പോലീസിന് കട്ട പിന്തുണ... മാവോയിസ്റ്റുകാരെ കാട്ടിലും നാട്ടിലും കയറി പോലീസ് പൊക്കുമ്പോള് ആഞ്ഞടിച്ച് കേന്ദ്രമന്ത്രി വി. മുരളീധരന്; പാര്ലമെന്റ് പാസാക്കിയ യുഎപിഎ നിയമത്തെ കരിനിയമമെന്ന് പരിഹസിക്കുന്ന ജനാധിപത്യ വിരുദ്ധരാണോ കേരളം ഭരിക്കുന്നത്?
മാവോയിസ്റ്റ് ബന്ധവും പോലീസിന്റെ നടപടികളും കേരളം സജീവമായി ചര്ച്ച നടത്തുകയാണ്. അതിനിടെ മാവോയിസ്റ്റ് ബന്ധം ആരോപിച്ച് രണ്ട് സിപിഎം പ്രവര്ത്തകരെ അറസ്റ്റ് ചെയ്തതില് പോലീസിനെ പിന്തുണച്ച് കേന്ദ്രമന്ത്രി വി. മുരളീധരന് രംഗത്തെത്തി. പാര്ലമെന്റ് പാസാക്കിയ യുഎപിഎ നിയമത്തെ കരിനിയമമെന്ന് പരിഹസിക്കുന്ന ജനാധിപത്യ വിരുദ്ധരാണോ കേരളം ഭരിക്കുന്നതെന്ന് അദ്ദേഹം ചോദിക്കുന്നു. രാജ്യ താത്പര്യത്തിനെതിരെ പ്രവര്ത്തിക്കുന്നവര് കമ്യൂണിസ്റ്റ് പാര്ട്ടിയിലാണുള്ളതെന്ന് അടിവരയിട്ട് ഉറപ്പിക്കുകയാണ് പന്തീരാങ്കാവിലെ സി പി എം പ്രവര്ത്തകരുടെ അറസ്റ്റെന്നും അദ്ദേഹം ഫെയ്സ്ബുക്ക് പോസ്റ്റില് പറയുന്നു. മാവോയിസ്റ്റുകളെ തേടി കാടുകയറേണ്ട, അവര് കമ്മ്യൂണിസ്റ്റ് കൂടാരത്തില് തന്നെയുണ്ടെന്നും അദ്ദേഹം കുറ്റപ്പെടുത്തുന്നു. വലിയ കൈയ്യടിയാണ് സോഷ്യല് മീഡിയ വി. മുരളീധരന്റെ ചോദ്യത്തെ വരവേല്ക്കുന്നത്.
വി. മുരളീധരന്റെ ഫേസ്ബുക്ക് പോസ്റ്റ് ഇങ്ങനെയാണ്
ഭരണഘടനയനുസരിച്ച് പാര്ലമെന്റ് പാസാക്കിയ യുഎപിഎ നിയമത്തെ കരിനിയമമെന്ന് പരിഹസിക്കുന്ന ജനാധിപത്യവിരുദ്ധരാണോ കേരളം ഭരിക്കുന്നത് കേന്ദ്ര സര്ക്കാരിനെ യുഎപിഎ ചുമത്തിയതിന്റെ പേരില് ആക്രമിക്കുന്ന പിണറായിക്ക് ഇപ്പോള് സ്വന്തം മുന്നണിക്കു മുന്നില് പോലും ഉത്തരം മുട്ടിയിരിക്കുന്നു. രാജ്യ താത്പര്യത്തിനെതിരെ പ്രവര്ത്തിക്കുന്നവര് കമ്യൂണിസ്റ്റ് പാര്ട്ടിയിലാണുള്ളതെന്ന് അടിവരയിട്ട് ഉറപ്പിക്കുകയാണ് പന്തീരങ്കാവിലെ സി പി എം പ്രവര്ത്തകരുടെ അറസ്റ്റ്.
