റോയ് തോമസിന്റെ മദ്യപാനം ജോളിയുമായുള്ള അടുപ്പത്തിന് അവസരമൊരുക്കി; അടുത്തുകഴിഞ്ഞപ്പോൾ പിരിയാന് കഴിയാത്ത ഒരുതരം മാസ്മരികത ജോളിയിലുണ്ടായിരുന്നു: എല്ലാവിധത്തിലും രഹസ്യമായി ഭാര്യാഭർത്താക്കന്മാരെപ്പോലെ ഞങ്ങൾ കഴിഞ്ഞു; ജോളി അകന്നുപോവുമെന്ന് കരുതി എല്ലാം ഉള്ളിലൊതുക്കി: ജോളിയെ കുരുക്കി ഷാജിയുടെ മൊഴി
കൂടത്തായി കൊലപാതക പരമ്പരയിൽ ജോളിയാമ്മ ജോസഫിലെ കുറ്റവാസന സ്ഥിരീകരിക്കുന്ന മൊഴിയുമായി ഷാജി. ജോളിയെ ഭയപ്പെട്ടിരുന്നതായി രണ്ടാംപ്രതി മഞ്ചാടിയില് സാമുവല് മാത്യു എന്ന ഷാജി അന്വേഷണ സംഘത്തിന് മൊഴി നൽകി. ജോളി അകന്നുപോവുമെന്ന് കരുതി എല്ലാം ഉള്ളിലൊതുക്കി. പക്ഷെ ജോളിയിലെ ക്രിമിനല് പശ്ചാത്തലത്തെ കുറിച്ച് സംശയം തോന്നിയത് മുതല് ഭയമായിരുന്നു. ഇക്കാര്യം ആരോടും തുറന്നുപറയാന് കഴിഞ്ഞിരുന്നില്ലെന്നും മാത്യു മൊഴി നൽകി. റോയിയുമായി വിവാഹം കഴിഞ്ഞ് ജോളി കൂടത്തായിയില് എത്തി അധികം വൈകാതെ തന്നെ ഇരുവരും തമ്മിൽ അടുത്തു. എല്ലാതരത്തിലും വളരെ അടുത്ത ബന്ധമായിരുന്നു. അടുത്താല് പിരിയാന് കഴിയാത്ത ഒരുതരം മാസ്മരികത ജോളിയിലുണ്ടെന്നും മാത്യു പറഞ്ഞു. ആല്ഫൈന് വധകേസ് അന്വേഷിക്കുന്ന തിരുവമ്പാടി ഇന്സ്പെക്ടര് ഷജു ജോസഫിന്റെ നേതൃത്വത്തിലാണ് മാത്യുവിന്റെ മൊഴിയെടുത്തത്.
ഞങ്ങള് ഭാര്യാ-ഭര്ത്താക്കന്മാരെപോലെയാണ് കഴിഞ്ഞതെങ്കിലും എല്ലാം രഹസ്യമായായിരുന്നു. റോയ്തോമസിന്റെ മരണത്തിന് മുമ്പേ തന്നെ ജോളിയുമായി അടുത്തിരുന്നു. ബന്ധുക്കളായതിനാല് വീട്ടില് സന്ദര്ശിക്കുന്നതിലും ജോളിയുമായി ഇടപഴകുന്നതിലും ആര്ക്കും സംശയം തോന്നിയിരുന്നില്ല. അതിനാല് ബന്ധം തുടരാന് സാധിച്ചു. ജോളിയുടെ ഭര്ത്താവ് റോയ് തോമസിന്റെ മദ്യപാനവും ജോളിയുമായുള്ള അടുപ്പത്തിന് അവസരമൊരുക്കി. അക്കാലത്താണ് റോയ്തോമസിന്റെ പിതാവ് ടോംതോമസ് 2008 ഓഗസ്റ്റ് 26ന് മരിക്കുന്നത്. മരിക്കുന്നതിന് കുറച്ച് ദിവസം മുമ്പ് ജോളി എന്നോട് സയനൈഡ് വാങ്ങിയിരുന്നു. നായയേയും എലിയേയും കൊല്ലാനാണെന്ന് പറഞ്ഞായിരുന്നു സയനൈഡ് വാങ്ങിയിരുന്നത്- ഒരു ഓൺലൈൻ മാധ്യമമാണ് ഇത് സംബന്ധിച്ച മൊഴി പുറത്ത് വിട്ടത്.
മരണശേഷം പൊന്നാമറ്റത്തെ വീട്ടില് നിത്യസന്ദര്ശകനായി. ജോളിയുമായുള്ള ബന്ധത്തില് റോയിക്ക് കാര്യമായ എതിര്പ്പില്ലായിരുന്നു. റോയ് ദാമ്പത്യ വിഷയത്തില് പരാജയമാണെന്നു പറഞ്ഞ് എന്നോട് കൂടുതല് അടുത്തു. പരസ്പരം പിരിയാന് വയ്യാത്ത അടുപ്പമുണ്ടായി. അതിനിടെ റോയ് തോമസും മരിച്ചു. ടോം തോമസിനു പിന്നാലെ റോയിയും മരിച്ചപ്പോള് ജോളി കൊലപ്പെടുത്തിയതാവാമെന്ന് സംശയിച്ചു. പോസ്റ്റ്മോര്ട്ടം റിപ്പോര്ട്ട് ലഭിച്ചതോടെ ജോളി തന്നെയാണ് കൊലപാതകങ്ങള് നടത്തിയതെന്ന് ഉറപ്പിച്ചു. പുറത്താരോടും പറയാതിരുന്നത് ജോളിയെ നഷ്ടപ്പെടരുതെന്നു കരുതിയാണ്. എന്നാല് ഒരിക്കല് പോലും ഇക്കാര്യം ജോളിയോട് ചോദിച്ചിരുന്നില്ല. കൊലപ്പെടുത്തിയതാണെന്ന വിവരം താന് മനസിലാക്കിയെന്നറിഞ്ഞാല് തന്റെ ജീവനും അപകടത്തിലാവുമെന്ന് കരുതി-മാത്യു പറയുന്നു.
വീണ്ടും കുടുംബത്തില് ഒരു മരണം കൂടിയുണ്ടായി. തന്റെ പിതൃസഹോദരനായ മഞ്ചാടിയില് മാത്യുവിനേയും സയനൈഡ് നല്കി ജോളി കൊലപ്പെടുത്തിയതാണെന്ന് ബോധ്യമായി. വിമുക്ത ഭടനായ മഞ്ചാടിയില് മാത്യു തങ്ങളുടെ സ്വൈര്യവിഹാരത്തിന് എതിരുനിന്ന ആളാണ്. അതിനിടെയാണ് ഷാജുവിനെ വിവാഹം ചെയ്യുന്നത്. എന്നിട്ടും താനുമായി ബന്ധം തുടര്ന്നു. ഇതിനിടെ ജോളി വീണ്ടും സയനൈഡ് ആവശ്യപ്പെട്ടപ്പോള് അത് സംഘടിപ്പിച്ചുനല്കി. ജോളിയിലെ വശ്യതമൂലം എതിര്ത്തുപറയാന് തനിക്കു കഴിയുമായിരുന്നില്ലെന്നും മാത്യു പൊലീസിനോടു പറഞ്ഞു.
https://www.facebook.com/Malayalivartha
