സംഘടനാ വിരുദ്ധനെന്ന പ്രമേയം നിലനില്‍ക്കെ പാര്‍ട്ടിയില്‍ തുടരാനാവില്ലെന്ന് പ്രതിപക്ഷ നേതാവ് വി.എസ്. അച്യുതാനന്ദന്‍. താനയച്ച കത്ത് പാര്‍ട്ടി കേന്ദ്രകമ്മിറ്റിയും തള്ളിയ സാഹചര്യത്തില്‍ വിഎസ് പ്രതിപക്ഷ നേതൃസ്ഥാനത്ത് നിന്ന രാജിവെക്കാന്‍ ഒരുങ്ങുന്നതായി അദ്ദേഹവുമായി അടുത്ത വ്യത്തങ്ങള്‍ സൂചിപ്പിക്കുന്നു. പാര്‍ട്ടി തന്റെ വാക്കുകള്‍ക്ക് വില വെച്ചില്ലെങ്കില്‍ കേരളത്തില്‍ പാര്‍ട്ടി തകരുമെന്ന് വിഎസ് വേദനയോടെ സിസിയില്‍ പറഞ്ഞു. സിപിഎം കേന്ദ്രകമ്മിറ്റി യോഗത്തില്‍ സംസ്ഥാന നേതൃത്വത്തിനെതിരെ വിഎസ് രൂക്ഷ വിമര്‍ശനമാണ് നടത്തിയത്. പ്രമേയം റദ്ദാക്കണമെന്ന് കേന്ദ്രകമ്മിറ്റിയില്‍ ആവശ്യപ്പെട്ടിട്ടു.
കേരളത്തിലെ പാര്‍ട്ടിയില്‍ ജനാധിപത്യമില്ല. തനിക്കെതിരായ നടപടി ഏകപക്ഷീയമാണെന്നും വിഎസ് അഭിപ്രായപ്പെട്ടു. വിജയോജനക്കുറിപ്പ് കേന്ദ്രകമ്മിറ്റി ചര്‍ച്ച ചെയ്യണമെന്നും പ്രമേയത്തില്‍ കേന്ദ്രകമ്മിറ്റി നിലപാട് വ്യക്തമാക്കണമെന്നു ആവശ്യപ്പെട്ടതായും യോഗത്തിനു ശേഷം വിഎസ് വ്യക്തമാക്കി.
എന്നല്‍ വിഎസിനെതിരെ നടപടി വേണമെന്ന കാര്യത്തില്‍ സംസ്ഥാനത്ത് നിന്നുള്ള പിണറയി പക്ഷം നിലകൊണ്ടു.ഈ വിഎസിനെ സഹകരിപ്പിച്ച് കൊണ്ട് മുന്നോട്ട്‌പോകാന്‍ കഴിയില്ലെന്ന് പിണറായി പക്ഷം പറഞ്ഞു. എന്നാല്‍ കോടിയേരിയടക്കമുള്ള നേതാക്കള്‍ വിഎസിന്റെ കത്ത് സംസ്ഥാനകമ്മിറ്റിയും സംസ്ഥാന സെക്രട്ടറിയറ്റും പരിശോധിച്ചതാണെന്നും ഇനി അതില്‍ പ്രാധാന്യമില്ലെന്നുമാണ് പറഞ്ഞത്. എന്നാല്‍ വിഎസിനെതിരെ നടപടി ആവശ്യമില്ലെന്ന് കൊടിയേരി പറഞ്ഞു.
