അമിത വേഗതയില് വാഹനം ഓടിച്ച് മാധ്യമപ്രവര്ത്തകനെ കൊലപ്പെടുത്തിയ കേസില് സസ്പെന്ഷനിലായ യുവ ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമന് വിത്ത് ഡ്രോവല് സിന്ഡ്രോം
അമിത വേഗതയില് വാഹനം ഓടിച്ച് മാധ്യമപ്രവര്ത്തകനെ കൊലപ്പെടുത്തിയ കേസില് സസ്പെന്ഷനിലായ യുവ ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമന് വിത്ത് ഡ്രോവല് സിന്ഡ്രോം ആണെന്ന് വെളിപ്പെടുത്തല്. മദ്യപാനികളുടെ ശരീരത്തില് ആല്ക്കഹോളിന്റെ അളവ് പെട്ടെന്ന് കുറയുന്നതോടെ ഉണ്ടാകുന്ന മാനസിക അസ്വസ്ഥതയാണിത്. അമിത മദ്യപാനികള്ക്ക് മാനസിക സംഘര്ഷമുണ്ടാകും. ശ്രീറാമിന് ഇതാണ് സംഭവിച്ചതെന്ന് മിഡ് ഡേ പത്രമായ ബിഗ് ന്യൂസ് റിപ്പോര്ട്ട് ചെയ്യുന്നു. സ്വകാര്യ ആശുപത്രിയില് ശ്രീറാമിന് ഡീ അഡിക്ഷന് ചികിത്സയാണ് നല്കിയതെന്ന് സംശയമുണ്ടെന്നും പത്രം റിപ്പോര്ട്ട് ചെയ്യുന്നു. സ്ഥിരമായ മദ്യപാനത്തെ തുടര്ന്ന് ശ്രീറാമിന് ഡീ അഡിക്ഷന് ചികിത്സ നല്കാന് സുഹൃത്തുക്കളായ ഐഎഎസുകാരാണ് ഉപദേശിച്ചതെന്നും പറയുന്നു.
ജാമ്യാപേക്ഷ കോടതി പരിഗണിച്ചപ്പോള് ശ്രീറാമിന് മാനസിക അസ്വാസ്ഥ്യമുണ്ടെന്ന് അഭിഭാഷകന് പറഞ്ഞെങ്കിലും അത് ഏത് തരത്തിലുള്ളതാണെന്ന് വ്യക്തമാക്കിയില്ല. അതിലും ദുരൂഹതയുണ്ട്. 72 മണിക്കൂര് നിരീക്ഷണം വേണമെന്നാണ് ആവശ്യപ്പെട്ടത്. സര്വ്വേ ഡയറക്ടറായി ചുമതലയേല്ക്കുന്നതിന് ഏതാനും ദിവസങ്ങള്ക്ക് മുമ്പ് ശ്രീറാം തലസ്ഥാനത്ത് എത്തിയിരുന്നു. കവടിയാര് ഗോള്ഫ് ക്ളബ്ബിനു സമീപമുള്ള സിവില് സര്വീസ് ഓഫീസേഴ്സ് ഇന്സ്റ്റിറ്റിയൂട്ടിലായിരുന്നു താമസിച്ചിരു
ന്നത്. ആ സമയത്ത് പലരും ശ്രീറാമിനെ മദ്യപിച്ചു ലക്കുകെട്ട നിലയില് കണ്ടിരുന്നതായി സമീപത്തെ ഫഌറ്റുകളില് താമസിച്ചിരുന്നവര് പറയുന്നു. ജില്ലയിലെ ഉന്നതനായ ഐ.എ.എസ് ഉദ്യോഗസ്ഥനൊപ്പമാണ് ശ്രീറാം ജോയിനിംഗ് പാര്ട്ടി ആഘോഷിച്ചതെന്നും ബിഗ് ന്യൂസ് റിപ്പോര്ട്ട് ചെയ്യുന്നു.
മെഡിക്കല് കോളജിലെ സൂപ്പര് സ്പെഷ്യാലിറ്റി ഐസിയുവിലും ഡീ അഡിക്ഷന് ചികിത്സയാണ് നല്കുന്നതെന്നും പത്രം പറയുന്നു. അതിനാലാണ് അസുഖവിവരം സംബന്ധിച്ച് മെഡിക്കല് ബുള്ളറ്റില് ഇറക്കാത്തത്. അസുഖമെന്താണെന്നോ? എന്തു ചികിത്സയാണ് നല്കുന്നതെന്നോ വ്യക്തമാക്കാന് മെഡിക്കല് കോളജ് അധികൃതര് അനൗദ്യോഗികമായി തയ്യാറാകുന്നില്ല. ലഹരി മുക്ത ചികിത്സയ്ക്കായി ശ്രീറാമിനെ അനുനയിപ്പിച്ചത് ഐഎഎസ് അസോസിയേഷന് ഭാരവാഹിയായ വനിതയായിരുന്നെന്നും അവര് ആശുപത്രിയിലെത്തി ശ്രീറാമിനെ ഡീ അഡിക്ഷന് ഉപദേശിക്കുകയും സമ്മതിപ്പിക്കുകയും ചെയ്തെന്നും വാര്ത്തയില് പറയുന്നു.
അടുത്തടുത്ത ദിവസങ്ങളില് കൂടുതല് മദ്യപിച്ചതിനാല് ശ്രീറാമിന്റെ രക്തത്തില് നിന്നും മദ്യത്തിന്റെ അംശം ഇല്ലാതാക്കാന് ആന്റി ഡോസ് എടുത്തെന്നും വാര്ത്തയില് വ്യക്തമാക്കുന്നു. ഇത് എടുത്തുകഴിഞ്ഞ് വെള്ളം കുടിച്ചാലുടന് മൂത്രം ഒഴിക്കും. തുടര്ച്ചയായി വെള്ളം കുടിക്കുകയും മൂത്രം ഒഴിക്കുകയും ചെയ്യുന്നതോടെ രക്തത്തിലെ മദ്യത്തിന്റെ അംശം കുറഞ്ഞ് ഇല്ലാതാകും. അതിന് വേണ്ടിയാണ് ജനറല് ആശുപത്രിയിലെ ഡോക്ടര് മെഡിക്കല് കോളജിലേക്ക് റഫര് ചെയ്തിട്ടും ശ്രീറാം സ്വകാര്യ ആശുപത്രിയില് ചികിത്സ തേടിയത്. പൊലീസ് ശ്രീറാമിനെ ജനറല് ആശുപത്രിയില് എത്തിക്കും മുമ്പേ സുഹൃത്തായ ഡോക്ടര് അവിടെ എത്തിയിരുന്നു. അതിനും മുമ്പേ ആരോഗ്യവകുപ്പിലെ ഉന്നതര് ഇടപെട്ടിരുന്നു. പക്ഷെ, ദേഹപരിശോധന നടത്തിയ ഡോക്ടര് ഒ.പി ടിക്കറ്റില് മദ്യത്തിന്റെ മണമുണ്ടെന്ന് കുറിച്ചിരുന്നു.
https://www.facebook.com/Malayalivartha
