ദേശീയ ഗെയിംസ് അഴിമതിയില്‍ പ്രതിഷേധിച്ച് അക്രെഡിറ്റേഷന്‍ കമ്മിറ്റി ചെയര്‍മാന്‍ സ്ഥാനത്തുനിന്ന് രാജിവയ്ക്കാനുള്ള തീരുമാനത്തില്‍ നിന്ന് കെ. മുരളീധരന്‍ എം.എല്‍.എ പിന്മാറി. മുഖ്യമന്ത്രി ഉമ്മന്‍ചാണ്ടിയുടേയും കായിക മന്ത്രി തിരുവഞ്ചൂര്‍ രാധാകൃഷ്ണന്റെയും ഇടപെടലിനെത്തുടര്‍ന്നാണ് പിന്മാറ്റം. പരാതികള്‍ പരിഹരിക്കാമെന്ന് ഇരുവരും ഉറപ്പുനല്‍കിയതായി മുരളീധരന്‍ പറഞ്ഞു. ഗെയിംസ് സമാപിച്ചതിനുശേഷം ഇക്കാര്യം പരിശോധിക്കാമെന്നാണ് മുഖ്യമന്ത്രിയും കായിക മന്ത്രിയും ഉറപ്പുനല്‍കിയതെന്നും അദ്ദേഹം പറഞ്ഞു.
തുടക്കം മുതലേ തന്നെ ക്രമക്കേടുകള്‍ ചൂണ്ടിക്കാട്ടിയിട്ടും പരിഹരിച്ചില്ലെന്ന് മുരളീധരന്‍ കുറ്റപ്പെടുത്തിയിരുന്നു. അതിന് പിന്നാലെയാണ് ഗെയിംസിന്റെ ഉദ്ഘാടന ചടങ്ങില്‍ മോഹന്‍ലാലിന്റെ മ്യൂസിക് ബാന്‍ഡ് അവതരിപ്പിച്ച ലാലിസം പരിപാടി നിലവാരമില്ലാത്തതാണെന്ന് വിമര്‍ശനം ഉയര്‍ന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha