കേരളത്തില്‍ നിന്ന് രാജ്യസഭയിലേക്ക് ഒഴിവു വന്ന രാജ്യസാഭാ സീറ്റിനായി യുഡിഎഫില്‍ വടം വലി തുടങ്ങി. സീറ്റിന് ആവശ്യമുന്നയിച്ച് സോണിയഗാന്ധിയെ കാണാന്‍ പല നേതാക്കന്‍മാരും ഡല്‍ഹിലേക്ക് വണ്ടികയറി. എന്നാല്‍ തനിക്ക് അവകാശപ്പെട്ടതാണ് സീറ്റെന്ന് വയലാര്‍ രവി പറഞ്ഞതായാണ് സൂചന. എന്നാല്‍ സീറ്റിനായി പി പി തങ്കച്ചനെ പരിഗണിക്കണമെന്നാണ് ഐ ഗ്രൂപ്പിന്റെ ആവശ്യം. ഈ ആവശ്യവുമായി ഐ ഗ്രുപ്പിന്റെ നേതാവ് രമേശ് ചെന്നിത്തല സോണിയാ ഗാന്ധിയെ സന്ദര്‍ശിച്ചിരുന്നു. എന്നാല്‍ സീറ്റ് കിട്ടണമെന്ന ആവസ്യവുമായി കോണ്‍ഗ്രസിന്റെ ദേശീയ വക്താവ് പിറ്റി ചാക്കോയും രംഗത്തുണ്ട്. പാര്‍ലമെന്റ് ഇന്നസെന്റിനോട് തോറ്റതോട് കൂടി ചാക്കോ ഡല്‍ഹിയിലെ പാര്‍ട്ടിയുടെ വക്താവായി കഴിഞ്ഞ് കൂടുകയാണ്.
നിലവില്‍ യുഡിഎഫ് കണ്‍വീനറായ പി പി തങ്കച്ചന് രാജ്യസഭാ സീറ്റു നല്‍കി പകരം കെ സുധാകരനെ യുഡിഎഫ് കണ്‍വീനറാക്കാനാണ് ആഭ്യന്തര മന്ത്രി രമേശ് ചെന്നിത്തലയുടെ നീക്കം. അതേസമയം, ഡല്‍ഹിയിലേക്കു ചാക്കോയെ അയച്ചാല്‍ മതിയെന്ന നിലപാടിലാണ് കോണ്‍ഗ്രസ് കേന്ദ്ര നേതൃത്വം. വയലാര്‍ രവിക്കും മുസ്ലിം ലീഗിനും സീറ്റു നല്‍കി തൃപ്തിപ്പെടുത്തി തലവേദന എങ്ങനെയെങ്കിലും ഒഴിവാക്കാനുള്ള നീക്കത്തിനാണ് ഉമ്മന്‍ ചാണ്ടി.
നിയമസഭയിലെ അംഗബലമനുസരിച്ച് സിപിഎമ്മിന് തങ്ങളുടെ സീറ്റു നിലനിറുത്താന്‍ കഴിയും. എന്നാല്‍, സിപിഐയുടെ സീറ്റ് യു.ഡി.എഫിന് ലഭിക്കാനാണ് സാദ്ധ്യത. ഈ സീറ്റിനായി മുസഌം ലീഗും അവകാശവാദം ഉന്നയിച്ച് എത്തിയത് യുഡിഎഫിന് തലവേദന സൃഷ്ടിച്ചിരിക്കുകയാണ്.
ഈ സര്‍ക്കാരിന്റെ കാലാവധി തീരുംമുമ്പ് അടുത്ത വര്‍ഷം ഏപ്രിലിലും മൂന്ന് സ്ഥാനങ്ങള്‍ ഒഴിയും. അന്നും യു.ഡി. എഫിന് രണ്ട് സ്ഥാനങ്ങള്‍ ലഭിക്കാം. എ.കെ. ആന്റണി, ടി.എന്‍. സീമ, കെ.എന്‍. ബാലഗോപാല്‍ എന്നിവരാണ് അടുത്തവര്‍ഷം ഒഴിയുന്നത്.
രാജ്യസഭാ എംപി. സ്ഥാനം സ്ഥിരം സംവിധാനമാകരുതെന്ന വാദമാണ് ഐ ഗ്രൂപ്പ് ഉയര്‍ത്തുന്നത്. സ്ഥാനമൊഴിയുന്ന വയലാര്‍ രവി മൂന്നുപ്രാവശ്യം രാജ്യസഭയിലെത്തി. എ.കെ. ആന്റണി നാലുപ്രാവശ്യം തിരഞ്ഞെടുക്കപ്പെട്ടു. പി.ജെ. കുര്യനും മൂന്നാംവട്ടമാണ് ഉപരിസഭയില്‍ എത്തുന്നത്. എന്നാല്‍ വയലാര്‍ രവി തന്നെ വീണ്ടും സീറ്റ് ആഗ്രഹിച്ചാല്‍ മറിച്ചൊരു തീരുമാനമുണ്ടാവാന്‍ സാധ്യതയില്ല.രാജ്യസഭാംഗമായി മൂന്നാംവട്ടവും തുടരാന്‍ വയലാര്‍ രവിക്ക് താത്പര്യമുണ്ടെങ്കിലും കോണ്‍ഗ്രസിനുള്ളില്‍ തന്നെയുള്ള തര്‍ക്കങ്ങള്‍ ഇക്കാര്യം അനുവദിക്കാന്‍ ഇടയില്ല. യു.ഡി.എഫ് കണ്‍വീനര്‍ പി.പി.തങ്കച്ചനുവേണ്ടി ഐ ഗ്രൂപ്പ് നീക്കം നടത്തുന്നുണ്ട്. പകരം കെ. സുധാകരനെ യു.ഡി.എഫ് കണ്‍വീനര്‍ സ്ഥാനത്തേക്ക് കൊണ്ടുവരാമെന്നാണ് കണക്കുകൂട്ടല്‍.
എറണാകുളം ജില്ലാ സെക്രട്ടറിയായി തിരഞ്ഞെടുക്കപ്പെട്ടതിനാല്‍ പി.രാജീവിന് പകരം സിപിഐ(എം) ആളെ കണ്ടെത്തും. ലോക്‌സഭാ തിരഞ്ഞെടുപ്പില്‍ കൊല്ലത്ത് എന്‍.കെ. പ്രേമചന്ദ്രനോട് പരാജയപ്പെട്ട എം.എ.ബേബിയുടെ പേരാണ് സജീവം. യു.ഡി.എഫിലെ രണ്ടാമത്തെ സീറ്റ് മുസഌം ലീഗിന് കിട്ടിയാല്‍ മുന്‍ രാജ്യസഭാംഗവും വ്യവസായിയുമായ പി.വി.അബ്ദുള്‍ വഹാബ് പിടിമുറുക്കുമെന്നാണ് സൂചന. ഏതാനും മാസങ്ങളായി ഇദ്ദേഹം ഇതിനായി ഡല്‍ഹിയിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha