കൂടത്തായി കൊലപാതക പരമ്പരയെ തുടര്‍ന്ന് കൂടത്തായി വില്ലേജ് ഓഫീസില്‍ ലാന്‍ഡ് റെവന്യൂ ഡെപ്യൂട്ടി കളക്ടറുടെ പരിശോധന. കുടുംബവുമായി ബന്ധപ്പെട്ട സ്വത്ത് കൈമാറ്റങ്ങളില്‍ സംശയങ്ങള്‍ ഉയര്‍ന്ന സാഹചര്യത്തിലാണിത്.

കേസുമായി ബന്ധപ്പെട്ട് മുന്‍ഡെപ്യൂട്ടി തഹസില്‍ദാറില്‍നിന്ന് പോലീസ് മൊഴിയെടുത്തിരുന്നു. പിന്നാലെയാണ് റെവന്യൂ വകുപ്പും അന്വേഷണം നടത്തുന്നത്. രജിസ്‌ട്രേഷന്‍ നടപടികള്‍ അടക്കമുള്ളവ നടത്തിയത് സംബന്ധിച്ച രേഖകളാണ് പരിശോധിക്കുന്നതെന്നാണ് സൂചന. വ്യാജ ഒസ്യത്ത് സംബന്ധിച്ച വെളിപ്പെടുത്തലുകള്‍ അടക്കമുള്ളവയുടെ പശ്ചാത്തലത്തിലാണ് പരിശോധന.