വിശദമായ ചോദ്യം ചെയ്യലിനിടയില്‍ തിരുവനന്തപുരം സ്വര്‍ണ്ണക്കടത്തു കേസില്‍ സ്വപ്‌ന സുരേഷ് ഒരേയൊരു അഭ്യര്‍ത്ഥനയാണ് അന്വേഷണസംഘത്തോട് പറഞ്ഞത് .എത്രയും പെട്ടെന്ന് അറ്റാഷെയെ പിടികൂടണം .അയാളുടെ അറിവോടെയാണ് നിരവധി തവണ സ്വര്‍ണ്ണക്കടത്തു നടത്തിയത് .ഇതുമായി ബന്ധപ്പെട്ട തെളിവുകള്‍ ഉള്‍പ്പടെ തന്റെ പക്കലുണ്ട് .ദുബായ് കേന്ദ്രീകൃതമായി അന്വേഷണം വ്യാപിപ്പിക്കേണ്ടതിന്റെ ആവശ്യകതയും അതോടൊപ്പം തന്നെ ഹവാല ഇടപാടുകളെ കുറിച്ചുള്ള വ്യാപകമായ പരിശോധനകള്‍ നടത്തേണ്ടതിന്റെ അനിവാര്യതയുമാണ് എന്‍ ഐ എ ക്കു മുന്നില്‍ ഉള്ളത് .

കേരളത്തിന് പുറത്താണ് സ്വപ്‌നയുടെ ക്ലയന്റുകള്‍ ഉള്ളത് എന്നാണ് എന്‍ ഐ എ പ്രാഥമികമായി മനസ്സിലാക്കിയത് .കേരളത്തില്‍ വര്‍ഷങ്ങളായി പല ജൂവല്ലറികളിലേക്കും സ്വര്‍ണ്ണം എത്തിക്കുന്നതായുള്ള വിവരവും പുറത്ത് വന്നിരിക്കുകയാണ് .അതിനിടയിലാണ് ആനിക്കാട് ബ്രദേഴ്‌സുമായി ബന്ധപ്പെട്ട ഹവാല അന്വേഷണം കൂടി നടത്തേണ്ടി വരുന്നത് .ഈ ഇടപാടില്‍ ദുബായ് കേന്ദ്രീകൃതമായാണ് കേരളത്തിലേക്ക് വന്‍തട്ടിപ്പ് നടക്കുന്നതെന്നും വ്യക്തമാകുന്നു .വിശദമായ ചോദ്യം ചെയ്യലില്‍ ഒരിടത്തു പോലും ശിവശങ്കറിന്റെ പങ്കിനെക്കുറിച്ച് സ്വപ്ന പറഞ്ഞില്ല ,എന്നാല്‍ സരിത്താകട്ടെ ശിവശങ്കറിന്റെ പങ്ക് എടുത്തു പറഞ്ഞാണ് വിശദീകരിച്ചത് .സ്വപ്നയുടെ മൊഴിയനുസരിച്ച് അറ്റാഷെയാണ് ഓരോ തവണ സ്വര്‍ണ്ണം കടത്തുമ്പോഴും 1500 ഡോളര്‍ വീതം നല്‍കി എന്ന് പറയുന്നത്

കഴിഞ്ഞ ദിവസം നടന്ന എന്‍ഐഎ ചോദ്യം ചെയ്യലില്‍ എം. ശിവശങ്കറും തനിക്ക് സ്വപ്നയുമായി സൗഹൃദമാണ് ഉള്ളതെന്നായിരുന്നു ഉദ്യോഗസ്ഥരോട് വെളിപ്പെടുത്തിയത്. തന്റെ സൗഹൃദം സ്വപ്ന ദുരുപയോഗം ചെയ്യുകയായിരുന്നെന്നും സ്വര്‍ണക്കടത്തില്‍ ബന്ധമില്ലെന്നുമായിരുന്നു അദ്ദേഹം കഴിഞ്ഞ ദിവസവും അന്വേഷണ സംഘത്തോട് പറഞ്ഞത്. എന്നാല്‍ ഇദ്ദേഹത്തെ കാണാന്‍ സരിത്ത് മറ്റ് പ്രതികള്‍ക്കൊപ്പം സെക്രട്ടേറിയറ്റിനുള്ളില്‍ എത്തിയതായി പറഞ്ഞിരുന്നു. ഇതിന് തെളിവു ലഭിച്ചാല്‍ ശിവശങ്കറിനു മേല്‍ കുരുക്കു മുറുകാനാണ് സാധ്യത. അങ്ങനെയെങ്കില്‍ അന്വേഷണം മുഖ്യമന്ത്രിയുടെ ഓഫീസിലേക്കെത്തും .നിലവില്‍ സ്വപനയ്ക്കായി അധികാര ദുര്‍വിനിയോഗം നടത്തിയിട്ടുണ്ടോ എന്ന ചോദ്യമാണ് എന്‍ ഐ എ യുടെ മുന്നിലുള്ളത് .അതുമായി ബന്ധപ്പെട്ട സി സി ടി വി ദൃശ്യങ്ങള്‍ പരിശോധിക്കാനുള്ള നീക്കം മുടങ്ങുകയും ചെയ്തു .

ശിവശങ്കറിന് ഏതെങ്കിലും വിധത്തിലുള്ള സാമ്പത്തിക ലാഭം സ്വപ്‌നവഴിയോ മറ്റോ ലഭ്യമായിട്ടുണ്ടോ എന്നതാണ് ഇനി ചോദ്യം ചെയ്യേണ്ടത് .അര്‍ധരാത്രി സ്വപനയുടെ ഫ്‌ലാറ്റില്‍ നിന്നും പുറത്തു പോയ ശിവശങ്കറിനെ കണ്ടു എന്ന് പറഞ്ഞത് തന്നെ അപകീര്‍ത്തിപ്പെടുത്താനാണെന്നും ശിവശങ്കര്‍ പറയാന്‍ സാധ്യതയുണ്ട് .അതിനാല്‍ തന്നെ ശിവശങ്കറിലേക്കുള്ള കേസ് അടിമുടി മുറുക്ക് തന്നെയാണ് ചെയ്തിരിക്കുന്നത് .കേവലം സൗഹൃദത്തിന്റെ പേര് പറഞ്ഞു ശിവശങ്കരന് രക്ഷപെടാന്‍ കഴിയില്ല എന്ന് തന്നെയാണ് സരി്്ത്തിനെ ചോദ്യം ചെയ്തതില്‍ നിന്നും
മനസ്സിലാകുന്നത് .അറ്റാഷെയുള്‍പ്പടെ തട്ടിപ്പ് നടത്തുന്നതിന്റെ പങ്ക് പറ്റിയവരെല്ലാം തന്നെ ഇന്ത്യയിലേക്കു എത്തിക്കാന്‍ ഉള്ള നടപടികള്‍ കേന്ദ്ര സര്‍ക്കാര്‍ നടപ്പിലാക്കും എന്ന് തന്നെയാണ് കരുതുന്നത് .