എറണാകുളം കളമശ്ശേരിയിലെ ദേശീയ പാതാ അതോറിറ്റി ഓഫീസിനു നേരെ മാവോയിസ്റ്റ് ആക്രമണം. ഇന്നു രാവിലെ 8.45 നും ഒമ്പതു മണിക്കുമിടയിലാണ് ആക്രമണമുണ്ടായതെന്ന് പോലീസ് പറഞ്ഞു. ഓഫീസിലെ ഫയലുകളില്‍ ചിലതിന് തീവെക്കുകയും മറ്റുള്ളവ വലിച്ചു വാരിയിടുകയും ചെയ്തു.
സാമ്രാജിത്വം തുലയട്ടെ, ചുങ്ക പാത തുലയട്ടെ, ദേശീയ പാതയുടെ പേരിലുള്ള കുടിയൊഴിക്കല്‍ അവസാനിപ്പിക്കുക, റോഡ് സ്വകാര്യവത്കരണം അവസാനിപ്പിക്കുക തുടങ്ങിയ മുദ്രാവാക്യങ്ങളെഴുതിയ ലഘുലേഖകളും പരിസരത്ത് കണ്ടത്തെിയത്.
രാവിലെ തൂപ്പുകാരി ഓഫീസ് വൃത്തിയാക്കിയിട്ട് മടങ്ങിയ ശേഷമാണ് ആക്രമണം നടന്നിരിക്കുന്നത്. രാവിലെ ഒമ്പതു മണിക്ക് ജീവനക്കാര്‍ എത്തിയപ്പോഴാണ് ഓഫീസ് അക്രമിക്കപ്പെട്ട വിവരം അറിയുന്നത്. സിറ്റി പൊലീസ് കമ്മീഷണര്‍ കെ.ജെ ജെയിംസ് വിവരങ്ങള്‍ ശേഖരിച്ചു. വിവിധ പരിപാടികളിലായി മുഖ്യമന്ത്രി ഉമ്മന്‍ചാണ്ടി എറണാകുളം നഗരത്തിലുള്ള സാഹചര്യത്തിലാണ് ആക്രമണം നടന്നിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha