എന്നെ തോല്പ്പിക്കാന് നോക്കേണ്ട... അരുവിക്കര സീറ്റില് സുരേഷ് ഗോപിയെ നിര്ത്താന് സാധ്യത; ഡല്ഹിയില് ചര്ച്ചകള് സജീവം; കോണ്ഗ്രസ് വോട്ടുകള് ചോരും
അരുവിക്കര ഉപതെരഞ്ഞെടുപ്പില് സുരേഷ് ഗോപിയെ സ്ഥാനാര്ത്ഥിയാക്കാന് ബിജെപി നീക്കം. ഡല്ഹിയിലുള്ള സുരേഷ് ഗോപി ഇതു സംബന്ധിച്ച് ബിജെപിയുടെ കേന്ദ്ര നേതാക്കളുമായി ചര്ച്ചകള് നടത്തി. കേന്ദ്ര മന്ത്രിമാരായ സദാനന്ദ ഗൗഡ, പൊന് രാധാകൃഷ്ണന് എന്നിവരുമായും വിശദ ചര്ച്ച നടത്തി.
അരുവിക്കര ഉപതെരഞ്ഞെടുപ്പില് മത്സരിക്കാന് തയ്യാറാണെന്ന് സുരേഷ് ഗോപി സൂചന നല്കി. ഈയൊരു സാഹചര്യത്തില് സുരേഷ് ഗോപി തന്നെ മത്സരിക്കണമെന്നാണ് പൊതുവേയുള്ള വികാരം.
ഒരു കൈനോക്കാമെന്ന് തന്നെയാണ് സുരേഷ് ഗോപിയുടെ നിലപാട്. കേന്ദ്ര നേതൃത്വത്തിന്റെ പൂര്ണ്ണ പിന്തുണയുണ്ടെങ്കില് അരുവിക്കരയില് അത്ഭുതങ്ങള് ഉറപ്പാക്കാം. അതിന് വേണ്ടത് വിഴിഞ്ഞം പോലുള്ള പദ്ധതികളിലെ ഉറച്ച നിലപാടാണ്. തമിഴ്നാടിന് വേണ്ടി വിഴിഞ്ഞത്തെ മുക്കികൊല്ലാന് ശ്രമിക്കുന്നുവെന്ന പ്രചരണം വ്യാപകമാണ്. കോണ്ഗ്രസും സിപിഎമ്മുമാണ് ഇതിന് പിന്നില്. ബിജെപിയുടെ വളര്ച്ച കേരളത്തില് തടയുകയെന്ന ലക്ഷ്യമാണ് ഇതിന് പിന്നില്. ആറന്മുള വിമാനത്താവളത്തിനെതിരായുള്ളത് കേരളത്തിന്റെ പൊതു വികാരമാണ്.
സംസ്ഥാന പ്രസിഡന്റ് വി മുരളീധരനാകും സുരേഷ് ഗോപിയുടെ അംഗത്വ വിതരണ ചടങ്ങിന്റെ വിശദാംശങ്ങള് തയ്യാറാക്കുക. എത്രയും വേഗത്തില് സുരേഷ് ഗോപി അംഗത്വമെടുത്ത് ബിജെപിയുടെ ഭാഗമാകും. സംസ്ഥാന നേതൃത്വത്തില് മോശമില്ലാത്ത സ്ഥാനവും ലഭിക്കും.
അരുവിക്കരയില് കഴിഞ്ഞ തെരഞ്ഞെടുപ്പില് ഏഴായിരത്തോളം വോട്ടാണ് ബിജെപിക്ക് ലഭിച്ചത്. ഇവിടെ എങ്ങനെ ബിജെപിക്ക് ജയിക്കാനാകുമെന്നാണ് ഉയരുന്ന ചോദ്യം. നെയ്യാറ്റിന്കരയില് 5000 വോട്ടുകള് മാത്രമാണ് ബിജെപിക്ക് കിട്ടിയിരുന്നത്. ഇവിടെ ഉപതെരഞ്ഞെടുപ്പില് രാജ്ഗോപാല് 30,000 വോട്ട് നേടി. നാടാര് സമുദായ രാഷ്ട്രീയമാണ് രാജഗോപാലിന് തിരിച്ചടിയായത്. ഒപ്പം നെയ്യാറ്റിന്കരയുടെ തീരമേഖലയില് ഏറെ പിന്നില് പോവുകയും ചെയ്തു. അരുവിക്കരയില് ഈ പ്രശ്നമില്ല. നെയ്യാറ്റിന്കരയിലെ സംഘടനാ സംവിധാനം അരുവിക്കരയിലെത്തിയാല് സ്ഥിതി ഏറെ മെച്ചമാകുമെന്നാണ് ബിജെപിയുടെ ഒരു വിഭാഗത്തിന്റെ വിലയിരുത്തല്. നെയ്യാറ്റിന്കരയോട് ചേര്ന്നുള്ള കാട്ടാക്കടയില് 23,000 വോട്ടുകള് പികെ കൃഷ്ണദാസ് നേടിയിരുന്നു. കാട്ടാക്കടയ്ക്ക് സമാനമായ സാമുദായിക അവസ്ഥയാണ് അരുവിക്കരയില് ഉള്ളത്. അതുകൊണ്ട് സുരേഷ് ഗോപിയെ പോലുള്ള സ്ഥാനാര്ത്ഥിക്ക് ജയിച്ച് കയറാനാകുമെന്നാണ് വിലയിരുത്തല്.
സിപിഎമ്മും മുതിര്ന്ന നേതാവ് എം വിജയകുമാറിനെ മത്സരിപ്പിക്കാനാണ് സാധ്യത. സുരേഷ് ഗോപി കൂടിയാകുമ്പോള് ത്രികോണ മത്സര ചൂട് കൂടും. അത് ബിജെപിക്ക് ഗുണകരമാകും. മുപ്പത്തി എണ്ണായിരം വോട്ട് നേടിയാല് ജയിക്കാമെന്നാണ് കണക്കുകൂട്ടല്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
