ഫോട്ടോയ്ക്ക് മറുപടിയായി വീഡിയോ... ജമീലയ്ക്ക് സുഹൃത്തിനെയും സഹോദരനെയും പിതാവിനെയും തിരിച്ചറിയാനുള്ള വിവേകമുണ്ടാകണം
തന്നെ ആക്രമിച്ചെന്ന് വ്യക്തമാക്കി ജമീലാ പ്രകാശം പുറത്തു വിട്ട 141 ഫോട്ടോകള്‍ക്ക് മറുപടിയായി ബഡ്ജറ്റ് അവതരിപ്പിച്ച ദിവസം സഭയിലുണ്ടായ സംഭവങ്ങളുടെ ദൃശ്യങ്ങളുമായി കെ. ശിവദാസന്‍ നായര്‍ എം.എല്‍.എ രംഗത്തെത്തി. വനിതാ എം.എല്‍.എമാരുടെ ആക്രമണത്തിന്റെ ദൃശ്യങ്ങള്‍ അദ്ദേഹം പത്രസമ്മേളനത്തില്‍ പ്രദര്‍ശിപ്പിച്ചു.
വളരെ ദൂരത്ത് നിന്ന് ഷൂട്ട് ചെയ്ത ദൃശ്യങ്ങളാണ് ശിവദാസന്‍ നായര്‍ വാര്‍ത്താ സമ്മേളനത്തില്‍ പ്രദര്‍ശിപ്പിച്ചത്. വാച്ച് ആന്‍ഡ് വാര്‍ഡര്‍മാരേയും പ്രതിപക്ഷം ആക്രമിച്ചു. മുഖ്യമന്ത്രിയെ സംരക്ഷിക്കാനുള്ള അവകാശം ഭരണപക്ഷ എംഎല്‍എമാര്‍ക്കുണ്ട്. ഞങ്ങള്‍ ആരേയും അങ്ങോട്ട് പോയി ആക്രമിച്ചിട്ടില്ല. എന്നാല്‍ പരമാവധി ആത്മസംയമനത്തോടെയാണ് സഭയില്‍ നിന്നത്. മുഴുവന്‍ കടിയും കൊണ്ടിട്ടും ആത്മസംയമനം കൈവിട്ടില്ല. തിരിച്ച് ഒന്നും പറഞ്ഞതു പോലുമില്ല. ആത്മസംയമനം പാലിച്ചതിന് ജീവിതം മുഴുവന്‍ ദുഃഖം അനുഭവിച്ച കര്‍ണ്ണന്‍ നമുക്ക് മുന്നിലുണ്ട്. അതു തന്നെയാണ് ഇവിടേയും സംഭവിച്ചത്‌കെപിസിസി വൈസ് പ്രസിഡന്റ് എംഎം ഹസ്സനുമൊന്നിച്ച് നടത്തിയ വാര്‍ത്താ സമ്മേളനത്തില്‍ ശിവദാസന്‍ നായര്‍ വിശദീകരിച്ചു
എല്ലാവര്‍ക്കും അവനവന്റെ സഹോദരനേയും പിതാവിനേയും സുഹൃത്തുക്കളേയും തിരിച്ചറിയാനുള്ള വിവേകമുണ്ടാകണമെന്നാണ് തന്റെ പക്ഷമെന്നും ശിവദാസന്‍ നായര്‍ പറഞ്ഞു. മുഴുവന്‍ കടിയും കൊണ്ട ശേഷവും താന്‍ കമാ എന്നൊരക്ഷരം മിണ്ടിയില്ല, തന്റെ ഭാഗത്തുനിന്നും ഒരു ആക്ഷനും ഉണ്ടായില്ല. ഇതില്‍ കൂടുതല്‍ സംയമനം പാലിക്കാന്‍ പറ്റില്ലെന്നും അദ്ദേഹം പറഞ്ഞു. പിന്നില്‍ നിന്നും തള്ളിയതിനാലാണ് ജമീലാ പ്രകാശത്തിനു നേരെ താന്‍ വീണത്. പഠിക്കുന്ന കാലം മുഴുവന്‍ അറിയാവുന്ന ജമീലാ പ്രകാശത്തെ സഹോദരിയെന്നും സുഹൃത്തെന്നുമുള്ള നിലയില്‍ മാത്രമേ താന്‍ കണ്ടിട്ടുള്ളൂവെന്നും അദ്ദേഹം പറഞ്ഞു.
ജമീല പ്രകാശം മുഖ്യമന്ത്രിയുടെ മടിയിലേക്ക് കറുത്ത തുണി എറിഞ്ഞതോടെയാണ് പ്രകോപനമുണ്ടായത്. ഡൊമിനിക് പ്രസന്റേഷന്‍ അവരെ ആക്രമിച്ചിട്ടില്ല. അവരാണ് ഡൊമിനിക്കിനെ ഇടിച്ചത്. ജമീല പ്രകാശം ധനമന്ത്രിക്കു നേരെ പത്രങ്ങള്‍ എറിഞ്ഞു. അവര്‍ ഒന്നും ചെയ്തില്ല എന്നു പറയുന്നത് കള്ളമാണ്. അവര്‍ ചെയ്യാന്‍ കഴിയുന്നതെല്ലാം ചെയ്തു. ജമീലയ്ക്ക് സുഹൃത്തിനെയും സഹോദരനെയും പിതാവിനെയും തിരിച്ചറിയാനുള്ള വിവേകമുണ്ടാകണം. ജീവിതകാലം മുഴുവന്‍ ദുഃഖമനുഭവിച്ച കര്‍ണ്ണനെ പോലെയാണ് അപമാനിതനായ താനെന്നും ശിവദാസന്‍ നായര്‍ പറഞ്ഞു. തിരക്കിനിടയില്‍പെട്ടാണ് താന്‍ ജമീലയുടെ അടുക്കലെത്തിയതെന്നും അതിനിടെയാണ് കടി നടന്നതും. മുഖ്യമന്ത്രിയുടെ മുഖത്തുപോലും നോക്കിയില്ലെന്ന ജമീലയുടെ വാദം തെറ്റാണെന്നും ശിവദാസന്‍ നായര്‍ പറഞ്ഞു.
തനിക്കുണ്ടായ ദുരനുഭവം സ്പീക്കറെ അറിയിച്ചിരുന്നു. ദൃശ്യമാദ്ധ്യമങ്ങളിലൂടെ എല്ലാവരും കണ്ടത് പ്രത്യേകിച്ച് വിശദീകരിക്കേണ്ട കാര്യമില്ല. എന്നാല്‍ പ്രതിപക്ഷ നേതാവ് തന്നെ ക്രൂരമായി ആക്ഷേപിക്കുന്ന വിധത്തില്‍ പരസ്യ പ്രസ്താവനകള്‍ നടത്തി.
ധനമന്ത്രിയെ നേരിടാന്‍ ആരോഗ്യമുള്ള ചുറുചുറുക്കുള്ള യുവാക്കള്‍ ഉണ്ടായിരിക്കേയാണ് പ്രതിപക്ഷം വനിതകളെ ഇറക്കിയത്. വനിതകളെ സംരക്ഷിക്കുന്നതിനു പകരം അവരെ മുന്നിലിറക്കി. രാഷ്ട്രീയ വിഷയമാക്കാനാണ് പ്രതിപക്ഷത്തിന്റെ നീക്കമെന്നും ശിവദാസന്‍ നായര്‍ പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
