കൊറോണ പേടിക്കിടയില്‍ നടന്ന ബിഗ് ബോസില്‍ ചര്‍ച്ചയായത് ഡോ. രജിത് കുമാറാണ്. ഡോ. രജിത് കുമാറിനെതിരെ ബിഗ് ബോസില്‍നിന്ന് പുറത്താക്കിയതില്‍ പ്രതികരണവുമായി നടനും സംവിധായകനുമായ സന്തോഷ് പണ്ഡിറ്റും രംഗത്തെത്തി. ഫേസ്ബുക്ക് പോസ്റ്റിലൂടെയാണ് അദ്ദേഹത്തിന്റെ പ്രതികരണം. ഒരു അധ്യാപകനെ ഇങ്ങനെ പ്രേക്ഷകരുടെ മുമ്ബില് തേജോവധം ചെയ്യണ്ടിയിരുന്നില്ല എന്ന് പണ്ഡിറ്റ് വ്യക്തമാക്കി. സാറിനെ ഇടിച്ചവനെ ടാസ്‌കിന്‌ടെ ഭാഗമെന്നും പറഞ്ഞ് വെറുതെ വിട്ടു, രണ്ടാമത് കൈ ഒടിയാന്‍ കാരണമായവരെ ടാസ്‌കിന്റെ ഭാഗമാണെന്ന രീതിയില്‍ വെറുതെ വിട്ടു. എന്നാല്‍ സാറിന്റെ ഭാഗത്ത് നിന്ന് ഒരു തെറ്റു സംഭവിച്ചപ്പോള്‍ ഉടനെ പറഞ്ഞ് വിട്ടു. അപ്പോള്‍ ടാസ്‌കിന്റെ ഭാഗമെന്ന നീതി കിട്ടിയില്ലെന്നും അദ്ദേഹം കൂട്ടിച്ചേര്‍ക്കുന്നു.

സന്തോഷ് പണ്ടിറ്റിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം

പണ്ഡിറ്റിന്‌ടെ 'ബിഗ് ബോസ്സ്' നിരീക്ഷണം..
പാവം ഡോ. രജിത് സാര്‍ പരിപാടിയില് നിന്നും ഔട്ടായതില് വിഷമം ഉണ്ടേ. ഇത്തവണത്തെ വിന്നര്‍ ആകുമെന്നും flat അദ്ദേഹം തന്നെ നേടുമെന്നാണ് കരുതിയത്. പക്ഷേ ..

സാറിനെ ഇടിച്ചവനെ ടാസ്‌കിന്‌ടെ ഭാഗമെന്നും പറഞ്ഞ് വെറുതെ വിട്ടു, രണ്ടാമത് കൈ ഒടിയാന്‍ കാരണമായവരെ ടാസ്‌കിന്‌ടെ ഭാഗമാണെന്ന രീതിയില് വെറുതെ വിട്ടു. എന്നാല് സാറിന്‌ടെ ഭാഗത്ത് നിന്ന് ഒരു തെറ്റു സംഭവിച്ചപ്പോള് ഉടനെ പറഞ്ഞ് വിട്ടു. അപ്പോള് ടാസ്‌കിന്‌ടെ ഭാഗമെന്ന നീതി കിട്ടിയില്ല.

രജിത് സര്‍ നു എന്തെല്ലാം പരുക്കുകള്‍ പറ്റിയതാണെന്ന് കൂടി ഓര്‍ക്കണമായിരുന്നു.

ഒരു അധ്യാപകനെ ഇങ്ങനെ പ്രേക്ഷകരുടെ മുമ്ബില് തേജോവധം ചെയ്യണ്ടിയിരുന്നില്ല. ഈ വിഷയം ഇങ്ങനെ ഊതി വീര്‍പ്പിച്ചു അയാളെ അപമാനിച്ചു നാണം കെടുത്തേണ്ടിയിരുന്നില്ല.

(വാല് കഷ്ണം..അകത്തായാലും, പുറത്തായാലും രജിത് സാറിന് കട്ട സപ്പോര്‍ട്ട്. ഒരേ ഒരു രാജാവ് രജിത് സാര്‍ ആണേ.. ഞാനിതു വരെ അദ്ദേഹത്തെ കണ്ടിട്ടില്ല. ഉടനെ കാണണമെന്ന് ആഗ്രഹിക്കുന്നു.

