കക്കയം ഡാമിന്റെ രണ്ട് ഷട്ടറും ഒരടി വീതം തുറക്കാന്‍ അനുമതി നല്‍കി ജില്ലാകളക്ടര്‍
22 AUGUST 2019 02:37 PM IST
മലയാളി വാര്‍ത്ത
കക്കയം ഡാമിന്റെ രണ്ട് ഷട്ടറും ഒരടി വീതം തുറക്കാന്‍ അനുമതി നല്‍കി ജില്ലാകളക്ടര്‍ ഉത്തരവായി. കുറ്റിയാടി പുഴയുടെ ഇരുകരകളിലും ഉള്ളവര്‍ ജാഗ്രത പാലിക്കണമെന്നും ബന്ധപ്പെട്ട ഉദ്യോഗസ്ഥര്‍ ആവശ്യമായ സുരക്ഷാ മുന്‍കരുതല്‍ സ്വീകരിക്കണമെന്നും ജില്ലാകളക്ടര്‍ അറിയിച്ചു. കക്കയം റിസര്‍വോയറില്‍ ഇപ്പോഴത്തെ ജലനിരപ്പ് 2485 അടിയാണ്.
വൃഷ്ടിപ്രദേശത്ത് ഇപ്പോഴും മഴ തുടരുന്നതിനാല്‍ റിസര്‍വോയറില്‍ ജലനിരപ്പ് ഉയര്‍ന്നിട്ടുണ്ട്. മഴ തുടര്‍ന്നാല്‍ റിസര്‍വോയറില്‍ ഏറ്റവും കൂടിയ ജലനിരപ്പായ 2487 അടി എത്താന്‍ സാധ്യതയുണ്ടെന്നാണ് കെ. എസ്. ഇ.ബി അറിയിച്ചത്.
പരമാവധി ജലനിരപ്പിലെത്താതിരിക്കാന്‍ ഷട്ടര്‍ ഒരു അടി വീതം തുറക്കാന്‍ അനുമതി നല്‍കണമെന്ന കെ. എസ്. ഇ.ബി അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ അപേക്ഷയെ തുടര്‍ന്നാണ് ജില്ലാകലക്ടര്‍ അനുമതി നല്‍കി ഉത്തരവിറക്കിയത്.
e
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
