സത്യത്തിലാരും തിരിച്ചറിഞ്ഞില്ല... പിണറായിയെ പേടിച്ച് പറഞ്ഞ വാക്കുകള് നിമിഷങ്ങള്ക്കുളളില് മാറ്റി മറിയ്ക്കുമെങ്കിലും തിരുവിതാംകൂര് ദേവസ്വം ബോര്ഡ് പ്രസിഡന്റ് എ പദ്മകുമാര് യഥാര്ത്ഥത്തില് ശബരിമലയെ കാത്തു; ഓരോ തവണ യുവതികള് മല കയറിയപ്പോഴും തിറിച്ചിറക്കാന് പ്രയത്നിച്ചു; ഒപ്പം കയറിക്കഴിഞ്ഞപ്പോഴോ..
തിരുവിതാംകൂര് ദേവസ്വം ബോര്ഡ് പ്രസിഡന്റ് എ പദ്മകുമാര് പടിയിറങ്ങുകയാണ്. അതും ശബരിമല വിധി വരുന്ന ദിവസം. കഴിഞ്ഞ വര്ഷം ശബരിമല വിധി വന്നപ്പോള് ബോര്ഡ് പ്രസിഡന്റെന്ന നിലയില് ഏറെ വിമര്ശനം കേട്ടയാണ് പദ്മകുമാര്. ഭക്തര്ക്ക് അനുകൂലമാണ് താനെന്നും തന്റെ കുടുംബം ഉത്തമ അയ്യപ്പ വിശ്വാസികളാണെന്നും വരെ പദ്മകുമാര് പറഞ്ഞിരുന്നു. എന്നാല് പാര്ട്ടിയില് നിന്നും ശക്തമായ എതിര്പ്പ് വന്നതോടെ പദ്മകുമാര് നിലപാട് മാറ്റുകയായിരുന്നു. പലപ്പോഴും നിന്ന നില്പില് കാലുമാറുന്ന ആളുമായി പദ്മകുമാര് വ്യാഖ്യാനിക്കപ്പെട്ടു.
പക്ഷെ സ്ഥാനമൊഴിയുന്ന പദ്മകുമാര് തന്റെ നയം ഒളിച്ചാണെങ്കിലും തുറന്ന് പറയുന്നു. താന് കാരണമാണ് ശബരിമലയില് രക്തച്ചൊരിച്ചില് ഒഴിവാക്കിയത്. എന്നും ഭക്തര്ക്ക് അനുകൂലമായ നിലപാടാണ് സ്വീകരിച്ചത്. അതേസമയം ഇനിയെന്തെന്ന ആശ്ചര്യവും പദ്മകുമാര് പങ്കുവയ്ക്കുന്നു. എല്ലാവരും സംയമനത്തോടെ വിധിയെ അംഗീകരിക്കണമെന്നാണ് അദ്ദേഹം ആവശ്യപ്പെടുന്നത്.
ശരിക്കും പറഞ്ഞാല് ആ രക്തച്ചൊരിച്ചില് ഒഴിവാക്കാന് പദ്മകുമാര് ശ്രമം നടത്തിയിരുന്നു എന്നു വേണം കരുതാന്. അല്ലെങ്കില് യുവതികള് കയറിയാല് നട അടച്ചിടുമെന്ന് തന്ത്രിയ്ക്ക് എങ്ങനെ പറയാന് പറ്റും. പദ്മകുമാറിന്റെ മൗനാനുവാദമാണ് ഇതിന് പിന്നില്. അല്ലെങ്കില് രഹ്ന ഫാത്തിമയും മറ്റും കയറി രക്തം ചിന്തിയേനെ.
അവസാനം പദ്മകുമാറിനെ പറ്റിച്ച് രാത്രിയുടെ മറവില് ബിന്ദുവിനേയും കനക ദുര്ഗയേയും കയറ്റിയപ്പോഴും പദ്മകുമാറിന്റെ സമ്മതത്തോടെ ശുദ്ധി കലശം ചെയ്ത് ആ രക്തച്ചൊരിച്ചിലും ഇല്ലാതാക്കി.
