ആഭ്യന്തരമന്ത്രി രമേശ് ചെന്നിത്തലയുടെ ഉറ്റ അനുയായിയും കേരള പോലീസ് അസോസിയേഷന്‍ ജനറല്‍ സെക്രട്ടറിയുമായ ജി. ആര്‍ അജിത്തിനെതിരെ പോലീസ് അന്വേഷണം. സര്‍വീസ് ചട്ടം ലംഘിച്ച് സമുദായ സംഘടനയുടെ ഭാരവാഹിത്വം വഹിക്കുന്നു എന്ന ആരോപണത്തെ കുറിച്ചാണ് അന്വേഷണം. 

 സിറ്റി ട്രാഫിക് സ്റ്റേഷനിലെ കോണ്‍സ്റ്റബിളായ അജിത്ത് പോലീസ് വകുപ്പിലെ മുടിചൂടാമന്നനാണ്. പേരൂര്‍ക്കട എന്‍എസ്എസ് കരയോഗം സെക്രട്ടിയായ അജിത്ത് അടുത്തിടെ തെരഞ്ഞെടുക്കപ്പെട്ടു. പെരുന്ന എന്‍എസ്എസ് ആസ്ഥാനത്തെ ഇല്കട്രല്‍ മെമ്പര്‍ കൂടിയാണ് അജിത്. അദ്ദേഹത്തിന്റെ സമുദായ സംഘടനാ അംഗത്വം പോലീസിന്റെ മതേതര മൂല്യം തകര്‍ക്കുമെന്ന ആരോപണത്തെ തുടര്‍ന്നാണ് അന്വേഷണം. 

സിറ്റി പോലീസ് കമ്മീഷണറായ എച്ച്. വെങ്കിടേഷാണ് അജിത്തിനെതിരെ അന്വേഷണം പ്രഖ്യാപിച്ചത്. പോലീസില്‍ അജിത്ത് അറിയാതെ ഒന്നും നടക്കില്ലെന്നാണ് പൊതുവെ പറയപ്പടുന്നത്. അജിത്തിന് സമുദായ സംഘടനയില്‍ അംഗത്വം ലഭിച്ചതിനെ തുടര്‍ന്ന് മറ്റു ചിലരും സംഘടനാ സ്വാതന്ത്ര്യം ആവശ്യപ്പെട്ട് ആഭ്യന്തര മന്ത്രി രമേശ് ചെന്നിത്തലയെ കണ്ടിരുന്നു. 

പ്രാഥമികാന്വേഷണത്തില്‍ അജിത്തിനെതിരെ തെളിവുണ്ടെന്നാണ് പോലീസിലെ ഉന്നതര്‍ പറയുന്നത്. അജിത് ഭാരവാഹിത്വത്തിലേക്ക് വന്നതോടെയാണ് പോലീസ് അസോസിയേഷനില്‍ കോണ്‍ഗ്രസിന്റെ പ്രവര്‍ത്തനം സജീവമായത്. ഇതിനെതിരെ ചില കോണുകളില്‍ നിന്നും ആക്ഷേപം ഉയര്‍ന്നിരുന്നു. അജിത്തിന്റെ അംഗത്വ വിഷയം മുഖ്യമന്ത്രിയുടെ പരിഗണനയ്ക്കും വന്നിരുന്നു. മുഖ്യമന്ത്രി പക്ഷേ ഇത് സംബന്ധിച്ച് നടപടിയൊന്നും സ്വീകച്ചില്ല. കാരണം നായര്‍ സര്‍വീസ് സൊസൈറ്റിയിലാണ് അജിത്തിന് അംഗത്വമുള്ളത്. രണ്ടാമത്തെ കാരണം എന്‍എസ്എസ് ഭാരവാഹിതത്തിന്റെ പേരില്‍ താന്‍ അന്വേഷണം നടത്തിയാല്‍ അത് തന്റെ ശത്രുക്കള്‍ ആയുധമാകും. അതിനാല്‍ പരാതി ആഭ്യന്തരമന്ത്രിക്ക് കൈമാറുകയായിരുന്നു മുഖ്യമന്ത്രി.
സര്‍ക്കാര്‍ ഉദ്യോഗസ്ഥര്‍ക്ക് രാഷട്രീയ പാര്‍ട്ടികളിലും അംഗത്വം എടുക്കാന്‍ പാടില്ല. എന്നാല്‍ സര്‍വീസ് സംഘടനകളിലുള്ള നിരവധി പേര്‍ക്ക് പാര്‍ട്ടി മെമ്പര്‍ഷിപ്പുണ്ട്. ഇതിനെതിരെ അന്വേഷണത്തിന് ആരു ധൈര്യപ്പെടും എന്നാണ് ചോദ്യം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha