എസ്എഫ്ഐ ജില്ലാ നേതാവിനോട് മോശമായി പെരുമാറിയെന്നാരോപിച്ച് എസ് ഐയെ വിളിച്ച സിപിഎം നേതാവ് സക്കീര് ഹുസൈന്റെ ഫോണ് കോള് എസ് ഐ പ്രചരിപ്പിച്ചു എന്നാരോപിച്ച് വിമര്ശനവുമായി എത്തിയ വി ടി ബല്റാം എം എല് എക്ക് ഫേസ്ബുക്കില് പൊങ്കാല
എസ്എഫ്ഐ ജില്ലാ നേതാവിനോട് മോശമായി പെരുമാറിയെന്നാരോപിച്ച് എസ് ഐയെ വിളിച്ച സിപിഎം നേതാവ് സക്കീര് ഹുസൈന്റെ ഫോണ് കോള് എസ് ഐ പ്രചരിപ്പിച്ചു എന്നാരോപിച്ച് വിമര്ശനവുമായി എത്തിയ വി ടി ബല്റാം എം എല് എക്ക് ഫേസ്ബുക്കില് പൊങ്കാല. തന്റെ ഔദ്യോഗിക ഫോണിലേക്ക് വന്ന ഒരു രാഷ്ട്രീയ നേതാവിന്റെ കോള്, അതും കാര്യമായ നിയമവിരുദ്ധ ആവശ്യങ്ങളൊന്നും ഉന്നയിക്കപ്പെടാത്ത സ്ഥിതിക്ക്, മനപൂര്വ്വം റെക്കോര്ഡ് ചെയ്ത് പുറത്തുവിടാന് ഒരു സബ് ഇന്സ്പെക്ടര് തയ്യാറായിട്ടുണ്ടെങ്കില് അതത്ര നിസ്സാരമായി കാണേണ്ട കാര്യമല്ലെന്ന് ബല്റാം ഫേസ്ബുക്കിലൂടെ ഉന്നയിച്ചത്. അതിനെതിരെയാണ് എംഎല് എക്കെതിരെ വിമര്ഷനവുമായി സോഷ്യല് മീഡിയ രംഗത്തെത്തിയത്. ഒരു മുഴം മുന്പേ ഒന്ന് എറിഞ്ഞിട്ടതാ അടുത്ത് ഭരണത്തില് വന്നാല് ഇതെപോലെ വിരട്ടാനുള്ളതല്ലേ. എന്നും. ഭരിക്കുന്ന പാര്ട്ടിയുടെയും രാഷ്ട്രീയക്കാരുടെയും മുമ്പില് ഓച്ഛാനിച്ചു നില്ക്കാത്ത ഉദ്യോഗസ്ഥന്മാരെ അഭിനന്ദിക്കുക യാണ് വേണ്ടത്. അയാളോട് ആദ്യം വളരെ മാന്യമായാണ് സംസാരിച്ചിരുന്നത്.അയാളുടെ ഗര്വ് പുറത്തെടുത്തപ്പോള് നന്നായിട്ട് കിട്ടി ഇതൊക്കെ ആളുകള് അറിയട്ടെ നാളെ ബല്റാം ഇങ്ങനെ ആരോടെങ്കിലും പെരുമറിയാലും ഇതുപോലെ തന്നെ കിട്ടണം. എന്നുമൊക്കെ പോകുന്നു കമന്റ്. മാത്രമല്ല ബല്റാമിനെ അനുകൂലിക്കുന്നവരും ഇതിലുണ്ട്.
ബല്റാമിന്റെ കുറിപ്പ് ഇങ്ങനെയായിരുന്നു
ആ ഫോണ് സംഭാഷണം കേട്ടിടത്തോളം അത് റെക്കോര്ഡ് ചെയ്ത് പ്രചരിപ്പിച്ചത് ഏരിയാ സെക്രട്ടറി ആവാന് വഴിയില്ല. കാരണം പഞ്ച് ഡയലോഗുകള്ക്ക് മുന്നില് ചൂളിപ്പോവുന്നത് അയാളാണ്. തന്റെ ഔദ്യോഗിക ഫോണിലേക്ക് വന്ന ഒരു രാഷ്ട്രീയ നേതാവിന്റെ കോള്, അതും കാര്യമായ നിയമവിരുദ്ധ ആവശ്യങ്ങളൊന്നും ഉന്നയിക്കപ്പെടാത്ത സ്ഥിതിക്ക്, മനപൂര്വ്വം റെക്കോര്ഡ് ചെയ്ത് പുറത്തുവിടാന് ഒരു സബ് ഇന്സ്പെക്ടര് തയ്യാറായിട്ടുണ്ടെങ്കില് അതത്ര നിസ്സാരമായി കാണേണ്ട കാര്യമല്ല. വില്ലേജ് ഓഫീസര്, കൃഷി ഓഫീസര്, പഞ്ചായത്ത് സെക്രട്ടറി, സ്കൂള് ഹെഡ്മാസ്റ്റര്, പിഡബ്ല്യുഡി അസി.എഞ്ചിനീയര് എന്നിവരെയൊക്കെപ്പോലെ നിരവധി സര്ക്കാര് ഡിപ്പാര്ട്ട്മെന്റുകളിലൊന്നിലെ പ്രാദേശിക തലത്തിലെ ജൂനിയര് ഉദ്യോഗസ്ഥര് മാത്രമാണ് ഈ പോലീസ് എസ്ഐമാരും എന്ന് ഭരത് ചന്ദ്രന്മാര്ക്ക് കയ്യടിക്കുന്ന ജനങ്ങളും കൂടി മനസ്സിലാക്കുന്ന അവസ്ഥയെയാണ് ജനാധിപത്യം എന്ന് പറയുന്നത്. അവര്ക്ക് പ്രവര്ത്തന സ്വാതന്ത്ര്യം ഉണ്ടാവണം. എന്നാല് അവര് അതിമാനുഷരാണെന്ന് ധരിച്ച് ആരാധിച്ചു കളയരുത്.
എന്തായാലും വിടിയുടെ പ്രസ്താവനക്കെതിരെ കോണ്ഗ്രസുകാരും പരസ്യമായി രംഹത്തെത്തുന്നതും കാണാം. ഞാന് ഒരു കോണ്ഗ്രസുകാരനാണ് എന്നാലും വിടി ഇത് പറയരുതായിരുന്നു എന്നായിരുന്നു ഒരു വിമര്ശനം
.കൊച്ചിന് യൂണിവേഴ്സിറ്റിയില് തിങ്കളാഴ്ച എസ്എഫ്ഐ പ്രവര്ത്തകരും ഒരു വിഭാഗം ഹോസ്റ്റല് വിദ്യാര്ത്ഥികളും തമ്മില് ഏറ്റുമുട്ടിയിരുന്നു. സംഘര്ഷത്തിന് പിന്നാലെ എസ്എഫ്ഐ ജില്ലാ നേതാവ് അമലിനെ എസ്ഐ അമൃതരംഗന് പിടിച്ച് മാറ്റിയിരുന്നു. ഇത് ചോദ്യം ചെയ്താണ് കളമശ്ശേരി ഏരിയ സെക്രട്ടറി സക്കീര് ഹുസൈന് എസ് ഐയെ വിളിച്ചത് ഇതാണ് കഴിഞ്ഞ ദിവസം മുതല് സോഷ്യല് മീഡിയയിലെ ചര്ച്ചാ വിഷയം.
https://www.facebook.com/Malayalivartha
