സംസ്ഥാന ബജറ്റിലെ വീര്യം കുറഞ്ഞ മദ്യത്തിന്റെ നികുതിയിളവിനെതിരെ പ്രതിപക്ഷ നേതാവ് പിണറായി വിജയൻ. മുഖ്യമന്ത്രി വി ഡി സതീശൻറെ നിർദ്ദേശത്തിന് പിന്നിൽ അഴിമതിയെന്ന് അദ്ദേഹം ആരോപിച്ചു . വിഷയത്തിൽ പ്രതിപക്ഷം നൽകിയ അടിയന്തര പ്രമേയ നോട്ടിസുമായി ബന്ധപ്പെട്ട് നിയമസഭയിൽ പ്രസംഗിക്കുകയായിരുന്നു പിണറായി വിജയൻ.

ഒരു സ്വകാര്യ മദ്യ കമ്പനിക്ക് അമിതമായ ലാഭം ഉണ്ടാക്കാനുള്ള ശ്രമമെന്നാണ് പ്രതിപക്ഷ നേതാവിന്റെ ആരോപണം . ഇതിനായി ബജറ്റിൽ നികുതി നിർദേശം തിരുകികയറ്റി . പുതിയ നികുതി നിർദ്ദേശം ആലോചിച്ചില്ല എന്നാണ് ബജറ്റ് ഷെഡ്യൂളിൽ മനസിലാകുന്നതെന്നും പിണറായി വിജയൻ വ്യക്തമാക്കി .പ്രതിപക്ഷ നേതാവിനെ സ്പീക്കർ  അടക്കിയിരുത്തി  . 

സ്വകാര്യ മദ്യ കമ്പനിക്ക് അമിത ലാഭം കൊയ്യാനുള്ള അവസരമാണ് ഉണ്ടാകുന്നത്. അതാണ് ഗൗരവമുള്ള സംഗതി. കർണാടകയിലെ മദ്യ കമ്പനിക്ക് വേണ്ടിയാണ് ഈ നീക്കമെന്നും സ്വകാര്യ മദ്യ കമ്പനിയായ ബക്കാഡിക്ക് വേണ്ടിയുള്ള നീക്കമാണ് നടക്കുന്നതെന്നും പ്രതിപക്ഷ നേതാവിന്റെ വിമർശനം .