പൂന്തുറയില് സ്ഥിതി അതിരൂക്ഷം... ഇന്ന് 129 പേര് ജില്ലയില് രോഗം ബാധിച്ചതില് 105 പേര്ക്കും സമ്ബര്ക്കത്തിലൂടെയാണ് രോഗം ബാധിച്ചത്
തിരുവനന്തപുരത്തെ തീരദേശ പ്രദേശമായ പൂന്തുറയില് സ്ഥിതി ഇപ്പോഴും അതിരൂക്ഷമായി തന്നെ തുടരുകയാണ്. ഇന്ന് മാത്രം ജില്ലയില് 129 പേരിലാണ് കൊവിഡ് ബാധ കണ്ടെത്തിയത്. ഇതില് 105 പേര്ക്കും സമ്പര്ക്കത്തിലൂടെയാണ് രോഗം വന്നതെന്ന വസ്തുതയും ആശങ്ക വര്ദ്ധിപ്പിക്കുന്നു.
തിരുവനന്തപുരത്ത് അഞ്ച് ക്ളസ്റ്ററുകളാണുളളതെന്നും ഒരു പ്രത്യേക പ്രദേശത്ത് അന്പതിലധികം രോഗികള് ഉണ്ടാകുമ്പോഴാണ് ക്ളസ്റ്ററുകളാകുന്നതെന്നും മുഖ്യമന്ത്രി പിണറായി വിജയന് ഓണ്ലൈന് വാര്ത്താ സമ്മേളനത്തിലൂടെ അറിയിച്ചു.
തിരുവനന്തപുരം നഗരത്തിലെ മൂന്ന് വാര്ഡുകള് ലാര്ജ് കമ്മ്യൂണിറ്റി ക്ളസ്റ്ററുകളാണ്. 129 പേര് ജില്ലയില് രോഗം ബാധിച്ചതില് 105 പേര്ക്കും സമ്ബര്ക്കത്തിലൂടെയാണ് രോഗം ബാധിച്ചത്. മറ്റൊരു ലാര്ജ് കമ്മ്യൂണിറ്റി ക്ളസ്റ്റര് പൊന്നാനിയിലാണ്. മുഖ്യമന്ത്രി പറഞ്ഞു.
സമ്ബര്ക്ക രോഗികള് സംസ്ഥാനത്ത് കൂടുന്നത് അപകടകരമായ സാഹചര്യമാണെന്നും മുഖ്യമന്ത്രി പറഞ്ഞു. സംസ്ഥാനത്ത് ഇന്ന് മാത്രം 416 പേര്ക്കാണ് രോഗം സ്ഥിരീകരിച്ചത്. ഇതില് 204 പേര്ക്ക് സമ്ബര്ക്കത്തിലൂടെയാണ് രോഗം ബാധിച്ചത്.
രോഗബാധിതരില് 123 പേര് വിദേശരാജ്യങ്ങളില് നിന്നും വന്നവരാണ്. മറ്റ് സംസ്ഥാനങ്ങളില് നിന്ന് വന്നവര് 51പേരുമാണെന്ന് മുഖ്യമന്ത്രി പിണറായി വിജയന് അറിയിച്ചു. 112 പേര്ക്കാണ് രോഗം ഭേദമായത്. നിലവില് സംസ്ഥാനത്ത് സമ്ബര്ക്കരോഗികള് ആകെ 20.64% ആയി.
https://www.facebook.com/Malayalivartha