കോവിഡിന്റെ പശ്ചാത്തലത്തില്‍ ആനകള്‍ക്ക് പ്രോട്ടോക്കോളു മായി ദേവസ്വം ബോര്‍ഡ്
തിരുവിതാംകൂര്‍ ദേവസ്വം ബോര്‍ഡ് കോവിഡിന്റെ പശ്ചാത്തലത്തില്‍ ആനകളെ സംബന്ധിച്ച് പ്രത്യേക നിര്‍ദേശങ്ങളുമായി രംഗത്തെത്തി.
കോവിഡ് വ്യാപകമാകുന്ന സാഹചര്യത്തില്‍ ആനകളെ പൊതുനിരത്തുകളിലും പൊതുസ്ഥലങ്ങളിലും കൊണ്ടു പോകാന്‍ പാടില്ല. ആനകള്‍ക്കുള്ള തീറ്റ വാഹനങ്ങളില്‍ കൊണ്ടു പോകുമ്പോള്‍ റോഡില്‍ കൂടി വലിച്ചുകൊണ്ടു പോകാന്‍ പാടില്ലെന്നും ബോര്‍ഡിന്റെ ഉത്തരവില്‍ പറയുന്നു.
പാപ്പാന്‍മാരും സുരക്ഷിതരായിരിക്കണം. സന്ദര്‍ശകരെ പരമാവധി ഒഴിവാക്കണം. ഇതിനായി കോവിഡ് പ്രോട്ടോക്കോള്‍ പ്രകാരം പാപ്പാന്‍മാര്‍ ജോലി ചെയ്യണം. ആനകളുടെ തീറ്റ, റേഷന്‍ തുടങ്ങിയവ സുരക്ഷിതമായ സ്ഥലങ്ങളില്‍ നിന്നുമാത്രം നല്‍കണം. അപരിചിതര്‍ നല്‍കുന്ന ഭക്ഷ്യവസ്തുക്കള്‍ ഒഴിവാക്കണം.
ആനയെ കെട്ടുന്ന തറിയും പരിസരവും വൃത്തിയായി സൂക്ഷിക്കണം. ആനകളുടെ ആരോഗ്യസ്ഥിതി നിരീക്ഷിച്ച് റിപ്പോര്‍ട്ട് നല്‍കണമെന്നും ഉത്തരവിലുണ്ട്. ദേവസ്വം വെറ്ററിനറി ഓഫീസര്‍ ഡോ. ബിനു ഗോപിനാഥ് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ദേവസ്വം ബോര്‍ഡിന്റെ ഉത്തരവ്.
https://www.facebook.com/Malayalivartha
