31 ന് കോഴിക്കോടുനിന്ന സുരേന്ദ്രന് രണ്ടാംതിയതി തിരുവനന്തപുരത്ത്; പ്രധാനമന്ത്രിയെയും മുഖ്യമന്ത്രിയെയും വെല്ലുവിളിച്ച് ലോക്ക് ഡൗണ് പൊട്ടിച്ച് കെ സുരേന്ദ്രന്റെ യാത്ര;
രാജ്യം സമ്പൂര്ണ ലോക്ക് ഡൗണിലാണ്. പ്രധാനമന്ത്രി നരേന്ദ്രമോദിപോലും എല്ലാ പരിപാടികളും റദ്ദാക്കി ഔദ്യോഗിക വസതിയില് കഴിയുകയാണ്, ബിജെപിയുടെ കേന്ദ്രമന്ത്രിമാരെല്ലാം വീടുകളിലും ഔദ്യോഗിക വസതികളില് ലോക്ക് ഡൗണിലാണ്. ഇങ്ങു കേരളത്തില് പ്രതിപക്ഷ നേതാവ് രമേശ് ചെന്നിത്തല പോലും തിരുവനന്തപുരത്തെ വസതിയില് ലോക്ക് ഡൗണിലാണ് വാര്ത്താ സമ്മേളനങ്ങളെല്ലാം നടത്തുന്നതും അവിടെയാണ്. നിലവില് മുഖ്യമന്ത്രിയും പിണറായി വിജയനും ആരോഗ്യമന്ത്രിയും മാത്രമാണ് വാര്ത്താ സമ്മേളനത്തിലും സ്ഥിതിഗതികള് വിലയിരുത്താനുമായി ചെറിയ ചെറിയ യാത്രകള് നടത്തുന്നത് ഈ സാഹചര്യത്തില് നമ്മുടെ ബിജെപി സംസ്ഥാന അധ്യക്ഷന് കെ സുരേന്ദ്രന് മാത്രം എന്താ കൊമ്പുണ്ടോ എന്നാണ് ചോദ്യം. അദേഹം ലോക്ക് ഡൗണ് ഒന്നും കൂസാക്കാതെ കേരളം കറങ്ങുകയാണ് എന്നാണ് സോഷ്യല് മീഡിയ ചൂണ്ടിക്കാട്ടുന്നത്. സുരേന്ദ്രന് കേരളം മുഴുവന് ചുറ്റി വാര്ത്താ സമ്മേളനം നടത്തുന്നത് ആ ഫേസ്ബുക്ക് പരിശോധിച്ചാല് തന്നെ മനസ്സിലാകും.
ഇതാ നോക്കൂ...... കൃത്യം ഒരു ദിവസം മുമ്പ് 31 ാം തിയതി കോഴിക്കോട് കോഴിക്കോട് വാര്ത്താ സമ്മേളനം നടത്തിയ സുരേന്ദ്രന് ഇന്ന് എങ്ങനെയാണ് തിരുവനന്തരുരത്ത് വാര്ത്താ സമ്മേളനം നടത്തുന്നത്. സുരേന്ദ്രനെന്താ കുമ്പിടിയാണോ എന്നാണ് സോഷ്യല് മീഡിയ ചോദിക്കുന്നത്. നരേന്ദ്ര മോദി പറഞ്ഞത് നിങ്ങള് എവിടെയാണോ ഉള്ളത് അവിടെ ആയിരിക്കുകയെന്നാണ്, പ്രധാനമന്ത്രിയുടെ പാര്ട്ടിയിലെ തന്നെ കേരളത്തിലെ അധ്യക്ഷന് എന്തേ നാടു കറങ്ങിനടന്ന് പ്രധാനമന്ത്രിയെ തന്നെ വെല്ലുവിളിക്കുകയാണോ?
