സിപിഎമ്മിന്റെ നിരന്തര ആക്രമണം; ഓട്ടോ ഡ്രൈവര് തീകൊളുത്തി ആത്മഹത്യചെയ്തു
സിപിഎം അക്രമത്തെത്തുടര്ന്ന് ഓട്ടോ ഡ്രൈവര് തീ കൊളുത്തി ആത്മഹത്യചെയ്തു. കോഴിക്കോട് എലത്തൂര് സ്വദേശിയായ രാജേഷ് ആത്മഹത്യ ചെയ്തത്, സിപിഎമ്മിന്റെ നിരന്തര ആക്രമണത്തെ തുടര്ന്ന് തീകൊളുത്തി ആത്മഹത്യ ചെയ്യാന് ശ്രമിക്കുകയും പിന്നീട് ഗുരുതരാവസ്ഥയില് കോഴിക്കോട് മെഡിക്കല് കോളജില് ചികിത്സയിലുമായിരുന്നു രാജേഷ്. ചികിത്സക്കിടെ ഇന്ന് പുലര്ച്ചെയായിരുന്നു മരണം സംഭവിച്ചത്.
സിഐടിയു, സിപിഎം പ്രവര്ത്തകരുടെ നിരന്തര ഭീഷണിയും മര്ദ്ദനവും സഹിക്കാന് വയ്യാതെയാണ് എലത്തൂര് സ്വദേശിയായ ഓട്ടോ ഡ്രൈവര് രാജേഷ് ആത്മഹത്യ ചെയ്യാന് ശ്രമിച്ചതെന്നാണ് പോലീസും വ്യക്തമാക്കുന്നത്. ഈ കേസുമായി ബന്ധപ്പെട്ട് രണ്ട് സിപിഎം പ്രാദേശിക പ്രവര്ത്തകര് പോലീസ് പിടിയിലായിരുന്നു. ഒ.കെ ശ്രീലേഷ്, ഷൈജു കാവോത്ത് എന്നിവരെയാണ് പോലീസ് പിടികൂടിയിരുന്നത്. വായ്പ്പയെടുത്ത് വാങ്ങിയ ഓട്ടോറിക്ഷ സ്റ്റാന്ഡിലിറക്കാന് അനുവദിക്കില്ലെന്ന് സിപിഎം പ്രവര്ത്തകര് ഭീഷണിപ്പെടുത്തിയിരുന്നു. രണ്ടാഴ്ചയ്ക്ക് മുമ്പാണ് രാജേഷ് ഓട്ടോ എടുത്തത്. ഓട്ടോ ഓടിക്കാനുള്ള പെര്മിറ്റ് എടുത്ത് എത്തിയപ്പോള് തന്നെ മറ്റ് െ്രെഡവര്മാര് രാജേഷിനെതിരെ എതിര്പ്പുമായി രംഗത്ത് വന്നിരുന്നു.
രാജേഷിന്റെ ഓട്ടോ ആ സ്റ്റാന്ഡില് ഇടാന് അനുവദിക്കില്ലെന്നും രാജേഷിന്റെ രോഗിയായ ഭാര്യയെ കൊല്ലുമെന്നും ഭീഷണിപ്പെടുത്തി. മര്ദ്ദനവും ഭീഷണിയും തുടര്ന്നതോടെ വിഷമത്തിലായ രാജേഷ് തീ കൊളുത്തി ആത്മഹത്യയ്ക്ക് ശ്രമിക്കുകയായിരുന്നു. ഗുരുതരമായി പരുക്കേറ്റ രാജേഷ് മെഡിക്കല് കോളേജില് ദിവസങ്ങളായി ചികിത്സയിലായിരുന്നു. എഴുപത് ശതമാനത്തോളം പൊള്ളലേറ്റ നിലയിലാണ് രാജേഷിനെ കോഴിക്കോട് മെഡിക്കല് കോളജില് പ്രവേശിപ്പിച്ചിരുന്നത്. മര്ദ്ദനത്തില് രാജേഷിന്റെ വൃക്കയ്ക്ക് ഗുരുതരമായി പരിക്കേറ്റിരുന്നു
https://www.facebook.com/Malayalivartha