യുഎപിഎ ചുമത്താന് തെളിവുള്ളതു കൊണ്ടാണ് സിപിഎമ്മുകാരായ പ്രതികള്ക്കെതിരെ കുറ്റം ചുമത്തിയതെന്ന് ഇന്ന് ഐജി പറഞ്ഞതിനെ അവിശ്വസിക്കാന് തത്കാലം നിര്വ്വാഹമില്ല. പക്ഷേ, സത്യം തിരിച്ചറിയാനും അംഗീകരിക്കാനും പിണറായിയും ഇടത് ബുദ്ധിരാക്ഷസന്മാരും തയ്യാറാകുമെന്ന ശുഭാപ്തി വിശ്വാസമൊന്നും എനിക്കില്ല.
യുഎപിഎ കേസില് കുറ്റപത്രം സമര്പ്പിക്കും മുമ്ബ് പ്രോസിക്യൂഷന് അനുമതി നല്കാതിരിക്കുകയെന്ന കുബുദ്ധിയാണ് ഇപ്പോള് ആലോചനയിലെന്ന് കേള്ക്കുന്നു. ഇടത് സര്ക്കാരിന്റെ നയത്തിനനുസരിച്ച് പൊലീസിനെ ചങ്ങലയിലാക്കി ഈ കേസ് തേച്ചുമാച്ച് കളയുകയുമാകാം. ഏതായാലും, വേട്ടയ്ക്കിറങ്ങിയ പിണറായി വിജയന്, മാവോയിസ്റ്റുകള്ക്ക് ഒത്താശ ചെയ്യുന്നത് സ്വന്തം പാര്ട്ടിക്കാര് തന്നെയെന്നുള്ള തിരിച്ചറിവുണ്ടായാല് നല്ലത്. എന്നാണ് വി. മുരളീധരന്റെ പോസ്റ്റില് പറയുന്നത്.
അതേസമയം മാവോയിസ്റ്റ് ബന്ധത്തില് യുഎപിഎ ചുമത്തി സിപിഎം പ്രവര്ത്തകരെ അറസ്റ്റ് ചെയ്ത നടപടിയെ ന്യായീകരിച്ച് വീണ്ടും പോലീസ് രംഗത്തെത്തി. യുവാക്കളുടെ അറസ്റ്റ് വ്യക്തമായ തെളിവുകളുടെ അടിസ്ഥാനത്തിലാണെന്നും കഴിഞ്ഞ കുറച്ചു നാളുകളായി ഇവരുടെ പ്രവര്ത്തനം നിരീക്ഷിച്ചു വരികയായിരുന്നുവെന്നും പോലീസ് വിശദമാക്കി.
കാട്ടില് തോക്കേന്തി നടക്കുന്ന മാവോയിസ്റ്റുകളല്ല അറസ്റ്റിലായത്. നഗരത്തില് മാവോയിസ്റ്റ് പ്രവര്ത്തനം നടത്തി ആശയം പ്രചരിപ്പിക്കാന് ശ്രമിച്ചവരാണ് ഇവര്. കാട്ടിലെ മാവോയിസ്റ്റുകളുടെ കണ്ണിയായി ഇവര് പ്രവര്ത്തിച്ചിരുന്നുവെന്നും പോലീസ് വ്യക്തമാക്കി.
പോലീസിന്റെ അടുത്തുനിന്ന് ഓടി രക്ഷപ്പെട്ട മൂന്നാമത്തെയാള് കോഴിക്കോട് സ്വദേശിയാണ്. ഇയാളെക്കുറിച്ച് വ്യക്തമായ വിവരം ലഭിച്ചിട്ടുണ്ട്. കൂടുതല് പേര് നിരീക്ഷണത്തിലുണ്ടെന്നുമാണ് വിവരം. യുഎപിഎ ചുമത്തി അറസ്റ്റു ചെയ്തതിനെതിരേ വ്യാപക വിമര്ശനം ഉയര്ന്നതിനു പിന്നാലെയാണ് പോലീസ് വിശദീകരണവുമായി രംഗത്തെത്തിയത്.
https://www.facebook.com/Malayalivartha
