മൂത്തൂറ്റ് പോ​ള്‍ എം. ​ജോ​ര്‍​ജ് വധകേ​സി​ലെ എ​ട്ട് പ്ര​തി​ക​ളെ വെ​റു​തെ​ വി​ട്ടു. എ​ട്ട് പ്ര​തി​ക​ളു​ടെ ജീ​വ​പ​ര്യ​ന്തം ത​ട​വ് ശി​ക്ഷ​യാ​ണ് ഹൈ​ക്കോ​ട​തി ഇപ്പോൾ റ​ദ്ദാ​ക്കിയിരിക്കു​ത്. ഒമ്പത്‌ പ്ര​തി​ക​ളെ ജീ​വ​പ​ര്യ​ന്തം ത​ട​വി​ന് ശി​ക്ഷി​ച്ച തി​രു​വ​ന​ന്ത​പു​രം സി​ബി​ഐ കോ​ട​തി വി​ധി റ​ദ്ദാ​ക്കി​യിരിക്കുകയാണ്. ഹൈ​ക്കോ​ട​തി ഒ​രാ​ള്‍ ഒ​ഴി​കെ മറ്റുള്ളവരെ വെ​റു​തെ വി​ടുകയായിരുന്നു. കേ​സി​ലെ ര​ണ്ടാം പ്ര​തി കാ​രി സ​തീ​ഷി​ന്‍റെ ശി​ക്ഷ റ​ദ്ദാ​ക്കി​യിട്ടി​ല്ല. സി​ബി​ഐ കോ​ട​തി വി​ധിക്കെതിരെ കാരി സ​തീ​ഷ് മാ​ത്രം ഹൈ​ക്കോ​ട​തി​യി​ല്‍ അ​പ്പീ​ല്‍ കൊടുത്തിരുന്നില്ല.

2009ലായിരുന്നു പോൾ എം ജോർജിനെ കുത്തി കൊന്നത്. 2009 ഓ​ഗ​സ്റ്റ് 21ന് ​ആ​ല​പ്പു​ഴ​യ്ക്ക് പോ​കും​ വഴിയായിരുന്നു ബൈ​ക്ക​പ​ക​ട​വു​മാ​യി ബ​ന്ധ​പ്പെ​ട്ട ത​ര്‍​ക്ക​ത്തി​നൊ​ടു​വി​ല്‍ പ്ര​തി​ക​ള്‍ പോ​ള്‍ എം.​ജോ​ര്‍​ജി​നെ കു​ത്തി കൊ​ല​പ്പെ​ടു​ത്തി​യത്. മ​ണ്ണ​ഞ്ചേ​രി​യി​ലെ കു​ര​ങ്ങ് ന​സീ​ര്‍ എ​ന്ന ഗു​ണ്ട​യെ വ​ക​വ​രു​ത്താ​ന്‍ പോകവെ ജ​യ​ച​ന്ദ്ര​ന്‍റെ നേ​തൃ​ത്വ​ത്തി​ലു​ള്ള സം​ഘം സ​ഞ്ച​രി​ച്ച ബൈ​ക്കി​ൽ പോ​ള്‍ മു​ത്തൂ​റ്റി​ന്‍റെ ഫോ​ര്‍​ഡ് എ​ന്‍​ഡ​വ​ര്‍ ഇ​ടി​ച്ചു. ഇ​തു​മാ​യി ബ​ന്ധ​പ്പെ​ട്ട ത​ര്‍​ക്ക​ത്തി​നൊ​ടു​വി​ല്‍ കാ​രി സ​തീ​ഷും സം​ഘ​വും പോ​ള്‍ ജോ​ര്‍​ജി​നെ കൊ​ല​പ്പെ​ടു​ത്തി​യെ​ന്നാ​യി​രു​ന്നു കേ​സ്. ഇതേ തുടർന്ന് ഓം പ്രകാശ് പുത്തൻ പാലം രാജേഷ്‌ എന്നിവരെയും അറസ്റ്റ് ചെയ്തിരുന്നു. കൊലപാതകത്തിന് ഉപയോഗിച്ച എസ് കത്തിയും കണ്ടെത്തിയിരുന്നു. 2015 സെ​പ്റ്റം​ബ​റി​ല്‍ തി​രു​വ​ന​ന്ത​പു​രം സി​ബി​ഐ കോ​ട​തി​യാ​ണ് പ്ര​തി​ക​ള്‍​ക്ക് ജീവപര്യന്തം ശി​ക്ഷ വി​ധി​ച്ച​ത്. ഈ ​വി​ധി​യാ​ണ് ഇ​പ്പോ​ള്‍ കോടതി റ​ദ്ദാ​ക്കി​യി​രി​ക്കു​ന്ന​ത്.