കോഴിക്കോട് ഡി.സി.സി പ്രസിഡന്റ് കെ.സി. അബു, എം.എ. വാഹിദ് എം.എല്‍.എ എന്നിവരുടെ തനിക്കെതിരെ പറഞ്ഞ ലൈംഗികച്ചുവയുള്ള വാക്കുകള്‍ മറ്റ് വനിതാ എംഎല്‍എമാര്‍ക്കെതിരെയായിരുന്നെങ്കില്‍ റീത്ത് വെക്കേണ്ടി വരുമായിരുന്നുവെന്ന് ഇ.എസ്. ബിജിമോള്‍ എം.എല്‍.എ. താന്‍ സിപിഐ എംഎല്‍എ ആയതുകൊണ്ടാണ് തനിക്കെതിരെ കോണ്‍ഗ്രസുകാര്‍ ഇത്ര ചങ്കൂറ്റത്തോടെ ആക്ഷേപങ്ങള്‍ നടത്തുന്നതെന്നും ബിജിമോള്‍ പറഞ്ഞു.

വണ്ടിപ്പെരിയാറില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു ഇവര്‍. പത്രസമ്മേളനം വിളിച്ച് ക്ഷമാപണം നടത്തിയാല്‍ തീരുന്നതല്ല പ്രശ്‌നം. സഭയില്‍ സ്ത്രീകള്‍ പ്രതിഷേധിച്ചാല്‍ ഇങ്ങനെയാകും മറുപടി എന്ന നിലയിലാണ് പ്രസ്താവന നടത്തിയത്. നിയമസഭയിലെ 40 കാമറകള്‍ റെക്കോഡ് ചെയ്ത ദൃശ്യങ്ങള്‍ പരിശോധിച്ചാല്‍ സംഭവിച്ചത് എന്തെന്ന് മനസ്സിലാകും. ഡി.സി.സി പ്രസിഡന്റ് കെ.സി. അബു, എം.എ. വാഹിദ് എം.എല്‍.എ, മന്ത്രി ഷിബു ബേബിജോണ്‍ എന്നിവര്‍ക്കെതിരെ ഡി.ജി.പിക്ക് നല്‍കിയ പരാതിയില്‍ ഉറച്ചുനില്‍ക്കുമെന്നും ബിജിമോള്‍ പറഞ്ഞു. നീതി ലഭിക്കുംവരെ പോരാട്ടം തുടരുമെന്നും ബിജിമോള്‍ കൂട്ടിച്ചേര്‍ത്തു.
ബിജിമോളുടെ പരാമര്‍ശം കോണ്‍ഗ്രസിനേക്കാളുപരി സിപിഐയെയാണ് ലക്ഷ്യം വെക്കുന്നതെന്നാണ് രാഷ്ടീയ നിരീക്ഷരുടെ അഭിപ്രായം. സിപിഎമ്മിന്റെ വനിത എംഎല്‍എമാരെ ആക്രമിച്ച കോണ്‍ഗ്രസിന്റെ എംഎല്‍എമാരുടെ വീട്ടിലേക്ക് ആക്രമണം നടത്തിയിരുന്നു. ടിപി വധക്കേസുമായി ബന്ധപ്പെട്ട് സിപിഎം കൊലപാതക പാര്‍ട്ടിയാണെന്ന് സിപിഐയുടെ നേതാക്കന്‍മാര്‍ പറഞ്ഞിരുന്നു.തനിക്കെതിരെ കോണ്‍ഗ്രസുകാര്‍ അതിക്ഷേപം തുടരുബോള്‍ ഇതുവരെ സിപിഐ നേതൃത്വം മിണ്ടിയില്ലെന്നപരിഭവമാണ് ബിജിമോള്‍ തന്റെ അഭിപ്രായത്തിലൂടെ പറയാതെ പറഞ്ഞത്. ഇത് സിപിഐ നേതൃത്വത്തിനുള്ള ബിജിമോളുടെ ഒരു ഒളിയമ്പാണെന്നും അഭിപ്രായമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha