സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത... ഏഴുജില്ലകളില് യെല്ലോ അലര്ട്ട് പ്രഖ്യാപിച്ചു, ശക്തമായ കാറ്റിനും സാധ്യത, മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പ്, മണ്ണിടിച്ചില് സാധ്യതയുള്ളതിനാല് മലയോര മേഖലകളില് താമസിക്കുന്നവര് ജാഗ്രത പാലിക്കണമെന്നും ദുരന്ത നിവാരണ അതോറിട്ടിയുടെ മുന്നറിയിപ്പ്
സംസ്ഥാനത്ത് ഞായറാഴ്ച ശക്തമായ മഴയ്ക്കുസാധ്യത. ഏഴുജില്ലകളില് യെല്ലോ അലര്ട്ട് പ്രഖ്യാപിച്ചു. ശക്തമായ കാറ്റിനും സാധ്യതയുണ്ട്. മത്സ്യത്തൊഴിലാളികള് കടലില് പോകരുത്.
ഒറ്റപ്പെട്ട ഇടങ്ങളില് 24 മണിക്കൂറില് 64.5 മുതല് 115.5 വരെ മില്ലീമീറ്റര് മഴലഭിക്കുമെന്നാണ് പ്രവചനം. ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് വസിക്കുന്നവര്, നദിക്കരകളില് താമസിക്കുന്നവര് തുടങ്ങിയവര് പ്രത്യേക ജാഗ്രത പാലിക്കണം.
സംസ്ഥാനത്ത് അടുത്ത അഞ്ച് ദിവസം ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചു. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, നാളെ കോട്ടയം, എറണാകുളം, ഇടുക്കി എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഉരുള്പ്പൊട്ടള്, മണ്ണിടിച്ചില് സാധ്യതയുള്ളതിനാല് മലയോര മേഖലകളില് താമസിക്കുന്നവര് ജാഗ്രത പാലിക്കണമെന്നും ദുരന്ത നിവാരണ അതോറിട്ടി മുന്നറിയിപ്പ് നല്കി. കേരള തീരത്തും തെക്ക് - കിഴക്ക് അറബിക്കടലിലും മണിക്കൂറില് 50 മുതല് 60 കി. മി വരെ വേഗതയില് കാറ്റ് വീശാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുത്അ
അതെ സമയം ഇന്നലെ രാവിലെ മുതല് തെക്കന് ജില്ലകളില് പല സ്ഥലങ്ങളിലും ശക്തമായ മഴയാണ് അനുഭവപ്പെടുന്നത്. താഴ്ന്ന സ്ഥലങ്ങള് വെള്ളപ്പൊക്ക ഭീതിയിലായിട്ടുണ്ട്. മദ്ധ്യകേരളത്തിലും മലബാര് മേഖലയിലും ഇടതടവില്ലാതെ മഴ തുടരുകയാണ്. ഡാമുകളിലും നദികളിലും ജലനിരപ്പ് ഉയര്ന്നതോടെ നദീതീരങ്ങളില് താമസിക്കുന്നവര് ജാഗ്രത പുലര്ത്തണമെന്ന് ദുരന്തനിവാരണ അതോറിട്ടി അറിയിച്ചു.വരും മണിക്കൂറുകളില് ഇടിമിന്നലും, ശക്തമായ കാറ്റോടും കൂടിയ മഴയ്ക്കാണ് സാദ്ധ്യത.പൊതുജനങ്ങള് ജാഗ്രത പാലിക്കണമെന്നും കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നു. ഉരുള്പൊട്ടല്, മണ്ണിടിച്ചില് സാദ്ധ്യതയുള്ള പ്രദേശങ്ങളില് താമസിക്കുന്നവരും, നദിക്കരകളില് താമസിക്കുന്നവരും പ്രത്യേക ജാഗ്രത പുലര്ത്തണം.കേരള തീരത്ത് ഉയര്ന്ന തിരമാലയ്ക്കും, കടലാക്രമണത്തിനും സാദ്ധ്യതയുള്ളതിനാല് തീരദേശവാസികള്ക്ക് ജാഗ്രത നിര്ദേശം നല്കി. ശക്തമായ കാറ്റ് വീശാന് സാദ്ധ്യതയുള്ളതിനാല് കേരള, ലക്ഷദ്വീപ് തീരങ്ങളില് മത്സ്യ തൊഴിലാളികള് കടലില് പോകരുതെന്ന് മുന്നറിയിപ്പുണ്ട്. ജൂണ് 8 ഓടെ പടിഞ്ഞാറന് ബംഗാള് ഉള്ക്കടലില് പുതിയ ന്യൂന മര്ദ്ദം രൂപപ്പെടാന് സാദ്ധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
നിലമ്പൂരിലെ മലയോരമേഖലയില് കനത്ത മഴ തുടരുന്നു. ശനിയാഴ്ച രാവിലെ മുതല് പെയ്ത കനത്ത മഴയില് ചാലിയാറിലും പോഷക നദികളിലും
ജലനിരപ്പ് ഉയര്ന്നു.കാഞ്ഞിരപ്പുഴയിലും കുറുവന് പുഴയിലും മലവെള്ളപാച്ചില് തുടരുന്നു.
വനത്തിനുള്ളില് കനത്തമഴ തുടരുന്നതിനാല് ആദിവാസി കോളനികള്ക്ക് ജാഗ്രതാ നിര്ദേശം നല്കി. 2018 ല് തകര്ന്ന മതില്മൂല ആദിവാസി കോളനിക്ക് സമീപം പുഴകള് കരകവിഞ്ഞു.നിലമ്പൂര് ഊട്ടി കെഎന്ജി റോഡില് മൂന്നിടങ്ങളില് അരക്കൊപ്പം വെള്ളം കയറി. ചന്തക്കുന്ന് വെളിയംതോട്, ജനതപടി, ജ്യോതിപടി, മിനര്വ്വപ്പടി എന്നിവടങ്ങളിലാണ് വെള്ളം കയറിയത്.
നിലമ്പൂരിലെ ഗ്രാമീണ പാതകളും വെള്ളപ്പൊക്കത്തില് മുങ്ങി.കക്കാടംപൊയിലില് പ്രദേശങ്ങളില് കനത്ത കാറ്റും അനുഭവപ്പെടുന്നുണ്ട്. വനാന്തരങ്ങളിലെ നിരവധി കുടുംബങ്ങളോട് ജാഗ്രത പുലര്ത്താന് റവന്യൂവകുപ്പ് നിര്ദേശം നല്കി. അഗ്നിശമന വിഭാഗം വിവിധയിടങ്ങളില് സ്ഥിതിഗതികള് പരിശോധിക്കുകയാണ്
"
https://www.facebook.com/Malayalivartha