നിങ്ങള്‍ കയറിക്കൂടിയത് കോടിക്കണക്കിനു വരുന്ന മലയാളികളുടെ ഹൃദയത്തിലാണ്. നിങ്ങള്‍ എവിടെയും തോല്‍ക്കുന്നില്ല സാര്‍)

ഇങ്ങനെയാണ് സന്തോഷ് പണ്ഡിറ്റിന്റെ വാക്കുകള്‍ പോകുന്നത്. ബിഗ് ബോസ് മലയാളം പ്രേക്ഷകര്‍ക്കിടയില്‍ കഴിഞ്ഞ ദിവസങ്ങളിലെ ഏറ്റവും വലിയ ചര്‍ച്ചയായിരുന്നു വീക്ക്‌ലി ടാസ്‌കിനിടെ രജിത് കുമാര്‍ ചെയ്ത പ്രവര്‍ത്തി. ഉടന്‍തന്നെ ബിഗ് ബോസ് താല്‍ക്കാലികമായി പുറക്കാത്തിയ രജിത് കുമാര്‍ ഷോയിലേക്ക് തിരിച്ചെത്തുമോ എന്നതായിരുന്നു പ്രേക്ഷകര്‍ക്കിടയില്‍ കഴിഞ്ഞ ദിവസങ്ങളിലെ ഏറ്റവും വലിയ സംസാരവിഷയം. മോഹന്‍ലാല്‍ എത്തിയ എപ്പോസോഡില്‍ ഇക്കാര്യം അദ്ദേഹം രജിത്തിനോട് സംസാരിച്ചു. ചോദ്യങ്ങള്‍ ചോദിക്കുകയും രജിത്തിന് വിശദീകരിക്കാന്‍ അവസരം കൊടുക്കുകയും ചെയ്തു.

അദ്ധ്യാപകനായ രജിത് ഒരിക്കലും ഇത്തരമൊരു പ്രവര്‍ത്തി ചെയ്യില്ല എന്നായിരുന്നു രജിത്തിന്റെ ആദ്യ മറുപടി. എന്നാല്‍ ചോദ്യത്തിന് മാത്രം മറുപടി പറഞ്ഞാല്‍ മതിയെന്നായിരുന്നു മോഹന്‍ലാലിന്റെ പ്രതികരണം. തുടര്‍ന്ന് രജിത് തന്റെ ഭാഗം പറയാന്‍ ആരംഭിച്ചു. വികൃതിയായ വിദ്യാര്‍ത്ഥി എന്നതായിരുന്നു ബിഗ് ബോസ് തന്ന ടാസ്‌ക്. അതിന് പോയിന്റ് ഉണ്ടെന്ന് പറഞ്ഞപ്പോള്‍ കൂടുതല്‍ വികൃതി ആവുക എന്നതായിരുന്നു ലക്ഷ്യം. തന്ന കഥാപാത്രം ഏറ്റവും നന്നായി പ്രകടിപ്പിക്കാനുള്ള ശ്രമത്തിനിടയില്‍ എനിക്ക് പറ്റിയ തെറ്റാണ് അത്, രജിത് പറഞ്ഞു. രേഷ്മയുടെ കണ്ണിന് അസുഖമാണെന്ന് അറിയാമായിരുന്നിട്ടും അത്തരമൊരു പ്രവര്‍ത്തി നടത്തിയതിലെ അസ്വാഭാവികത മോഹന്‍ലാല്‍ ചൂണ്ടിക്കാട്ടി.

പശ്ചാത്താപമുണ്ടെന്ന് മാത്രമല്ല, രേഷമയെ കണ്ട് മാപ്പ് ചോദിച്ചിട്ട് പോകണമെന്ന് വിചാരിച്ചാണ് ഞാന്‍ നിന്നതെന്നായിരുന്നു രജിത്തിന്റെ മറുപടി. ഹൃദയത്തില്‍ നിന്നാണ് ലാലേട്ടാ. കഴിഞ്ഞ ഒരു അഞ്ച് ദിവസംകൊണ്ട് യഥാര്‍ഥത്തില്‍ പശ്ചാത്താപത്തിന്റെ അഗ്‌നിയില്‍ എരിയുകയായിരുന്നു. ദൈവത്തിനോട് പ്രാര്‍ത്ഥിച്ചിരുന്നു. മുളക് എന്ന് പറയുന്നത് വലിയ പ്രശ്‌നമുള്ള കാര്യമല്ലെന്ന് ബയോളജി പഠിപ്പിക്കുന്ന എനിക്ക് അറിയാവുന്ന കാര്യമാണ്. പക്ഷേ ആ കുട്ടിയുടെ കണ്ണ് പ്രശ്‌നമുള്ളതാണ്. പെണ്‍കുട്ടിയാണ്. ഒരിക്കലും ചെയ്യാന്‍ പാടുള്ളതല്ല. ആ കുട്ടിയോട് പറയാന്‍ വച്ചത് ഇത്രേയുള്ളൂ. നെഗറ്റീവ് ഒന്നും ഉണ്ടാവില്ല. ഇനി ഉണ്ടായാല്‍ എന്റെ രണ്ട് കണ്ണുകളും ആ കുട്ടിക്ക് ദാനം ചെയ്യാന്‍ ശങ്കര നേത്രാലയത്തില്‍ പോവാനും ഇരിക്കുകയായിരുന്നു. അറിഞ്ഞുകൊണ്ട് ചെയ്തതല്ല. ടാസ്‌ക് ഏറ്റവും നന്നാക്കുക എന്ന ഒറ്റ ലക്ഷ്യമേ എനിക്ക് ഉണ്ടായിരുന്നുള്ളൂ... ഇതാണ് മലയാളികള്‍ ഏറ്റെടുത്തത്.