പടിയിറങ്ങുംമുന്നേ വീണ്ടും വിറപ്പിച്ച് രേണു രാജ്; ഒറ്റയടിക്ക് റദ്ദാക്കിയത് മൂന്നാറില് സര്ക്കാര് ഭൂമി കയ്യേറി വ്യാജമായി നിര്മിച്ച നാല് പട്ടയങ്ങൾ; കളക്ടര് പുലിയല്ല പുപ്പുലിയാണ്
പടിയിറങ്ങും മുന്നേ മൂന്നാറിനെ വിറപ്പിച്ചിരിക്കുകയാണ് ദേവികുളം സബ്കളക്ടര് രാജ്. നേതാക്കള്ക്കെതിരെ നടപടി എടുക്കുന്നതിനാലാണ് കലക്ടറെ സ്ഥലം മാറ്റിയതുതന്നെ. അതേസ്ഥലം മാറ്റത്തിനു മുന്നേതന്നെ എല്ലാവരെയും ഞെട്ടിക്കുകയായിരുന്നു കളക്ടര്. മൂന്നാറില് സര്ക്കാര് ഭൂമി കയ്യേറി വ്യാജമായി നിര്മിച്ച നാല് പട്ടയങ്ങളാണ് രേണുരാജ് ഒറ്റയടിക്ക് റദ്ദാക്കിയത്. ദേവികുളം സബ്കളക്ടറായിരുന്ന രേണു രാജ് സ്ഥാനം ഒഴിയുന്നതിന് തൊട്ടുമുമ്പായിട്ടാണ് നടപടിയെടുത്തതെന്നതാണ് ഇതിന് വാര്ത്താ പ്രാധാന്യം നേടിക്കൊടുക്കുന്നത്.
ദേവികുളം അഡീഷണല് തഹസീല്ദാറായിരുന്ന രവീന്ദ്രന് 1999-ല് അനുവദിച്ച പട്ടയങ്ങളാണ് റദ്ദാക്കിയത്. ഹൈക്കോടതിയുടെ നിര്ദേശ പ്രകാരം പരിശോധനകള് പൂര്ത്തിയാക്കിയ ശേഷമാണ് നടപടി. ഇക്കാനഗറിലെ സര്വ്വെ നമ്പര് 912 ല് ഉള്പ്പെട്ട നാല് പട്ടയങ്ങളാണ് സെപ്റ്റംബര് 24-ന് റദ്ദാക്കിയത്. നാല് പട്ടയ നമ്പറിലെ രണ്ടര ഏക്കര് സ്ഥലം ഏറ്റെടുക്കാന് തഹസീല്ദാര്ക്ക് നിര്ദേശവും രേണുരാജ് നല്കിയിട്ടുണ്ട്. പരിശോധനയില് പട്ടയം വ്യാജമാണെന്ന് തെളിഞ്ഞതിനാല് പട്ടയം റദ്ദാക്കുന്നുവെന്നും പട്ടയത്തിന്റെ പേരില് പിടിച്ചിട്ടുള്ള തണ്ടപ്പേരും ഉള്പ്പെടുന്ന വസ്തുക്കളും സര്ക്കാര് അധീനതയില് ഏറ്റെടുക്കുന്നതിന് തഹസില്ദാറെ ചുമതലപ്പെടുത്തിയതായും ഉത്തരവില് പറയുന്നു. സര്ക്കാരിന്റെ രണ്ടേക്കറോളം വരുന്ന ഭൂമി വ്യാജപട്ടയങ്ങളുണ്ടാക്കി മരിയ ദാസ് കയ്യടക്കിയെന്ന് കാട്ടി ബിനു പാപ്പച്ചന് എന്നയാളാണ് ഹൈക്കോടതിയില് ഹര്ജി ഫയല് ചെയ്തത്.
