അട്ടപ്പാടിയിൽ കാട്ടാനയുടെ ആക്രമണത്തിൽ ഷോളയൂർ പഞ്ചായത്തിലെ വണ്ണാന്തറ ഊരുമൂപ്പൻ ചിന്നനഞ്ചൻ (70) കൊല്ലപ്പെട്ടു. ശനിയാഴ്ച രാവിലെ കന്നുകാലിയെ മേയ്ക്കാനായി പോയ മൂപ്പൻ വൈകിട്ടു തിരികെ എത്തിയിരുന്നില്ല.

പിന്നീട് രാത്രി തിരച്ചിൽ നടത്തിയെങ്കിലും കണ്ടെത്താനായില്ല. ഞായറാഴ്ച രാവിലെയാണ് മൃതദേഹം കണ്ടത്. ദേഹത്ത്​ ആനയുടെ ചവി​ട്ടേറ്റ പാടുകളുണ്ടായിരുന്നു. മൃതദേഹം പോസ്​റ്റുമോർട്ടത്തിനായി മണ്ണാർക്കാട്​ ഗവ. താലൂക്ക്​ ആശുപത്രിയിലേക്ക്​ മാറ്റി.

കഴിഞ്ഞ മൂന്നു മാസത്തിനിടെ കാട്ടാനകൾ പ്രദേശത്ത് 12 വീടുകൾ, ക്ഷീരസംഘം, തൊഴുത്തുകൾ, റേഷൻകട എന്നിവ തകർക്കുകയും അരിയും കാലിത്തീറ്റയും നശിപ്പിക്കുകയും ചെയ്തിരുന്നു.