പാര്‍ട്ടി സെക്രട്ടറി കൂടിയായ കോടിയേരിയുടെ അഭിപ്രായം കൂടികണക്കിലെടുത്താണ് വിഎസ് സമ്മേളനത്തില്‍ നിന്ന് ഇറങ്ങിപ്പോയതടക്കുമുള്ള കാര്യങ്ങള്‍ പിബി കമ്മീഷന്‍ പരിശോധിച്ച് തീരുമാനിക്കുമെന്ന് നിലപാടെടുത്തത്. ഇത് പിണറായി പക്ഷത്തിന് കടുത്ത തിരിച്ചടിയായി. എന്നാല്‍ തന്നെ പാര്‍ട്ടി വിരുദ്ധനെന്ന് സംസ്ഥാന സെക്രട്ടറിയറ്റിന്റെ പ്രമേയം തള്ളിക്കളയണമെന്ന വിഎസിന്റെ ആവശ്യം അംഗീകരിച്ചില്ല.
നിയമസഭ ഇന്ന് ചേരാനിരിക്കെ വിഎസിന്റെ നിലപാട് നിര്‍ണായകമാണ്. ബജറ്റ് അവതരണവേളയില്‍ പ്രതിപക്ഷ പ്രതിഷേധം സഭക്കകത്ത് നിയന്ത്രിച്ചത് വിഎസായിരുന്നു. എന്നാല്‍ ഇന്ന് വിഎസ് എന്ത് തീരുമാനിക്കുമെന്നതിലേക്കാണ് എല്ലാവരും ഉറ്റ് നോക്കുന്നത്. വിഎസ് രാജിവെക്കുന്നെങ്കില്‍ തടയില്ലെന്നാണ് സംസ്ഥാന നേതൃത്വത്തിന്റെ നിലപാട്. വിഎസിനെ മാറ്റി ഇപി ജയരാജനെ പ്രതിപക്ഷ നേതൃസ്ഥാനത്തേക്ക് കൊണ്ട് വരണമെന്ന് കഴിഞ്ഞ ദിവസം പിണറായി വിജയന്‍ പോളിറ്റ് ബ്യൂറോയില്‍ ആവശ്യപ്പെട്ടിരുന്നു. എന്നാല്‍ വിഎസ് രാജിവെക്കില്ലന്ന വിശ്വാസമുണ്ടന്ന് ഒരു പോളിറ്റബ്യൂറോ മെമ്പര്‍ പറഞ്ഞു.
വിഎസ് രാജിവെക്കാനൊരുങ്ങുന്നുവെന്ന വാര്‍ത്ത സംസ്ഥാനനേതൃത്തെ ഭയപ്പെടുത്തുന്നുണ്ട്. നീയമസഭയില്‍ വിഎസാണ് പ്രതിപക്ഷത്തിന്റെ ചാട്ടുളി. വിഎസ് രാജിവെച്ചാല്‍ കേരളത്തില്‍ ബംഗാളിന്റെ സ്ഥിതി ഉണ്ടാകുമെന്നും ചില നേതാക്കള്‍ പറയുന്നുണ്ട്. കാരണം കുറേ കാലമായി പാര്‍ട്ടിയുടെ ജനകീയ മുഖം വിഎസാണ്. വിഎസ് രാജിവെച്ചാല്‍ അത് പാര്‍ട്ടിക്ക് തളര്‍ച്ചയുണ്ടാക്കും. ജനങ്ങള്‍ പാര്‍ട്ടിക്ക് എതിരാവും.മാത്രമല്ല ബിജെപി സംസ്ഥാനത്ത് എങ്ങനെ ചുവടുറപ്പിക്കണമെന്ന് കാത്തിരിക്കുകയാണ്. അരുവിക്കര ഉപതിരഞ്ഞടുപ്പ്, വരുന്ന പഞ്ചായത്ത് തിരഞ്ഞെടുപ്പ്,നിയമസഭാതിരഞ്ഞെടുപ്പെല്ലം അടുത്ത് വരുകയാണ്. ഈ നിലയില്‍ വിഎസിനെ കളഞ്ഞുകൊണ്ട് മുന്നോട്ട് പോയാള്‍ പാര്‍ട്ടിയുടെ പതനമായിരിക്കുമെന്ന് രാഷ്ടീയ നീരീക്ഷകരും വിലയിരുത്തുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha