കേരളത്തിന്റെ പ്രധാനപ്പെട്ട പദ്ധതികളിലൊന്നാണ് കൊച്ചി മെട്രോ. 2016 ജൂണില്‍ തന്നെ കൊച്ചി മെട്രോ യാഥാര്‍ഥ്യമാക്കാന്‍ കഴിയുമെന്ന് കെഎംആര്‍എല്‍ എംഡി ഏലിയാസ് ജോര്‍ജ് വ്യക്തമാക്കി. നിര്‍മാണത്തിലെ മെല്ലെപോക്ക് പരിഹരിക്കും. ജോലിക്കാരുടെ എണ്ണം കൂട്ടാന്‍ ഡിഎംആര്‍സിയോട് ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. ശീമാട്ടിയുടേത് ഉള്‍പ്പടെ എം.ജി റോഡിലെ സ്ഥലം എത്രയുംവേഗം ഏറ്റെടുക്കുമെന്നും അദ്ദേഹം പറഞ്ഞു. ചെന്നൈയില്‍ ചേര്‍ന്ന കൊച്ചി മെട്രോ ബോര്‍ഡ് ഓഫ് ഡയറക്‌ടേഴ്‌സ് യോഗത്തിലാണ് തീരുമാനം.
അതേസമയം, വൈറ്റിലയില്‍ കൊച്ചി മെട്രോ നിര്‍മാണമേഖലയില്‍ നാട്ടുകാരുടെ പ്രതിഷേധം. പവര്‍ ഹൗസിനോടു ചേര്‍ന്നുള്ള ഭാഗത്ത് മൂന്നു കുടുംബങ്ങളെ കുടിയൊഴിപ്പിക്കാതെ പൈലിങ് നടത്തിയതിനെതിരെയാണ് എതിര്‍പ്പുയര്‍ന്നത്. പൈലിങ്ങില്‍ ഏതുനിമിഷവും വീഴാവുന്ന അവസ്ഥയിലാണ്. അന്‍പതുവര്‍ഷമായി ഇവിടെ സ്ഥിരതാമസമാണെങ്കിലും പട്ടയമില്ലാത്തതിനാല്‍ ഇവരെ പുനരധിവാസ പാക്കേജിലുള്‍പ്പെടുത്തിയിരുന്നില്ല. ശക്തമായ പ്രതിഷേധമുയര്‍ന്നതോടെ 25 വരെ ഇവിടെ പൈലിങ് നിര്‍ത്തിവയ്ക്കാന്‍ ഡിഎംആര്‍സി എക്‌സിക്യൂട്ടീവ് എന്‍ജിനീയര്‍ നിര്‍ദേശം നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha