ഇടുക്കിയില്‍ സ്വത്ത് തര്‍ക്കത്തിനിടെ സഹോദരന്റെ വെട്ടേറ്റ് ഗൃഹനാഥന്‍ കൊല്ലപ്പെട്ടു. ഇടുക്കി ശാന്തന്‍പാറ സ്വദേശി റെജിമോനാണ് മരണപ്പെട്ടത്. തര്‍ക്കത്തിനിടെ ഉണ്ടായ സംഘര്‍ഷത്തില്‍ റെജിമോന്റെ മരുമകനായ സ്റ്റെബിനും പരിക്കേറ്റിട്ടുണ്ട്. റെജിമോന്റെ സഹോദരന്‍ സജീവന്‍, മരുമകന്‍ ശ്യാം എന്നിവരാണ് വെട്ടിയത്.

തര്‍ക്കത്തിനിടെ പ്രകോപിതരായ ഇവര്‍ റെജിയെ വെട്ടുകയായിരുന്നു. ഇവര്‍ക്കെതിരെ ശാന്തന്‍പാറ പൊലീസ് കേസ് രജിസ്റ്റര്‍ ചെയ്തിട്ടുണ്ട്. പൊലീസ് കസ്റ്റഡിയിലാണ് ഇരുവരും.