പിന്നെ മറ്റൊരുകാര്യം ഇത്രയും ദൂരം സുരേന്ദ്രന് സഞ്ചരിച്ചിട്ടും പുറത്തിറങ്ങുന്നവന്മാരുടെ ചന്തിയില് ഉറിയടി നടത്തുന്ന നമ്മുടെ പോലീസേമാന്മാരും ഇത് കണ്ടില്ലേ...... എന്തായാലും കണ്ടില്ലെങ്കില് പോട്ടെ, സുരേന്ദ്രന് ലോക്ക് ഡൗണില് വീട്ടിലിരിക്കുന്നില്ല എന്നുള്ളത് അദേഹത്തിന്റെ ഫേസ്ബുക്കില് നോക്കിയാല് തന്നെ മനസ്സിലാകും.
പ്രധാനമന്ത്രി ലോക്ക് ഡൗണുമായി ബന്ധപ്പെട്ട് പറഞ്ഞ ഉത്തരവുകള്ക്കാണ് സുരേന്ദ്രന് പുല്ലുവില കല്പ്പിച്ചിരിക്കുന്നത്. അതുകൊണ്ടുതന്നെ ഒരു കേസിനുള്ള വകുപ്പുകൂടിയുണ്ട്. ഔദ്യോഗിക ഉത്തരവുകള് അനുസരിക്കാതിരിക്കുന്നതായി കണ്ടെത്തുന്നവര്ക്കെതിരേ 188-ാം വകുപ്പ് പ്രകാരം കുറ്റം ചുമത്താമെന്നുള്ളതാണ്. അത് ഇനി വേണമോ വേണ്ടയോ എന്നുള്ളത് ഉദ്യോഗസ്ഥര്ക്കുതന്നെ തീരുമാനിക്കാം. ഇതിന് ശിക്ഷയുമുണ്ട് ആറുമാസം വരെ തടവോ 1000 രൂപ വരെ പിഴയോ ഇവ ഒരുമിച്ചോ ആണ് 188-ാം വകുപ്പ് പ്രകാരമുള്ള ശിക്ഷകള്. പ്രധാന മന്ത്രിയുടെ ഈ ഉത്തരവുകള് കുത്തിപ്പൊക്കി സുരേന്ദ്രനെതിരെ സോഷ്യല് മീഡിയയും രംഗത്തുണ്ട്.
എന്തായാലും കോവിഡ്-19 ഭീഷണിയെത്തുടര്ന്ന് രാജ്യത്ത് പ്രഖ്യാപിച്ച ലോക്ക്ഡൗണ് ലംഘിക്കുന്നത് ക്രിമിനല് കുറ്റമാണെന്ന് ആഭ്യന്തര മന്ത്രാലയം വ്യക്തമാക്കുന്നത്. ലോക്ക്ഡൗണ് സ്ഥിതിഗതികള് നിരീക്ഷിക്കാനാവശ്യപ്പെട്ട് സംസ്ഥാന സര്ക്കാരുകള്ക്ക് കേന്ദ്ര ആഭ്യന്തര മന്ത്രാലയം കര്ശന നിര്ദേശമാണ് നല്കിയിരിക്കുന്നത്. നിയന്ത്രണങ്ങള് ലംഘിക്കുന്നവര്ക്കെതിരായ ശിക്ഷാ നടപടികള് സംബന്ധിച്ച വിവരങ്ങള് ജനങ്ങളെ അറിയിക്കണമെന്ന് കത്തില് സംസ്ഥാന സര്ക്കാരുകളോട് ആവശ്യപ്പെടുന്നുമുണ്ട്. ലോക്ക്ഡൗണ് ലംഘിക്കുന്നവര്കക്കെതിരേ കര്ശന നടപടി സ്വീകരിക്കണമെന്നും ആഭ്യന്തര മന്ത്രായം സംസ്ഥാനങ്ങളോട് ആവശ്യപ്പെട്ടിരിക്കുന്ന ഈ സാഹചര്യത്തില്. സുരേന്ദ്രന്റെ കാര്യത്തില് സംസ്ഥാനം എന്ത് നടപടിയാണ് എടുക്കാന് പോകുന്നത് എന്ന് കാത്തിരുന്ന് തന്നെ കാണണം.
https://www.facebook.com/Malayalivartha
