പിണറായിക്ക് രാജി വയ്‌ക്കേണ്ടി വരും; ഓഫീസിന് പങ്കില്ലെന്ന് പറയാന്‍ മുഖ്യമന്ത്രിക്ക് സാധിക്കില്ല; പ്രിന്‍സിപ്പല്‍ സെക്രട്ടറിയും ഐ.ടി ഫെല്ലോയും പ്രതികള്‍; സോളര്‍ കേസല്ല സ്വര്‍ണക്കള്ളക്കടത്ത് കേസ്; സര്‍ക്കാരിന്റെ വിഴ്ചകള്‍ അക്കമിട്ട് നിരത്തി കേരളാ കോണ്‍ഗ്രസ് (ജേക്കബ്) നേതാവ് വി.എസ് മനോജ്കുമാര്‍
സ്വര്‍ണക്കടത്ത് കേസില്‍ പിണറായി വിജയന് രാജി വയ്‌ക്കേണ്ടി വരുമെന്ന് കേരളാ കോണ്‍ഗ്രസ് (ജേക്കബ്) വിഭാഗം സംസ്ഥാന ജനറല്‍ സെക്രട്ടറി വി.എസ് മനോജ് കുമാര്‍. സ്വര്‍ണക്കടത്തുക്കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പള്‍ സെക്രട്ടറിക്കും ഐ.ടി ഫെല്ലോക്കും ഗൂഢാലോചനയില്‍ പങ്കുണ്ടെന്ന് എന്നതിന് തെളിഞ്ഞിട്ടുണ്ട്. എന്‍.ഐ.എ ശിവശങ്കറിനെ ചോദ്യം ചെയ്യുന്ന സാഹചര്യം കൂടിയുണ്ടായ നിലക്ക് മുഖ്യമന്ത്രി സ്ഥാനത്ത് പിണറായി വിജയന് തുടരാന്‍ ഒരു അര്‍ഹതയുമില്ലെന്നും അദ്ദേഹം മലയാളി വാര്‍ത്തയോട് പറഞ്ഞു.
സരിതയല്ല സ്വപ്‌ന. സോളാര്‍ കേസില്‍ സരിത ചെയ്ത് തനിക്ക് മന്ത്രിമാരുമായി ബന്ധമുണ്ടെന്ന് തെറ്റിധരിപ്പിച്ച് ബിസിനസ് ആവശ്യങ്ങള്‍ക്കായി പലരില്‍ നിന്നും പണം വാങ്ങുകയായിരുന്നു. എന്നാല്‍ സര്‍ക്കാരിന് ഇതില്‍ പങ്കെന്നുമുണ്ടായിരുന്നില്ല. കൂടാതെ സരിതയോട് ബന്ധമുണ്ടെന്ന് മാധ്യമങ്ങള്‍ ആരോപിച്ച സ്റ്റാഫ് അംഗങ്ങളെ പുറത്താക്കുകയും ചെയ്തിരുന്നു. എന്നാല്‍ സ്വര്‍ണക്കടത്തില്‍ ആരോപണ വിധേയന്‍ മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയാണ്. കൂടാതെ സ്വര്‍ണക്കടത്ത് ദേശവിരുദ്ധ പ്രവര്‍ത്തനത്തിന്റെ ഭാഗമാണ്. അതിന്റെ ഭാഗമായിയാണ് എന്‍.ഐ.എ അന്വേഷണം ഏറ്റെടുത്ത്. സോളാര്‍ കേസുണ്ടായപ്പോള്‍ പ്രതിപക്ഷത്തിന്റെ എല്ലാ ആവശ്യങ്ങളും യു.ഡി.എഫ് സര്‍ക്കാര്‍ അംഗീകരിച്ചിരുന്നു. അവരുടെ ആവശ്യപ്രകാരമാണ് ജുഡീഷ്യല്‍ കമ്മിഷനെ സര്‍ക്കാര്‍ നിയോഗിച്ചത്. മുഖ്യമന്ത്രിയുടെ ഓഫീസി ഉള്‍പ്പെടെ അന്വേഷണ പരിധിയില്‍ ഉള്‍പ്പെടുത്തി. മുഖ്യമന്ത്രി ഉമ്മന്‍ചാണ്ടി തെളിവെടുപ്പുമായി സഹകരിച്ചു. എന്നാല്‍ ഇന്ന് സര്‍ക്കാര്‍ ഒരു അന്വേഷണത്തിനും തയ്യാറാകുന്നില്ല. തനിക്ക് പങ്കില്ലെന്ന് പറഞ്ഞ് മുഖ്യമന്ത്രി ഒഴിഞ്ഞു മാറുകയാണ് ചെയ്യുന്നതെന്നും മനോജ് കുമാര്‍ ആരോപിച്ചു.
ശിവശങ്കറിന്റെ പ്രവര്‍ത്തനങ്ങളെ കുറിച്ച് സര്‍ക്കാര്‍ അന്വേഷണം വേണം. നിരവധി അഴിമതികള്‍ക്കാണ് ശിവശങ്കര്‍ നേതൃത്വം നല്‍കിയത്. ഇതെല്ലാം അന്വേഷിക്കപ്പെടണം. ഇതില്‍ മുഖ്യമന്ത്രിയുടെ പങ്കും വ്യക്തമാണം. മുഖ്യമന്ത്രിയുടെ ഓഫീസിന്റെ ദുരുപയോഗം എന്‍.ഐ.എയുടെ അന്വേഷണത്തിന്റെ പരിധിയില്‍ വരില്ല. ഈ സാഹചര്യത്തില്‍ സി.ബി.ഐ പോലുള്ള ദേശീയ അന്വേഷണ എജന്‍സി മുഖ്യമന്ത്രിയുടെ ഓഫീസുമായി ബന്ധപ്പെട്ട അന്വേഷണം ഏറ്റെടുക്കണം. സര്‍ക്കാര്‍ തയ്യാറായില്ലെങ്കില്‍ യു.ഡി.എഫില്‍ ചര്‍ച്ചചെയ്ത് ആവശ്യമെങ്കില്‍ സി.ബി.ഐ അന്വേഷണത്തിനായി കോടതിയെ സമീപിക്കണമെന്നും അദ്ദേഹം ആവശ്യപ്പെട്ടു.
മലയാളി വാര്‍ത്തക്ക് അനുവദിച്ച വി.എസ് മനോജ്കുമാറിന്റെ പ്രത്യേക അഭിമുഖത്തിന്റെ പൂര്‍ണ രൂപം താഴെ.
https://www.facebook.com/Malayalivartha
