ഡിഎന്എ പരിശോധനയ്ക്ക് നാളെ രക്ത സാമ്പിൾ നൽകണമെന്ന് ബിനോയ് കോടിയേരിക്ക് അന്ത്യശാസനം നൽകി ബോംബെ ഹൈക്കോടതിയുടെ ഡിവിഷൻ ബെഞ്ച്; രണ്ടാഴ്ചയ്ക്കകം ഡിഎൻഎ പരിശോധനാ ഫലം മുദ്രവെച്ച കവറിൽ കോടതി രജിസ്ട്രാർക്ക് നൽകണമെന്നും കോടതി നിർദ്ദേശം- അടിമുടി പതറി ബിനോയ് കോടിയേരി
ബിഹാര് യുവതിയെ ലൈംഗികമായി ചൂഷണം ചെയ്തെന്ന കേസില് ബിനോയി കോടിയേരി മുംബയ് ഓഷിവാര പൊലീസ് സ്റ്റേഷനില് ഹാജരായി. എന്നാല്, ഡി.എന്.എ പരിശോധനയ്ക്കുള്ള രക്ത സാമ്ബിള് ഇന്നും നല്കിയില്ല. പീഡന കേസിലെ എഫ്. ഐ.ആര് റദ്ദാക്കാനുള്ള ഹര്ജിയിലെ തീരുമാനത്തിന് ശേഷം പ്രതികരിക്കാമെന്നായിരുന്നു ബിനോയ് വ്യക്തമാക്കിയത്. നേരത്തെ ആരോഗ്യ പ്രശ്നങ്ങള് ചൂണ്ടിക്കാട്ടിയായയിരുന്നു രക്തസാമ്ബിള് നല്കാതിരുന്നത് ഇപ്പോള് എഫ്.ഐ.ആര് റദ്ദാക്കണമെന്നാവശ്യപ്പെട്ട് ഹെെക്കോടതിയില് നല്കിയ അപേക്ഷ ചൂണ്ടിക്കാട്ടിയായിരുന്നു രക്തസാമ്ബിള് നല്കാന് തയ്യാറല്ലെന്ന് ബിനോയ് വ്യക്തമാക്കിയത്. അതേ സമയം ഇന്ന് ഉച്ചയോടെ കേസ് പരിഗണിച്ച ഹൈക്കോടതി ഡിവിഷന് ബെഞ്ച് ഡി.എന്.എ. പരിശോധനയ്ക്ക് ബിനോയ് കോടിയേരി ചൊവ്വാഴ്ച തന്നെ രക്തസാമ്ബിളുകള് നല്കണമെന്ന് ഉത്തരവിട്ടു. രണ്ടാഴ്ചയ്ക്കകം ഡിഎൻഎ പരിശോധനാ ഫലം സമർപ്പിക്കണമെന്നും കോടതി നിർദ്ദേശിച്ചിട്ടുണ്ട്. പരിശോധനാ ഫലം മുദ്രവെച്ച കവറിൽ കോടതി രജിസ്ട്രാർക്ക് നൽകണം.
ഓഷ്വാര പോലീസ് രജിസ്റ്റര് ചെയ്ത കേസില് എഫ്.ഐ.ആര് റദ്ദാക്കണമെന്ന് ആവശ്യപ്പെട്ട് ബിനോയ് കോടിയേരിയാണ് ബോംബെ ഹൈക്കോടതിയെ സമീപിച്ചത്. ബിനോയ് കോടിയേരി ഡി.എന്.എ. പരിശോധനയ്ക്ക് വിധേയമാകാന് നോട്ടീസ് നല്കിയിട്ടുണ്ടെന്ന് പോലീസ് കോടതിയെ അറിയിച്ചു. ഇതോടെയാണ് ചൊവ്വാഴ്ച തന്നെ രക്തസാമ്ബിള് നല്കാനും രണ്ടാഴ്ചയ്ക്കുള്ളില് ഡി.എന്.എ. പരിശോധനഫലം ഹാജരാക്കാനും കോടതി നിര്ദേശം നല്കിയത്. കേസില് കുട്ടിയുടെ പിതൃത്വം തെളിയിക്കാന് ഡി.എന്.എ. പരിശോധന ആവശ്യമാണെന്നായിരുന്നു പോലീസിന്റെ വാദം. ഡി.എന്.എ പരിശോധനയ്ക്ക് രക്തസാമ്ബിള് ആവശ്യപ്പെട്ടപ്പോള് ബിനോയ് കോടിയേരി വിസമ്മതിച്ചെന്നും പോലീസ് കോടതിയെ അറിയിച്ചു.
രക്ത സാമ്ബിള് നല്കാത്ത ബിനോയിയുടെ നടപടി ജാമ്യവ്യവസ്ഥയുടെ ലംഘനമാണെന്ന് പരാതിക്കാരിയായ യുവതിയും ഇവരുടെ അഭിഭാഷകനും ആരോപിച്ചിരുന്നു. യുവതി സോഷ്യൽ മീഡിയയിലൂടെ പുറത്തുവിട്ട ബിനോയിയുമൊന്നിച്ചുള്ള ഫോട്ടാകള് ബിനോയിയുടെ വാദങ്ങള് കളവെന്നതിന് തെളിവാണെന്നും അഭിഭാഷകന് പറഞ്ഞിരുന്നു. ബിനോയിയും യുവതിയുമായുള്ള ഫോണ് സംഭാഷണത്തിന്റെ ഉള്പ്പടെയുള്ള ഡിജിറ്റല് തെളിവുകള് പൊലീസിന് നല്കിയിരുന്നു. ബിഹാര് സ്വദേശിയായ യുവതി നല്കിയ പരാതി കെട്ടിച്ചമച്ചതാണെന്നാണ് ബിനോയ് കോടിയേരി ഹര്ജിയില് ആരോപിച്ചിരുന്നത്. യുവതി പരാതി നല്കാനുണ്ടായ കാലതാമസവും മൊഴികളിലെ വൈരുദ്ധ്യവും ഹര്ജിയില് ചൂണ്ടിക്കാണിച്ചിരുന്നു. എന്നാല് ബിനോയ് കോടിയേരി കേസില് ഒത്തുതീര്പ്പിന് ശ്രമിച്ചതിന്റെ ശബ്ദരേഖ കഴിഞ്ഞദിവസം പുറത്തുവന്നിരുന്നു.വിവാഹ വാഗ്ദാനം നൽകി പീഡിപ്പിച്ചുവെന്നും ബിനോയിയുമായുള്ള ബന്ധത്തിൽ എട്ടു വയസ്സുള്ള കുട്ടിയുണ്ടെന്നുമാണ് യുവതിയുടെ പരാതി. കുട്ടിയ്ക്കും തനിക്കും ജീവിക്കാനുള്ള ചെലവിനുള്ള പണം ബിനോയി നൽകണമെന്നും യുവതി പരാതിയിൽ ആവശ്യപ്പെടുന്നു.
https://www.facebook.com/Malayalivartha
