സ്ത്രീകള്‍ക്കെതിരെ അതിക്രമം കാണിക്കുന്നവര്‍ക്കെതിരെ ശക്തമായ നിയമ വ്യവസ്ഥയാണ് ഇവിടെയുള്ളത്. ലൈംഗിക ചുവയുള്ള സംഭാഷണമോ, നോട്ടമോ പോലും സ്ത്രീക്കത് അപമാനമായി തോന്നുന്നുവെങ്കില്‍ അതെല്ലാം സ്ത്രീ പീഡനത്തില്‍ വരും. ഇനി നിയമസഭയിലാണെങ്കില്‍ കൂടി അതിന് വ്യത്യാസമില്ല. എല്ലാവരും എംഎല്‍എമാരാണെന്ന പരിഗണയുണ്ടെന്നു മാത്രം. എങ്കിലും പരാതിക്കാരി ഉറച്ചു നിന്നാല്‍ പിന്നെ രക്ഷയില്ല. അവിടെയാണ് ശിവദാസന്‍ നായരും മന്ത്രി ഷിബു ബേബിജോണും വെട്ടിലാകുന്നത്. സ്ത്രീ പീഡനമായതിനാല്‍ പോലീസ് കേസെടുത്താല്‍ ഒരു പക്ഷെ ജാമ്യം കിട്ടാത്ത വകുപ്പായിരിക്കും ചുമത്തുക. അങ്ങനെ വന്നാല്‍ ഷിബു ബേബിജോണിന് മന്ത്രി സ്ഥാനം രാജിവയ്ക്കാതിരിക്കാന്‍ കഴിയില്ല. പ്രതിപക്ഷവും മന്ത്രിയുടെ രാജിയ്ക്കായിരിക്കും മുറവിളി കൂട്ടുന്നത്.
ഭരണ കക്ഷി എംഎല്‍എമാര്‍ക്കെതിരെ സ്പീക്കര്‍ എന്ത് നടപടിയെടുത്താലും അത് കൂടുതല്‍ ബാധിക്കുക ഷിബുവിനെ തന്നെയായിരിക്കും. അത് മുന്നില്‍ കണ്ടാണ് ഭരണകക്ഷി എംഎല്‍എമാര്‍ക്കെതിരെ നടപടി എടുക്കാതിരുന്നുത് 
അതേസമയം വനിതാ എം.എല്‍.എമാരെ ലൈംഗികച്ചുവയുള്ള വാക്കുകളിലൂടെ അധിക്ഷേപിച്ച് കോണ്‍ഗ്രസ് നേതാക്കള്‍ വെട്ടിലായി. ഈ നേതാക്കള്‍ക്കെതിരെ പോലീസ് നടപടിയെടുക്കുമെന്നാണ് അറിയുന്നത്. 
കേരളത്തിനും ഒരു വനിത അധ്യക്ഷസ്ഥാനം അലങ്കരിക്കുന്ന കോണ്‍ഗ്രസ് പാര്‍ട്ടിക്കും നാണക്കേടുണ്ടാക്കുന്നതായിരുന്നു കോഴിക്കോട് ഡി.സി.സി. പ്രസിഡന്റ് കെ.സി.അബു, എം.എ. വാഹിദ് എം.എല്‍.എ. എന്നിവരുടെ പ്രസ്താവന.
സംഭവം വിവാദമായതോടെ അബുവിനെതിരേ കെ.പി.സി.സി. പ്രസിഡന്റ് വി.എം.സുധീരന്‍ ശക്തമായി രംഗത്തുവന്നു. പരാമര്‍ശം പിന്‍വലിച്ച് മാപ്പു പറഞ്ഞില്ലെങ്കില്‍ നടപടിയുണ്ടാകുമെന്നു സുധീരന്‍ താക്കീത് നല്‍കിയതോടെ പരസ്യമായി മാപ്പു പറയുന്നു എന്നു വ്യക്തമാക്കിക്കൊണ്ട് അബു പത്രക്കുറിപ്പിറക്കി തടിയൂരി. അതേസമയം, വാഹിദിന്റെ പ്രസ്താവനയെ എതിര്‍ത്തുകൊണ്ട് കോണ്‍ഗ്രസില്‍നിന്നാരും രംഗത്തുവന്നില്ല.
