കര്ക്കടക വാവുബലി ഒരുക്കങ്ങള് പൂര്ത്തിയായി... ബലിതര്പ്പണം വിജയകരമായി പൂര്ത്തിയാക്കാന് ജില്ലയിലെ പ്രധാന കേന്ദ്രങ്ങളില് ഡെപ്യൂട്ടി കളക്ടര്മാര്ക്ക് പ്രത്യേക ചുമതല നല്കി
കര്ക്കടക വാവുബലി ഒരുക്കങ്ങള് പൂര്ത്തിയായി. കര്ക്കടക വാവ് ബലിക്കായി തിരുവിതാംകൂര് ദേവസ്വം ബോര്ഡിന് കീഴിലുള്ള പ്രധാന ക്ഷേത്രങ്ങളായ തിരുവല്ലം പരശുരാമക്ഷേത്രം, വര്ക്കല ജനാര്ദ്ദന സ്വാമിക്ഷേത്രം, അരുവിക്കര, ആലുവ, തിരുമുല്ലവാരം തുടങ്ങിയ ക്ഷേത്രങ്ങളിലും ബലി കര്മ്മം ചെയ്യുന്ന മറ്റു പ്രധാന സ്ഥലങ്ങളിലെയും അവസാനവട്ട ഒരുക്കങ്ങള് വിലയിരുത്താനും ബലിതര്പ്പണത്തിനായി എത്തുന്നവര്ക്ക് ഏര്പ്പെടുത്തേണ്ട സൗകര്യങ്ങളെ കുറിച്ചും ചര്ച്ച ചെയ്യാന് ഉന്നതതല അവലോകന യോഗം ചേര്ന്നു. ശംഖുമുഖത്ത് ബലിതര്പ്പണം നടത്തുന്നവര് ജാഗ്രത പാലിക്കണം. ബലിതര്പ്പണത്തിനെത്തുന്നവര്ക്ക് അപായ സൂചന നല്കുന്ന ബോര്ഡുകള് സ്ഥാപിക്കാനും ആവശ്യമായ മറ്റ് മുന്കരുതലുകളും സ്വീകരിക്കാനും ദേവസ്വംമന്ത്രി കടകംപള്ളി സുരേന്ദ്രന്നിര്ദ്ദേശം നല്കി.
ശംഖുമുഖത്തെ പരിമിതമായ സൗകര്യങ്ങള് കണക്കിലെടുത്ത് തിരുവനന്തപുരം ജില്ലയിലെ മറ്റ് ബലിതര്പ്പണ കേന്ദ്രങ്ങളില് കൂടുതല് പേര്ക്ക് ബലി അര്പ്പിക്കാനുള്ള സൗകര്യം ഏര്പ്പെടുത്തിയിട്ടുണ്ട്. ബലിതര്പ്പണം വിജയകരമായി പൂര്ത്തിയാക്കാന് ജില്ലയിലെ പ്രധാന കേന്ദ്രങ്ങളില് ഡെപ്യൂട്ടി കളക്ടര്മാര്ക്ക് പ്രത്യേക ചുമതല നല്കി. തിരുവിതാംകൂര് ദേവസ്വം ബോര്ഡിന് കീഴിലെ മറ്റ് പ്രധാനപ്പെട്ട കേന്ദ്രങ്ങളില് ദേവസ്വം ബോര്ഡും ജില്ലാഭരണകൂടവും സ്വീകരിക്കേണ്ട മുന്നൊരുക്കങ്ങള് സംബന്ധിച്ച് തീരുമാനങ്ങളെടുക്കാനായി അതത് ജില്ലാകളക്ടര്മാരെ ചുമതലപ്പെടുത്തിയിട്ടുണ്ട്.
ബലിതര്പ്പണ കേന്ദ്രങ്ങളില് ഗ്രീന് പ്രോട്ടോക്കോള് കര്ശനമായി പാലിക്കും. തിരുവല്ലം ബലിക്കടവില് അടിഞ്ഞുകൂടിയിട്ടുള്ള ചെളി നീക്കം ചെയ്യുന്നതിനും തിരുവല്ലം ക്ഷേത്ര കുളക്കടവിലേക്ക് ആവശ്യമായ ജലം പമ്ബ് ചെയ്ത് ജലലഭ്യത ഉറപ്പ് വരുത്തുന്നതിനും പാര്വതി പുത്തനാറില് നിന്നും ബലിക്കടവിലേക്ക് മലിന ജലം കയറുന്നത് തടയുന്നതിനും നടപടി സ്വീകരിക്കുവാന് നടപടി സ്വീകരിച്ചിട്ടുണ്ട്.
തിരുവല്ലത്ത് പാര്ക്കിംഗിനായി സ്വകാര്യ സ്ഥലങ്ങള് കൂടി ഉള്പ്പെടുത്തി പാര്ക്കിംഗ് സുഗമമാക്കുവാന് നഗരസഭക്കും ബലിക്കടവുകളോടനുബന്ധിച്ച് ഷവര് ബാത്തുകള് സജ്ജീകരിക്കുവാന് ദേവസ്വം ബോര്ഡിനും നിര്ദ്ദേശം നല്കി.കെ.എസ്.ആര്.ടി.സി ആവശ്യാനുസരണം അധിക ബസ് സര്വ്വീസുകള് നടത്തുന്നത് കൂടാതെ പ്രധാന കേന്ദ്രങ്ങളില് കണ്ട്രോള് റൂമുകള് തുറക്കും. ബലിക്കടവുകള്ക്കടുത്ത് പോള്ട്ടബിള് ടോയ് ലെറ്റ് സജ്ജീകരിക്കും. മെഡിക്കല് ടീമും ആംബുലന്സും ഉള്പ്പെടെയുള്ള സജ്ജീകരണങ്ങള് എല്ലാ പ്രധാന കേന്ദ്രങ്ങളിലും ലഭ്യമാക്കും. എല്ലാ ബലിക്കടവുകളിലും ആവശ്യമായ പോലീസ് സേനയെ വിന്യസിക്കും.
"
https://www.facebook.com/Malayalivartha
