ഗതാഗത നിയമ ലംഘന പിഴ... മുഖ്യമന്ത്രി ഇന്ന് വിളിക്കുന്ന ഉന്നതലയോഗത്തില് ചര്ച്ചയാകും.... കേന്ദ്ര സര്ക്കാരിന്റെ തീരുമാനം വരുന്നതുവരെ കാത്തിരിക്കണമോ, സംസ്ഥാനത്തിന് തീരുമാനമെടുക്കാന് കഴിയുന്ന വകുപ്പുകളില് പിഴ കുറക്കണമോ എന്നതില് ഇന്നത്തെ യോഗത്തില് തീരുമാനമുണ്ടായേക്കും
ഗതാഗത നിയമ ലംഘനങ്ങള്ക്കുള്ള ഉയര്ന്ന പിഴ സംബന്ധിച്ച അനിശ്ചിതത്വം മുഖ്യമന്ത്രി ഇന്ന് വിളിക്കുന്ന ഉന്നതതലയോഗത്തില് ചര്ച്ചയാകും. സംസ്ഥാനസര്ക്കാരിന് തീരുമാനമെടുക്കാന് കഴിയുന്ന വകുപ്പുകളില് പിഴ കുറക്കണമെന്ന നിര്ദ്ദേശം ഗതാഗത വകുപ്പ് യോഗത്തില് മുന്നോട്ട് വക്കും. കേന്ദ്ര സര്ക്കാരിന്റെ തീരുമാനം വരുന്നതുവരെ കാത്തിരിക്കണമോ, സംസ്ഥാനത്തിന് തീരുമാനമെടുക്കാന് കഴിയുന്ന വകുപ്പുകളില് പിഴ കുറക്കണമോ എന്നതില് ഇന്നത്തെ യോഗത്തില് തീരുമാനമുണ്ടായേക്കും. ഉയര്ന്ന പിഴ ഈടാക്കുന്നതില് പ്രതിഷേധം ശക്തമായതോടെ വാഹന പരിശോധന നിര്ത്തിവച്ചു.
പിഴ കുറയ്ക്കാന് സംസ്ഥാനത്തിന് അധികാരമുണ്ടെന്ന് കേന്ദ്ര ഗതാഗതമന്ത്രി നിതിന് ഗഡ്കരി വ്യക്തമാക്കിയെങ്കിലും ഇതുവരെ ഉത്തരവിറക്കിയല്ല. ഇക്കാര്യത്തില് വ്യക്തത വേണമെന്നാവശ്യപ്പെട്ട് സംസ്ഥാന സര്ക്കാര് കേന്ദ്രത്തിന് കത്തയച്ചെങ്കിലും ഇതുവരെ മറുപടി ലഭിച്ചിട്ടില്ല. ഗതാഗത നിയമ ലംഘനങ്ങള്ക്കുള്ള പിഴ പത്തിരട്ടിയോളം കൂട്ടിയ നിയമഭേദഗതി വന്നയുടന് തന്നെ കേരളം വിജ്ഞാപനം പുറത്തിറക്കിയിരുന്നു.
https://www.facebook.com/Malayalivartha
