വരുന്ന മണ്ഡലകാലത്ത് യുവതികളെ ശബരിമല കയറ്റാന് അനുവദിക്കില്ലെന്ന് കോണ്ഗ്രസ് നേതാവും മുന്ദേവസ്വം പ്രസിഡന്റുമായ പ്രയാര് ഗോപാലകൃഷ്ണന്, ഇതിനായി കോണ്ഗ്രസ് തന്നെ ചുമതലപ്പെടുത്തിയെന്നും അദ്ദേഹം
വരുന്ന മണ്ഡലകാലത്ത് യുവതികളെ ശബരിമല കയറ്റാന് അനുവദിക്കില്ലെന്ന് കോണ്ഗ്രസ് നേതാവും മുന്ദേവസ്വം പ്രസിഡന്റുമായ പ്രയാര് ഗോപാലകൃഷ്ണന്. എന്ത് പ്രത്യാഘാതം ഉണ്ടായാലും ഏറ്റെടുക്കാന് തയ്യാറാണ്. കോണ്ഗ്രസ് ഇതിനായി തന്നെ ചുമതലപ്പെടുത്തിയെന്നും അദ്ദേഹം വെളിപ്പെടുത്തി. സഹനസമരമായിരിക്കും വരുന്ന മണ്ഡലകാലത്ത് ശബരിമലയില് യുവതികള് എത്തിയാല് നടക്കുന്നതെന്നും അദ്ദേഹം വ്യക്തമാക്കി. പാര്ലമെന്റ് തെരഞ്ഞെടുപ്പില് യു.ഡി.എഫിന് 19 സീറ്റുകള് ലഭിച്ചത് ശബരിമല യുവതീപ്രവേശനത്തെ എതിര്ത്തത് കൊണ്ടായിരുന്നെന്ന് ബോധ്യമായ സാഹചര്യത്തിലാണ് അതേ നിലപാട് ഇത്തണയും ആവര്ത്തിച്ച്, അതുവഴി അടുത്ത നിയമസഭാ തെരഞ്ഞെടുപ്പില് അധികാരത്തില് തിരിച്ചെത്താനാണ് കോണ്ഗ്രസ് ശ്രമിക്കുന്നത്.
യുവതീപ്രവേശന വിധി പുറപ്പെടുവിച്ച ജഡ്ജി ഈമാസം 17ന് വിരമിക്കുകയാണ്. അതിനാല് ഉടന് പുന:പരിശോധനാ ഹര്ജികളില് തീരുമാനം ഉണ്ടായേക്കും. അല്ലെങ്കില് ഏഴംഗ ബെഞ്ചിന്റെ പരിഗണനയ്ക്ക് വിടേക്കും. കേന്ദ്ര സര്ക്കാരോ, സംസ്ഥാന സര്ക്കാരോ ഓര്ഡിനന്സ് ഇറക്കിയാല് പ്രശ്നം പരിഹാരിക്കാം. അതാണ് കോണ്ഗ്രസ് ആവശ്യപ്പെടുന്നത്. യുവതീ പ്രവേശനം അനുവദിക്കരുതെന്ന് ആവശ്യപ്പെട്ട് ഒരു കോടി ഭക്തര് ഒപ്പിട്ട നിവേദനം പ്രധാനമന്ത്രിക്ക് കൈമാറിയിട്ടുണ്ട്. സുരേഷ് ഗോപിയും കെ.സി വേണുഗോപാലും താനും ആ നിവേദനത്തില് ഒപ്പിട്ടിട്ടുണ്ടെന്നും പ്രയാര് പറഞ്ഞു. ശബരിമലയില് യുവതീപ്രവേശനം പാടില്ലെന്ന് 1955,56 കാലത്ത് സുപ്രീംകോടതി ഉത്തരവ് പുറപ്പെടുവിച്ചിട്ടുണ്ട്. പന്തളം കൊട്ടാരത്തില് അതിന്റെ കോപ്പിയുണ്ടാവും. ആ ഉത്തരവ് സുപ്രീംകോടതിക്ക് മുന്നിലെത്തിക്കാനുളള നടപടികള് പന്തളം രാജകുടുംബം സ്വീകരിക്കണമെന്നും പ്രയാര് ആവശ്യപ്പെട്ടു.
