ നിന്ന് എങ്ങനെയാണ് ഉത്തരക്കടലാസുകള് എടുത്തതെന്നും ഇയാള് പോലീസിന് കാട്ടിക്കൊടുത്തു. ശിവരഞ്ജിത്ത് പരീക്ഷയെഴുതിയ ഉത്തരക്കടലാസുകള് ലഭിക്കാന് തിങ്കളാഴ്ച യൂണിവേഴ്സിറ്റി അധികൃതര്ക്ക് കത്ത് നല്കുമെന്നും പോലീസ് പറഞ്ഞു. യൂണിവേഴ്സിറ്റി കോളജിലെ അക്രമ സംഭവങ്ങളുമായി ബന്ധപ്പെട്ട് പോലീസ് നടത്തിയ പരിശോധനയില് ശിവരഞ്ജിത്തിന്റെ വീട്ടില് നിന്നും 16 കെട്ട് ഉത്തരക്കടലാസുകള് കണ്ടെടുത്തിരുന്നു. ഇത് സര്വകലാശാലയില് നിന്നും കോളജിന് നല്കിയതാണെന്ന് പരീക്ഷാ കണ്ട്രോളര് സ്ഥിരീകരിച്ചു. ഇതോടെയാണ് വന് ക്രമക്കേട് സംബന്ധിച്ച വിവരങ്ങള് പുറത്തു വന്നത്.
ഇതിനിടെ യൂണിവേഴ്സിറ്റി കോളജില് നിന്ന് പൊലീസിനെ പടിയിറക്കി. ക്യാംപസിനുള്ളിലുണ്ടായിരുന്ന പൊലീസിനെ പുറത്താക്കാന് ഇന്നലെ എസ്എഫ്ഐ പ്രവര്ത്തകര് ശ്രമിച്ചതിനുപിന്നാലെയാണ് ഉന്നത ഉദ്യോഗസ്ഥര് ഇടപെട്ട് പൊലീസിനെ പിന്വലിച്ചത്. കോളേജിന് പുറത്ത് പൊലീസ് തുടരും. പോലീസുകാര് കോളേജില് ഡ്യൂട്ടിക്കുള്ളതിനെതിരെ വിദ്യാര്ത്ഥികള് കഴിഞ്ഞ ദിവസം പ്രതിഷേധിച്ചിരുന്നു. വിദ്യാര്ത്ഥികളുടെ ആവശ്യം ന്യായമാണെന്ന് മന്ത്രി കടകംപള്ളി സുരേന്ദ്രനും അഭിപ്രായപ്പെട്ടിരുന്നു. ഇതോടെയാണ് ഇനി കോളേജിനുള്ളില് കയറേണ്ടെന്ന് പോലീസുകാര്ക്ക് നിര്ദേശം ലഭിച്ചിരിക്കുന്നത്.
അഞ്ച് പോലീസുകാരാണ് കോളേജില് ഡ്യൂട്ടിയിലുണ്ടായിരുന്നത്. കോളേജ് ക്യാംപസിനകത്തെ ആക്രമണത്തോടെ ഒരാഴ്ച അടച്ചിട്ട ക്യാംപസ് തിങ്കളാഴ്ച തുറന്നതിന് ശേഷവും പോലീസ് കാവല് തുടര്ന്നത് വിദ്യാര്ത്ഥികള് ചോദ്യം ചെയ്യുകയായിരുന്നു. പോലീസ് പുറത്തുപോകണമെന്ന് ആവശ്യപ്പെട്ട് എസ്എഫ്ഐയുടെ നേതൃത്വത്തില് ഒരു വിഭാഗം വിദ്യാര്ത്ഥികള് രംഗത്തെത്തി. അതിനിടെ, പോലീസ് മോശമായി പെരുമാറിയെന്നാരോപിച്ച് ചില വിദ്യാര്ത്ഥികള് പ്രിന്സിപ്പാളിന് പരാതിയും നല്കിയതോടെ ക്യാംപസിന് പുറത്തേക്കിറങ്ങാന് പോലീസുകാര്ക്ക് നിര്ദേശം ലഭിക്കുകയായിരുന്നു. പ്രിന്സിപ്പാളോ ഉന്നത വിദ്യാഭ്യാസ വകുപ്പോ ആവശ്യപ്പെട്ടാല് മാത്രം ക്യാംപസിനുള്ളില് കയറിയാല് മതിയെന്നും പോലീസുകാര്ക്ക് നിര്ദേശമുണ്ട്.
https://www.facebook.com/Malayalivartha
