പ്രധാനമന്ത്രിയ്ക്ക് മറുപടിയുമായി മുഖ്യമന്ത്രി പിണറായി വിജയന്; ജാതിയും മതവുമല്ല പദ്ധതികള് നടപ്പാക്കുന്നതിന്റെ മാനദണ്ഡമെന്നു പറയുന്ന പ്രധാനമന്ത്രി നരേന്ദ്ര മോഡി അത് പ്രവൃത്തിയിലാണ് തെളിയിക്കേണ്ടതെന്ന് മുഖ്യമന്ത്രി
ജാതിയും മതവുമല്ല പദ്ധതികള് നടപ്പാക്കുന്നതിന്റെ മാനദണ്ഡമെന്നു പറയുന്ന പ്രധാനമന്ത്രി നരേന്ദ്ര മോഡി അത് പ്രവൃത്തിയിലാണ് തെളിയിക്കേണ്ടതെന്ന് മുഖ്യമന്ത്രി പിണറായി വിജയന്. പൗരത്വനിയമത്തില് നിന്നും വിട്ടുവീഴ്ചയില്ലെന്നും പ്രതിപക്ഷം വ്യാജപ്രചാരണം നടത്തുകയാണെന്നും വ്യക്തമാക്കിയ പ്രധാനമന്ത്രിയ്ക്ക് മറുപടി നല്കിയിരിക്കുകയാണ് മുഖ്യമന്ത്രി പിണറായി വിജയന്. വര്ഗീയ നീക്കങ്ങളെ കുറിച്ച് ജനങ്ങള് ചോദ്യങ്ങള് ഉന്നയിക്കുമ്ബോള് വസ്തുനിഷ്ഠമായ മറുപടികള്ക്ക് പകരം വികാരപ്രകടനം കൊണ്ട് നേരിടാമെന്നത് ആശാസ്യമായ രീതിയല്ല. നോട്ട് നിരോധനകാലത്തു അമ്ബതു ദിവസം തരൂ എന്ന് പ്രസംഗിച്ച പ്രധാനമന്ത്രി പിന്നീട് അക്കാര്യം മിണ്ടിയിട്ടില്ല. അന്നത്തെ അതേ വികാരപ്രകടനമാണ് ഇപ്പോഴും കാണുന്നതെന്നും മുഖ്യമന്ത്രി ഫേസ്ബുക്കില് കുറിച്ചു. മതം നോക്കിയല്ല സര്ക്കാര് വികസനം നടത്തുന്നതെന്ന് ഡല്ഹി രാംലീല മൈതാനിയില് സംഘടിപ്പിച്ച റാലിയില് പ്രധാനമന്ത്രി മോഡി പറഞ്ഞിരുന്നു. ജനങ്ങളുടെ ജാതിയോ മതമോ ഞങ്ങള് ഒരിക്കലും ചോദിച്ചിട്ടില്ല. ജനങ്ങളുടെ ദാരിദ്ര്യം ഇല്ലാതാക്കുക മാത്രമായിരുന്നു സര്ക്കാരിന്റെ ലക്ഷ്യം. നിയമഭേദഗതി രാജ്യത്തെ ഒരാളുടെയും പൗരത്വം എടുത്തുകളയാനല്ല. അഭയാര്ഥികള്ക്ക് പൗരത്വം നല്കാനാണ്. നിയമം നടപ്പിലാക്കുന്നതില് നിന്ന് സംസ്ഥാനങ്ങള്ക്ക് പിന്മാറാനാവില്ലെന്നും മോഡി പറഞ്ഞിരുന്നു. ഇതിനു മറുപടിയുമായാണ് പിണറായി രംഗത്തെത്തിയത്.'ജാതിയും മതവുമല്ല പദ്ധതികള് നടപ്പാക്കുന്നതിന്റെ മാനദണ്ഡമെന്നു പറയുന്ന പ്രധാനമന്ത്രി നരേന്ദ്രമോദി അത് പ്രവൃത്തിയിലാണ് തെളിയിക്കേണ്ടത്. ജനങ്ങളെ മതാടിസ്ഥാനത്തില് വിഭജിക്കുന്ന ഭരണഘടനാ വിരുദ്ധവും ജനാധിപത്യ വിരുദ്ധവുമായ നീക്കങ്ങള്ക്കെതിരെയാണ് രാജ്യത്തു പ്രതിഷേധം അലയടിക്കുന്നത്. ഇന്ത്യന് പൗരത്വം നിര്ണ്ണയിക്കുമ്ബോള് ഒരു മതം എങ്ങനെ അയോഗ്യമാകുന്നു എന്ന ജനങ്ങളുടെ ചോദ്യത്തിനാണ് ഉത്തരം വേണ്ടത്. തെറ്റായ സമീപനത്തെയും വര്ഗീയ നീക്കങ്ങളെയും കുറിച്ച് ജനങ്ങള് ചോദ്യങ്ങള് ഉന്നയിക്കുമ്ബോള് വസ്തുനിഷ്ഠമായ മറുപടികള്ക്ക് പകരം വികാരപ്രകടനം കൊണ്ട് നേരിടാമെന്നത് ആശാസ്യമായ രീതിയല്ല. പൗരത്വ ഭേദഗതി നിയമത്തെയും ദേശീയ പൗരത്വ രജിസ്റ്ററിനെയും കുറിച്ച് ആഭ്യന്തര മന്ത്രി അമിത് ഷാ പറഞ്ഞ കാര്യങ്ങള് മൂടിവെക്കാന് എന്തിനു ശ്രമിക്കുന്നു? ഇന്ത്യന് ഭരണഘടനയെയും അതിന്റെ അടിസ്ഥാന തത്വങ്ങളെയും സംരക്ഷിക്കാനുള്ള പ്രതിജ്ഞാ ബദ്ധത രാജ്യത്തെ ഭൂരിപക്ഷം ജനങ്ങളും നെഞ്ചേറ്റുകയാണ്. ആ വികാരത്തെ കുറച്ചുകാണരുത്; തെറ്റായി ചിത്രീകരിക്കുകയുമരുത്. നോട്ട് നിരോധനകാലത്തു അമ്ബതു ദിവസം തരൂ എന്ന് പ്രസംഗിച്ച പ്രധാനമന്ത്രി പിന്നീട് അക്കാര്യം മിണ്ടിയിട്ടില്ല. അന്നത്തെ അതേ വികാരപ്രകടനമാണ് ഇപ്പോഴും കാണുന്നത്. കള്ളനോട്ട്, കള്ളപ്പണം, ഭീകരത എന്നായിരുന്നു നോട്ട് നിരോധനത്തെ ന്യായീകരിക്കാന് നിരത്തിയ പ്രതീകങ്ങള്. അവയുടെ ഇന്നത്തെ അവസ്ഥ എന്തായി എന്ന് കൂടി പ്രധാനമന്ത്രിയില് നിന്ന് കേള്ക്കാന് ജനങ്ങള് ആഗ്രഹിക്കുന്നു'.
https://www.facebook.com/Malayalivartha
