കൂടുത്തായി കൊലപാതക പരമ്പരയില്‍ കൂടുതല്‍ വെളിപ്പെടുത്തലുമായി വീണ്ടും റെഞ്ചി തോമസ്. 'സിലി മരിക്കുന്നതിന് മുന്‍പേ ഷാജുവും ജോളിയും പ്രണയത്തിലായിരുന്നുവെന്നും സിലിയുടെ ശവസംസ്‌കാര ചടങ്ങിനിടെ ജോളിയുടെ മുഖത്ത് ഗൂഡമായ സന്തോഷം താന്‍ കണ്ടിരുന്നുവെന്നും ഇവരുടെ കല്യാണ വാര്‍ത്ത നമുക്ക് അധികം വൈകാതെ കേള്‍ക്കാമെന്ന് താന്‍ സഹോദരനോട് പറഞ്ഞിരുന്നുവെന്നും അതിപ്പോൾ സത്യമായി റെഞ്ചി തോമസ് പറഞ്ഞു. കൊല്ലപ്പെട്ട റോയിയുടെ സഹോദരിയാണ് റെഞ്ചി തോമസ്. അരങ്ങേറിയ കൊലപാതക പരമ്പരയിൽ തുടക്കം മുതൽ ഇവർ സംശയം പ്രകടിപ്പിച്ചിരുന്നു. ഷാജുവിന് കൊലപാതകങ്ങളില്‍ പങ്കുണ്ടെന്ന് നേരത്തെയും ഇവർ പറഞ്ഞിരുന്നു. ജോളിയെ ഷാജു കല്യാണം കഴിച്ചത് മുതലാണ് തനിക്ക് കൊലപാതകങ്ങളെ കുറിച്ച്‌ സംശയം തോന്നി തുടങ്ങിയതെന്നും റെഞ്ചി വ്യക്തമാക്കിയിരുന്നു.

ഇപ്പോൾ ഷാജു കുറ്റസമ്മതം നടത്തിയിരിക്കുകായണ്‌. ജോളി എന്തോ മറയ്ക്കാന്‍ ശ്രമിക്കുന്നതായി തോന്നിയെന്നും ജോളിയോട് പ്രണയമില്ലെന്ന് ഷാജു പറഞ്ഞത് കളവായിരുന്നുവെന്നും അവർ പറഞ്ഞു.ഭാര്യ മരിച്ചതോടെ ഷാജു ഈ വീട്ടില്‍ നിത്യ സന്ദര്‍ശകനായി. മാത്രമല്ല സ്വന്തം ഭാര്യ മരിച്ച്‌ ഒരു വര്‍ഷത്തിനുള്ളില്‍ വേറെ കല്യാണം കഴിച്ചതില്‍ അസ്വാഭാവികതയുണ്ടെന്ന് തോന്നിയതായും റെഞ്ചി വ്യക്തമാക്കി.