പാലാരിവട്ടം പാലം അഴിമതി കേസ്... ടി.ഒ സൂരജിന്റെ റിമാന്ഡ് കാലാവധി നീട്ടി, ഒക്ടോബര് 17 വരെ റിമാന്ഡില് തുടരും
പാലാരിവട്ടം പാലം അഴിമതി കേസില് പൊതുമരാമത്ത് വകുപ്പ് മുന് സെക്രട്ടറി ടി.ഒ സൂരജിന്റെ റിമാന്ഡ് കാലാവധി നീട്ടി. ഒക്ടോബര് 17 വരെ സൂരജ് റിമാന്ഡില് തുടരും. പാലാരിവട്ടം പാലം അഴിമതിക്കേസിലെ ഒന്നാം പ്രതി സുമിത് ഗോയല്, രണ്ടാം പ്രതിയും കേരള റോഡ്സ് ആന്ഡ് ബ്രിഡ്ജസ് ഡെവലപ്മന്റെ് കോര്പറേഷന് അസിസ്റ്റന്റ് ജനറല് മാനേജരുമായ എം.ടി തങ്കച്ചന്, മൂന്നാം പ്രതിയും കിറ്റ്കോ ജോയിന്റ് ജനറല് മാനേജരുമായ ബെന്നി പോള് എന്നിവരുടെ റിമാന്ഡ് കാലാവധിയും നീട്ടിയിട്ടുണ്ട്. പാലം നിര്മ്മാണ സമയത്ത് സൂരജ് കൊച്ചിയില് കോടികളുടെ സ്വത്ത് വാങ്ങി. കോടികളുടെ കള്ളപ്പണ ഇടപാട് നടന്നുവെന്നും വിജിലന്സ് ഹൈകോടതിയില് സമര്പ്പിച്ച സത്യവാങ്മൂലത്തിലുണ്ട്.
നാല് പ്രതികളുടെയും റിമാന്ഡ് കാലാവധി ഇന്ന് അവസാനിക്കാനിരിക്കവേയാണ് വിജിലന്സ് കോടതി വീണ്ടും കാലാവധി നീട്ടിയത്. തേസമയം പ്രതികള് സമര്പ്പിച്ച ജാമ്യാപേക്ഷ ഹൈകോടതി ഇന്ന് പരിഗണിക്കുന്നുണ്ട്. ജാമ്യം നല്കരുതെന്നാണ് വിജിലന്സ് കഴിഞ്ഞ ദിവസം വാദിച്ചത്. ഇതിന്റെ തുടര് വാദവും ഇന്ന് കോടതിയില് നടക്കും.
പാലാരിവട്ടം പാലം അഴിമതിയില് ടി.ഒ സൂരജിനെതിരെ കൂടുതല് തെളിവുകള് ഉല്ക്കൊള്ളിച്ചുകൊണ്ടുള്ള പുതിയ സത്യവാങ്മൂലം വിജിലന്സ് ഹൈക്കോടതിയില് സമര്പ്പിച്ചിരുന്നു.
https://www.facebook.com/Malayalivartha