സുപ്രീംകോടതി ഉത്തരവ് വന്നതിന് പിന്നാലെ പ്രശ്നം ഉയര്ത്തിക്കൊണ്ടുവന്നത് ഞാനാണെന്നും പ്രയാര് അവകാശപ്പെട്ടു. അതുകൊണ്ടാണ് ലോക്സഭാ തെരഞ്ഞെടുപ്പില് ചരിത്രവിജയം നേടാനായത്. എന്നാല് കോണ്ഗ്രസ് നേതാക്കളാരും ഇക്കാര്യം അംഗീകരിക്കില്ല. നേതാക്കളെല്ലാം അവരവരുടെ മിടുക്ക് കൊണ്ടാണ് ജയിച്ചതെന്ന് ആവര്ത്തിക്കുന്നു. യു.ഡി.എഫ് ഒറ്റക്കെട്ടായി നിന്നാല് വരുന്ന നിയമസഭാ തിരഞ്ഞെടുപ്പില് അധികാരത്തിലേറാം. കോണ്ഗ്രസ് മുഖ്യമന്ത്രിയുണ്ടായാല് ആദ്യം ചെയ്യുന്നത് ശബരിമലയിലെ നിയമനിര്മ്മാണം ആയിരിക്കും. രമേശ് ചെന്നിത്തലയും ഉമ്മന്ചാണ്ടിയും പി.സി ചാക്കോയും ശബരിമല പ്രശ്നത്തില് ഭക്തര്ക്കൊപ്പമായിരുന്നു. കോണ്ഗ്രസ് നേതാവും അഭിഭാഷകനുമായ മനു അഭിഷേക് സിംഗ്വിയുമായി കേസ് സംബന്ധിച്ച ചര്ച്ചകള് നടത്തുന്നുണ്ട്. കേസിന്റെ കാര്യങ്ങള്ക്കായി താമസിക്കാതെ ഡല്ഹിയിലേക്ക് പോകും.
യുവതികള് ശബരിമല കയറിയാല് പുരുഷനും പുലിയും പിടിക്കാമെന്ന് പ്രയാര് മുമ്പ് അഭിപ്രായപ്പെട്ടിരുന്നു. യുവതികള് ദര്ശനത്തിനെത്തിയാല് അയ്യപ്പന്റെ ചൈതന്യം ഇല്ലാതാകും. ശബരിമലയെ തായ് ലാന്ഡാക്കി മാറ്റരുത്. യുവതികള് മല കയറിയാല് താന് ശബരിമല കയറില്ലെന്നും അദ്ദേഹം വ്യക്തമാക്കിയിരുന്നു. ശബരിമലയ്ക്കു മാത്രമായി പ്രത്യേക ദേവസ്വം ബോര്ഡ് ഉണ്ടാക്കണം. ബി.ജെ.പി, ആര്.എസ്.എസ് നേതാക്കള് ഇക്കാര്യം കേന്ദ്ര സര്ക്കാരിനോട് ആവശ്യപ്പെടണം. ശബരിമല ക്ഷേത്രത്തെയും അയ്യപ്പനെയും സര്ക്കാരും ദേവസ്വം ബോര്ഡും കറവപ്പശുവായാണ് കാണുന്നത്. രജസ്വല യുവതികള്ക്കും പുലയുള്ള സ്ത്രീകള്ക്കും കയറാമെന്നുള്ള ത്രി ബി വകുപ്പ് ഇല്ലാതാക്കാന് സര്ക്കാരിന് അധികാരമുണ്ടെങ്കിലും ഇടത് സര്ക്കാരിന് താല്പര്യമില്ലെന്നും പ്രയാര് ആവര്ത്തിച്ചു.
https://www.facebook.com/Malayalivartha