നിരപരാധിത്വം തെളിയിക്കാന് സുപ്രധാന തെളിവായ ദൃശ്യങ്ങളുടെ പകര്പ്പിന് അവകാശമുണ്ടെന്ന് നടന് ദിലീപ്
നടിയെ ആക്രമിച്ച കേസില് കുറ്റാരോപിതനായി ആരോപിക്കപ്പെട്ടിരിക്കുന്ന തനിക്ക് ദൃശ്യങ്ങളുടെ പകര്പ്പ് പരിശോധിക്കാനുള്ള അവകാശമുണ്ടെന്ന് ദിലീപിന്റെ അഭിഭാഷകന് കോടതിയില് വാദിച്ചു. ദൃശ്യത്തിലെ സ്ത്രീയുടെ ഫോട്ടോയില് കൃത്രിമം ഉണ്ടെന്നും അത് പരിശോധിക്കാന് വീഡിയോ ക്ലോണ് ചെയ്ത് നല്കണമെന്നും അഭിഭാഷകന് സുപ്രീം കോടതിയില് എഴുതിത്തയ്യാറാക്കിയ വാദത്തില് പറയുന്നു. കേസിലെ മുഖ്യ ആധാരമാക്കുന്ന തെളിവ് എന്ന നിലയ്ക്ക് വീഡിയോ ഫോറന്സിക് പരിശോധനയിലൂടെ തെളിയിക്കണമെന്നും അതിന്റെ പകര്പ്പ് ദിലീപിനും കൂടി അവകാശപ്പെട്ടതാണ് എന്നും അദ്ദേഹത്തിന്റെ അഭിഭാഷക നേരത്തെ കോടതിയില് വാദിച്ചിരുന്നു. എന്നാല് സംസ്ഥാനസര്ക്കാരിന്റെ ദിലീപിന് എതിരായി തന്നെ തുടരുകയാണ്. കുറ്റാരോപിതനായ ദൃശ്യങ്ങളുടെ പകര്പ്പ് കൊടുക്കരുതെന്നും അങ്ങനെ സംഭവിച്ചാല് അത് ദുരുപയോഗം നടത്താനുള്ള സാധ്യത കൂടുതലാണെന്നും സംസ്ഥാന സര്ക്കാര് കോടതിയെ ബോധ്യപ്പെടുത്താന് ശ്രമിച്ചു. ദൃശ്യങ്ങള് പകര്ത്തി നടിയുടെ സ്വകാര്യ ജീവിതത്തെ അപകീര്ത്തിപ്പെടുത്തുകയായിരുന്നു അവരുടെ ലക്ഷ്യമെന്നും അതുകൊണ്ട് നടിയുടെ മൗലികാവകാശത്തെ മാനിച്ചുകൊണ്ട് ഇക്കാര്യത്തില് ഉചിതമായ തീരുമാനമെടുക്കണമെന്ന് വാദി ഭാഗം നേരത്തെ കോടതിയില് വാദിച്ചിരുന്നു.
https://www.facebook.com/Malayalivartha