അതേസമയം ശബരിമല വിഷയത്തില് നിന്ന നില്പ്പില് കാലുമാറുന്ന ആളായാണ് എ. പദ്മകുമാറിനെ വിശ്വാസികള് കണ്ടത്. അയ്യപ്പന്റെ ലക്ഷക്കണക്കിന് രൂപവച്ച് വക്കീലിനെ വച്ചിട്ട് അയ്യപ്പനെതിരെ വാദിക്കുന്ന ഒരു ദേവസ്വം ബോര്ഡ് ചരിത്രത്തിലാദ്യമാണെന്ന വിമര്ശനമാണ് വന്നത്. ശബരിമല കോടതി വിധി വന്നതോടെ ദേവസ്വം ബോര്ഡ് എന്തുകൊണ്ട് പുനപരിശോധന ഹര്ജി നല്കിയില്ല എന്ന് ഭക്തര് ചോദിച്ചിരുന്നു. പദ്മകുമാറും അത് ശക്തമായി ഉന്നയിച്ചു. എന്നാല് മുഖ്യമന്ത്രി കണ്ണുരുട്ടിയതോടെ നിലപാട് മാറ്റി. അവസാനം ഭക്തരോഷം ശക്തമായതോടെ ദേവസ്വം ബോര്ഡ് പുന പരിശോധന ഹര്ജി നല്കിയെന്നാണ് പദ്മകുമാര് പറഞ്ഞത്. പത്രക്കാര് എടുത്ത് ചോദിച്ചപ്പോള് നല്കിയത് സാവകാശ ഹര്ജിയാണെന്നും സാവകാശ ഹര്ജി സാവകാശമെടുക്കാനുള്ള ഹര്ജിയല്ലേയെന്നും പറഞ്ഞ് പത്മകുമാര് ചിരിച്ചു. എന്നാല് ആ ചിരി കൊലച്ചിരിയാണെന്ന് ആരം കരുതിയില്ല. പിണറായിയുടെ പേടിപ്പെടുത്തലില് പെട്ടുഴലുന്ന വെറുമൊരു ഭക്തന് എന്നാണ് ജനം കരുതിയത്.
എന്നാല് സുപ്രീം കോടതിയില് പരസ്യ വാദമായതോടെ പദ്മകുമാര് ഭക്തരെ ശരിക്കും പറ്റിയ്ക്കുകയാണെന്ന് മനസിലാക്കി. തങ്ങളിട്ട കാണിക്കയാണല്ലോ എടുത്ത് തങ്ങള്ക്ക് നേരെ വാദിച്ചതെന്നാണ് ഭക്തര് പറയുന്നത്. അതിനാല് തന്നെ പദ്മകുമാറിനും ദേവസ്വം ബോര്ഡിനുമെതിരെ പ്രക്ഷോഭം ശക്തമാക്കി.
ശബരിമല കേസില് ഭക്തരെ കൈവിട്ട് സുപ്രീം കോടതിയില് തിരുവിതാംകൂര് ദേവസ്വം ബോര്ഡ് അക്ഷരാര്ത്ഥത്തിലാണ് മലക്കംമറിച്ചില് നടത്തിയത്. യുവതീപ്രവേശനം പ്രതിഷ്ഠാ സങ്കല്പ്പത്തിനു വിരുദ്ധമെന്ന വാദത്തില്നിന്നു പിന്മാറിയ ബോര്ഡ്, പ്രായഭേദമെന്യേ സ്ത്രീപ്രവേശനം അനുവദിക്കണമെന്ന സര്ക്കാര് നിലപാടിനു കീഴടങ്ങി എന്ന വിവാദമാണ് ഉയര്ന്നത്.
"
https://www.facebook.com/Malayalivartha