നിയമസഭയില്‍ മന്ത്രി ഷിബു ബേബി ജോണ്‍ തടഞ്ഞത് ബിജിമോള്‍ ആസ്വദിച്ചെന്നും വൃദ്ധനായ ശിവദാസന്‍ നായര്‍ക്കു പകരം ജമീലാ പ്രകാശത്തിന് കരിമ്പു പോലത്തെ ശരീരമുള്ള പി.കെ. ബഷീറിനെ കടിക്കാമായിരുന്നില്ലേ എന്നുമായിരുന്നു അബുവിന്റെ അതിരുവിട്ട പരാമര്‍ശം. ഇന്നലെ കോഴിക്കോട്ട് നടത്തിയ പത്രസമ്മേളനത്തിലായിരുന്നു അഞ്ചു വനിതാ എം.എല്‍.എമാരെയും അബു കടന്നാക്രമിച്ചത്.
ഐരാവതം വന്നത് പോലെയാണ് ബിജിമോള്‍ 13നു നിയമസഭയില്‍ വന്നതെന്നായിരുന്നു കഴിഞ്ഞ ദിവസം ശ്രീകാര്യത്ത് ചേര്‍ന്ന യു.ഡി.എഫിന്റെ രാഷ്ട്രീയ വിശദീകരണയോഗത്തില്‍ വാഹിദ് പറഞ്ഞത്. മന്ത്രി ഷിബു ബേബി ജോണുമായി പ്രേമസല്ലാപത്തില്‍ ഏര്‍പ്പെട്ടു നില്‍ക്കുകയായിരുന്നു ബിജിമോളെന്നും യു.ഡി.എഫ്. എം.എല്‍.എമാര്‍ ഞരമ്പ് രോഗികളല്ലെന്നും ആരോഗ്യമുള്ള ഭാര്യമാരാണ് തങ്ങളുടെ വീട്ടിലുള്ളതെന്നുകൂടി എം.എ. വാഹിദ് പറഞ്ഞു. എന്നാല്‍, ബിജിമോള്‍ക്കെതിരേ താന്‍ നടത്തിയ പരാമര്‍ശം നാവു പിഴയാണെന്നും അതില്‍ ഖേദിക്കുന്നുവെന്നും എം.എ. വാഹിദ് പിന്നീട് ചാനല്‍ ചര്‍ച്ചയില്‍ പറഞ്ഞു.
\'മന്ത്രി ഷിബു ബേബി ജോണ്‍ തടഞ്ഞതില്‍ ബിജിമോള്‍ക്ക് പരാതിയുണ്ടാകില്ല. അവരുടെ മുഖഭാവം അതു പറയുന്നുണ്ട്. എനിക്ക് 62 വയസായി. ഇത്രയും കൊല്ലത്തെ കുടുംബജീവിതം കൊണ്ട് എനിക്കു കാര്യങ്ങള്‍ മനസിലാകും. രണ്ടു പേര്‍ക്കും പരാതിയൊന്നും ഉണ്ടാകാനിടയില്ല. ജമീല പ്രകാശം എന്തിനാണ് വൃദ്ധനായ ശിവദാസന്‍ നായരെ കടിച്ചതെന്ന് അറിയില്ല. നിയമസഭയില്‍ വനിതാ എം.എല്‍.എമാര്‍ക്കും സീറ്റ് അനുവദിച്ചിട്ടുണ്ട്. എങ്ങനെയാണ് അവര്‍ മുഖ്യമന്ത്രിയുടെ സീറ്റിന് അരികിലെത്തെിയതെന്നു തനിക്കറിയില്ല. ധനമന്ത്രി കെ.എം. മാണിക്കു സംരക്ഷണം നല്‍കാന്‍ കെ.എം. ഷാജിയും വിഷ്ണുനാഥും ഹൈബി ഈഡനും പി.കെ. ബഷീറും ഉള്‍പ്പെടെയുള്ള യുവ എം.എല്‍.എമാരെയാണ് യു.ഡി.എഫ്. ഏര്‍പ്പാടാക്കിയത്. കുരങ്ങനെക്കൊണ്ട് ചുടുചോറ് വാരിക്കുന്നതുപോലെ വനിതാ എം.എല്‍.എമാരെ മുന്നില്‍ നിര്‍ത്തി. അബു പറഞ്ഞു.
വിവാദം കൊഴുത്തതോടെയാണ് സുധീരന്‍ ഇടപെട്ടത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha