കൂ​ട​ത്താ​യി കൊ​ല​പാ​ത​ക പ​രമ്പ​ര​യി​ല്‍ നിർണ്ണായകമായ കുറ്റ സമ്മതം നടത്തിയ ജോ​ളി​യു​ടെ ര​ണ്ടാം ഭ​ര്‍​ത്താ​വ് ഷാ​ജു​വി​നെ ചോ​ദ്യം ചെ​യ്യ​ലി​നു ശേ​ഷം പോലീസ് വിട്ടയച്ചു. വ​ട​ക​ര റൂ​റ​ല്‍ എ​സ്പി ഓ​ഫീ​സി​ലെ​ത്തി​ച്ച ഷാ​ജു​വി​നെ മ​ണി​ക്കൂ​റു​ക​ള്‍ നീ​ണ്ട ചോദ്യം ചെയ്യലിന് ശേഷമാണ് വി​ട്ട​യ​ച്ച​ത്. കൊ​ല​പാ​ത​ക​ങ്ങ​ളു​മാ​യി ഷാ​ജു​വി​നെ ബ​ന്ധി​പ്പി​ക്കാ​നു​ള്ള ശ​ക്ത​മാ​യ തെ​ളി​വ് ഇ​പ്പോ​ള്‍ ഇ​ല്ല എന്ന കാരണത്താലാണ് വി​ട്ട​യ​ച്ച​തെ​ന്ന് പോ​ലീ​സ് വ്യക്തമാക്കി.എല്ലാ മൊഴിയും രേഖപ്പെടുത്തിയിട്ടുണ്ടെന്ന് പോലീസ് പറഞ്ഞു. ജി​ല്ല വി​ട്ടു​ പോകണമെങ്കിൽ പോ​ലീ​സി​നെ അ​റി​യി​ക്ക​ണ​മെ​ന്ന് ഷാ​ജു​വി​ന് നി​ര്‍​ദേ​ശം ന​ല്‍​കി​.മൊഴി വിലയിരുത്തിയ ശേഷമായിരിക്കും തുടർ നടപടി സ്വീകരിക്കുന്നതെന്ന് എസ് പി പറഞ്ഞു. ല്ലറയിൽ നിന്ന് പുറത്തെടുത്ത ആറ് മൃതദേഹങ്ങളുടെയും അവശിഷ്ടങ്ങൾ വിദേശത്തേക്ക് അയക്കാൻ ഡിജിപി ലോക്നാഥ് ബെഹ്‍റ അറിയിച്ചതായി റൂറൽ എസ് പി കെ ജി സൈമൺ പറഞ്ഞു.

അതേ സമയം നിർണ്ണായകമായ വെളിപ്പെടുത്തൽ ഷാജു നടത്തിയിരുന്നു. സ്വന്തം ഭാര്യ സിലിയെയും പത്ത് മാസം പ്രായമായ കുഞ്ഞിനെയും ജോളി കൊന്നത് തന്‍റെ അറിവോടെയാണെന്ന് ഷാജു സമ്മതിച്ചു. ഈ രണ്ട് കൊലപാതകവും തനിക്ക് അറിയാമായിരുന്നു . ആദ്യം ആൽഫിനെ ജോളി കൊന്നു. പിന്നീട് ഭാര്യ സിലിയെ കൊല്ലാനുള്ള പദ്ധതി തയ്യാറാക്കിയത് ഒന്നിച്ചായിരുന്നു. വയനാട് പനമരത്തേക്ക് ഒരു കല്യാണത്തിന് ജോളിയുമൊന്നിച്ച് പോയപ്പോഴായിരുന്നു ഈ പദ്ധതിയിട്ടത്. സിലിയിലുള്ള മകനെ കൊല്ലണമെന്ന ആവശ്യം ജോളിക്കുണ്ടായിരുന്നു . താനതിനെ എതിർത്തു. തന്‍റെ അച്ഛനുമമ്മയും മകനെ നോക്കിക്കോളുമെന്ന് പറഞ്ഞ് അത് ഒഴിവാക്കി. മകൾ ബാധ്യതയാകുമെന്ന് ഞങ്ങൾ രണ്ട് പേരും ഭയന്നു. അതുകൊണ്ടാണ് മകളെ കൊല്ലാൻ തീരുമാനിച്ചത്. ഈ ഏറ്റു പറച്ചിൽ ഷാജു നടത്തിയിരുന്നു.