കഴിഞ്ഞ മാസം 26 ന് ആയിരുന്നു രേണുരാജിനെ ദേവികുളം സബ് കളക്ടര് സ്ഥാനത്തുനിന്ന് മാറ്റിയത്. സ്ഥലം മാറ്റുന്നതിന് രണ്ട് ദിവസം മുന്പ് സെപ്റ്റംബര് 24ന് സബ് കളക്ടര് ഇറക്കിയ ഉത്തരവാണ് ഇപ്പോള് പുറത്തുവന്നത്. അതേസമയം ഇക്കാനഗറിലെ സര്വ്വെ നമ്പര് 912 ല് ഉള്പ്പെട്ട എല്.എ 96/99, 94/99,97/99,54/99 എന്നീ പട്ടയങ്ങളാണ് റദ്ദാക്കിയത്. ആദ്യഘട്ടമെന്ന നിലയില് പരിശോധനകള് പൂര്ത്തിയാക്കി കഴിഞ്ഞ 24നാണ് ഈ പട്ടയങ്ങള് റദ്ദ് ചെയ്തുകൊണ്ട് ഉത്തരവിറക്കിയത്. 1955 മുതല് സ്ഥിരം താമസക്കാരായിരുന്ന പി എം മാത്യുവിനെയും കുടുംബത്തെയും സാമൂഹ്യവത്കരണത്തിന്റെ പേരില് 1965 ല് സര്ക്കാര് ഇറക്കിവിട്ടിരുന്നു. തുടര്ന്ന് ഈ ഭൂമി തവര്ണ്ണ(തൈകള് ഉത്പാദിക്കാന്) നിര്മ്മിക്കുന്നതിനായി വനംവകുപ്പിന് കൈമാറുകയായിരുന്നു. എന്നാല് തവര്ണ്ണ ജോലിക്കെത്തിയ മരിയദാസ് എന്നയാള് ഭൂമി കൈയ്യേറി അയാളുടെ പേരിലും ബന്ധുക്കളുടെയും വ്യാജപട്ടയങ്ങള് നിര്മ്മിച്ചാണ് കൈയ്യേറ്റം നടത്തിയത്.
സംഭവത്തില് നടപടികള് സ്വീകരിക്കണമെന്ന് ആവശ്യപ്പെട്ട് പി എം മാത്യുവിന്റെ ബന്ധുക്കള് 2014 ലാണ് ഹൈക്കോടതിയെ സമീപിക്കുന്നത്. 2018ല് പുത്തന് വീട്ടില് ബിനുപാപ്പച്ചന് നല്കിയ പരാതിയില് പട്ടയങ്ങള് പരിശോധിക്കാന് ദേവികുളം സബ് കളക്ടറെ നിയോഗിക്കുകയായിരുന്നു. 2019 ജൂണില് മൂന്ന് ദിവസം നീണ്ടുനിന്ന പരിശോധനയില് ബന്ധുക്കളായ അളകര്സ്വാമി, മുത്തു, സുജ, ചിന്നത്തായ് എന്നിവര് സബ് കളക്ടര് മുമ്പാകെ നേരിട്ട് ഹാജരായി. തങ്ങളുടെ പട്ടയത്തിനായി അപേക്ഷ സമര്പ്പിക്കുകയോ പട്ടയം കൈപ്പറ്റുകയോ വസ്തുവില് താമസിക്കുകയോ ചെയ്തിട്ടില്ലെന്നാണ് ഇവര് നാലുപേരും ബോധിപ്പിച്ചതെന്ന് സബ് കളക്ടര് ഇറക്കിയ ഉത്തരവില് പറയുന്നു. പരിശോധനയില് പട്ടയം വ്യാജമാണെന്ന് തെളിഞ്ഞതിനാല് പട്ടയം റദ്ദാക്കുന്നുവെന്നും പട്ടയത്തിന്റെ പേരില് പിടിച്ചിട്ടുള്ള തണ്ടപ്പേരും ഉള്പ്പെടുന്ന വസ്തുക്കളും സര്ക്കാര് അധീനതയില് ഏറ്റെടുക്കുന്നതിന് തഹസില്ദ്ദാരെ ചുമതലപ്പെടുത്തിയതായും ഉത്തരവില് പറയുന്നു. സര്ക്കാരിന്റെ രണ്ടേക്കറോളം വരുന്ന ഭൂമി വ്യാജപട്ടയങ്ങളുണ്ടാക്കി മരിയദാസ് കൈയ്യടക്കിയെന്ന് കാട്ടിയാണ് ബിനു പാപ്പച്ചന് ഹൈക്കോടതിയില് ഹര്ജി ഫയല് ചെയ്തത്. ഭൂമിയില് അവകാശം സ്ഥാപിക്കാന് 15 പട്ടയങ്ങള് നിര്മ്മിക്കുകയും ചെയ്തു. ഇത്തരം പട്ടയങ്ങള് റദ്ദ് ചെയ്യണമെന്നായിരുന്നു ആവശ്യം. ഇതില് മരിയദാസിന്റെ ഭാര്യ ശാന്തയുടെ പേരിലുള്ള പട്ടയം ഹൈക്കോടതി സ്റ്റേ ചെയ്തിട്ടുണ്ട്. ബിനുപാപ്പച്ചനുവേണ്ടി അഡ്വ.ഷിബി അമ്മുപിള്ളി, അഡ്വ. വി ബി ബിനു, അബ്രഹാം, വിജയകുമാര് എന്നിവരാണ് ഹൈക്കോടതിയില് ഹാജരായത്.
https://www.facebook.com/Malayalivartha