സ്വര്‍ണക്കള്ളക്കടത്തു കേസില്‍ കൂടുതല്‍ പേര്‍ നിരീക്ഷണത്തില്‍... ദുബായിലുള്ള, 'ആനിക്കാട് ബ്രദേഴ്‌സ്' എന്നറിയപ്പെടുന്ന 2 പേര്‍ സ്വര്‍ണക്കള്ളക്കടത്തിനു പുറമേ കള്ളപ്പണ ഇടപാടുകളുമായി ബന്ധപ്പെട്ട് അന്വേഷണ സംഘത്തിന്റെ നിരീക്ഷണത്തില്‍
നയതന്ത്രചാനല്‍ വഴിയുള്ള സ്വര്‍ണ്ണക്കടത്ത് പുറത്തുവന്നപ്പോള്‍ നിരവധി പേരുകളും കൂടിയാണ് അതോടൊപ്പം കേരളം കേട്ടത്. അതുപോലെ കേരളത്തിന് മുന്നില്‍ മറ്റൊരു പേരും കൂടി എത്തിയിരിക്കുകയാണ് ..ആനിക്കാട് ബ്രദേഴ്‌സ് .
സ്വര്‍ണക്കള്ളക്കടത്തു കേസില്‍ കൂടുതല്‍ പേര്‍ നിരീക്ഷണത്തിലായിരിക്കുകയാണ് .ഇപ്പോള്‍ ദുബായിലുള്ള, 'ആനിക്കാട് ബ്രദേഴ്‌സ്' എന്നറിയപ്പെടുന്ന 2 പേരാണ് സ്വര്‍ണക്കള്ളക്കടത്തിനു പുറമേ കള്ളപ്പണ ഇടപാടുകളുമായി ബന്ധപ്പെട്ട് അന്വേഷണ സംഘത്തിന്റെ നിരീക്ഷണത്തിലുള്ളത്. മൂവാറ്റുപുഴയിലെ ഒരു വ്യാപാരിയും നിരീക്ഷണത്തിലാണ്.ദുബായിലെ ഹവാല ഇടപാടുകളില്‍ അന്വേഷണ ഏജന്‍സികള്‍ പലവട്ടം പരിശോധനകള്‍ നടത്തിയിട്ടുള്ള മൂവാറ്റുപുഴ സ്വദേശിയുടെ ബന്ധുക്കളാണ് റബിന്‍സും ജലാലും. ജലാല്‍ മുഹമ്മദും അന്വേഷണത്തിലുള്ള റബിന്‍സും കൂടാതെ മൂവാറ്റുപുഴ സ്വദേശികളായ വേറെയും ചിലര്‍ തിരുവനന്തപുരം സ്വര്‍ണക്കടത്തു കേസില്‍ ഉള്‍പ്പെട്ടതായാണു സൂചന.
'ആനിക്കാട് ബ്രദേഴ്‌സാ'ണ് ഇവരെ കള്ളക്കടത്തിലേക്ക് എത്തിച്ചതെന്നാണു വിവരം. പെരുമറ്റം കേന്ദ്രീകരിച്ചു പ്രവര്‍ത്തിക്കുന്ന സംഘത്തിലെ 8 പേരാണ് അന്ന് അറസ്റ്റിലായത്. അന്വേഷണഘട്ടത്തില്‍ ആനിക്കാട് ബ്രദേഴ്‌സാണു റബിന്‍സിനെയും ജലാലിനെയും വിദേശത്തേക്കു കടക്കാന്‍ സഹായിച്ചത്. വിദേശത്തേക്കു കടന്നതിനാല്‍ ഇരുവരും കേസില്‍ അറസ്റ്റിലാകാതെ രക്ഷപ്പെടുകയായിരുന്നു.
ജലാലും റബിന്‍സും കുറഞ്ഞ കാലം കൊണ്ട് വലിയ തോതില്‍ സ്വത്ത് സമ്പാദിച്ചിട്ടുണ്ടെന്ന് അന്വേഷണ ഏജന്‍സികള്‍ കണ്ടെത്തിയിട്ടുണ്ട്. 2015 ലെ നെടുമ്പാശേരി സ്വര്‍ണക്കള്ളക്കടത്തു കേസില്‍ അറസ്റ്റിലായവര്‍ പുറത്തിറങ്ങി കേരളത്തില്‍ സജീവമായപ്പോള്‍, ജലാലിന്റെയും റബിന്‍സിന്റെയും 'ആനിക്കാട് ബ്രദേഴ്‌സി'ന്റെയും നിയന്ത്രണത്തിലായി ഗള്‍ഫിലെ സ്വര്‍ണക്കടത്ത്.രാജ്യത്തിന്റെ സാമ്പത്തിക അടിത്തറ തകര്‍ക്കാനും ഭീകരപ്രവര്‍ത്തനത്തിന് ഫണ്ട് നല്‍കാനുമാണ് നയതന്ത്ര ചാനല്‍ വഴി സ്വര്‍ണം കടത്തിയതെന്ന് ഇന്നലെ കോടതിയില്‍ ആവര്‍ത്തിച്ച എന്‍.ഐ.എ, രണ്ടാം പ്രതി സ്വപ്നയുടെ ബാങ്ക് ലോക്കറുകളില്‍ നിന്ന് ഒരു കോടി രൂപയും ഒരു കിലോയോളം സ്വര്‍ണവും പിടിച്ചെടുത്തെന്നും വെളിപ്പെടുത്തി.കേസിലെ മുഖ്യസൂത്രധാരന്‍ കെ.ടി. റമീസാണ്. ലോക്ക് ഡൗണ്‍ സമയത്ത് പരമാവധി സ്വര്‍ണം കടത്താന്‍ ഇയാള്‍ നിര്‍ബന്ധിച്ചു. റമീസിന്റെ പ്രവര്‍ത്തനങ്ങളില്‍ ഭീകരബന്ധം സംശയിക്കുന്നുണ്ട്. ഇത് വിശദമായി അന്വേഷിക്കണം.
പ്രതികളുടെ മൊബൈല്‍ ഫോണുകള്‍, ലാപ്‌ടോപ് എന്നിവയിലെ വിവരങ്ങള്‍ സി - ഡാക്കിന്റെ സഹായത്തോടെ പരിശോധിക്കണമെന്നും അതിന്റെ അടിസ്ഥാനത്തില്‍ വീണ്ടും ചോദ്യം ചെയ്യണമെന്നും എന്‍.ഐ.എ വ്യക്തമാക്കി.പിന്നീട് കസ്റ്റഡിയില്‍ വാങ്ങിയ ഒന്നാംപ്രതി സരിത്തിനെയും ഇന്നലെ കോടതിയില്‍ ഹാജരാക്കി. മൂവരെയും ആഗസ്റ്റ് 21 വരെ റിമാന്‍ഡ് ചെയ്തു.
"
https://www.facebook.com/Malayalivartha
